صور اليونسيل الجديدة (لانسر صيني)

[m_elkhishin]

يا جماعة انا اكتشفت ان العربية دي متصنعة في الصين بترخيص من شركة متسوبيشي اليابانية يعني زيها مثلا زي الصني الموديل القديم اللي بتتجمع في مصر أو الفرنا أو الدايو أو .... أو .... اللي بيتجمعوا بنسبة 40% مصري و 60% مستورد

العربية دي بتتجمع في شركة soueast الصينية وبتتباع في الصين باسم متسوبيشي لانسر وعليها لوجو متسوبيشي

العربية دي وكيلها الرواس وبتتباع ب 74000 فول أوبشنز
العربية دي عجباني جدا وعاوز اشتريها بس النقطة الوحيدة اللي مقلقاني حكاية اعادة البيع لو لا قدر الله اتزنقت وحبيت أبيعها
لكن بالنسبة للكفاءة أنا بحثت كتير على النت وكل الريفيوهات مشجعة جدا
أرجو تقولولي رأيكم

ودي الصور

طبعا الموجودة في مصر جير عادي مش أوتوماتيك وموتور والات جر وعفشة متسوبيشي

[Xpert]

شكلها مش وحش بس الصيني صيني ... يا عم خلينا في ال 132 .. اللي نعرفه احسن من اللي مانعرفوش ههههه

[m_elkhishin]

متخلينيش اقر عليك... مانا لو بي اماوي زي حالاتك مكنتش فكرت أغير..

[eng_mkhalaf]

كويسة وبالذات أن نصها ميتسوبشى - بس مش عارف لية مش مطمن نفسيا من ناحيتها

[Xpert]

ماشي يا عم ..
بس برضه لو انا اجيب لانسر 98 /99 و اجيبلها اكصدامات الليونسيل دي و كل سنه و انت طيب ههه

[m_elkhishin]

على فكرة أنا سالت في الرواس وقال ضمان 3 سنين أو 40 ألف كيلو
وحتى المفتاح عليه لوجو متسو

ويا عم أنا لو معايا ال74 ألف كاش كنت دورت على حته 320 بنت حلال أو ازود شوية و ادور على دبانة أصلى من عشاق الدفع الخلفي
بس للاسف مش حينفع أجيب غير قسط :p

[Xpert]

ايوا يا عم تعالي انضم لينا و سيبك من الاسياويين دوول هههه
اصل الصيني صيني .. عارف لو هايصنعوا صواريخ تطلع القمر ... برضه هاتفضل صيني ...