15 لتر بيعملوا 100 كيلو ؟ صح ولا لا

[al_manara]

السلام عليكم
اخواني حسبت استهلاك الوقود في السيارة وجدت التالي
ال 15 لتر بنزين عملوا جوة البلد 100 كيلو بالضبط
هل دة استهلاك مناسب ولا كتير ؟
السيارة اكسيل 1500

[magdi mina]

كتير طبعا لان المتوسط عشرة كيلو لكل لتر ... فى حاجة عندك هى السبب .... دووووووووووور

[fahd_628]

لأ كتييييير بصراحة

[analyzer]

كتير جدا

غالبا عندك مشكله فى الكهرباء بتاعة الموتور وغالبا مقدمة كهرباء

[tohamy007]

لو انت فالقاهرة يبقى اكيد مش كتير لانك بتقول جوة البلد واعتقد انك بتق فالزحمة اكتر ما بتمشي ودة كلة بيحرق بنزين .... ولو عايز تعرف الاستهلاك الفعلي للبنزين يفضل بخط سريع بيكون واقعي اكتر واكيد مظبوط

[al_manara]

لو انت فالقاهرة يبقى اكيد مش كتير لانك بتقول جوة البلد واعتقد انك بتق فالزحمة اكتر ما بتمشي ودة كلة بيحرق بنزين .... ولو عايز تعرف الاستهلاك الفعلي للبنزين يفضل بخط سريع بيكون واقعي اكتر واكيد مظبوط

تمام كدة

انا بتهري وبيطلع عيني من الزحمة كفاية وقفة كوبري 6 اكتوبر وعباس العقاد ومكرم عبيد ووسط البلد
اةةةةةةةةةةةةةةةةةةةة

[khalid_adel]

بس في سوأل هل ال 15 لتر اللي عملو 100 كيلو كانو في يوم واحد ولا كذا يوم
اوضحلك اكتر
انا جت عليا فتره رمضان كنت بصحي اسخن العربيه الصبح وامشي 5 كيلو واركنها 7 ساعات ورجع ادورها تاني وارجع بيها 5 كم تاني
لقيت العربيه قطعت 100 كيلو ب 20 لتر تقريبا والمفروض عندي تقطع 150كم يعني الاستهلاك زاد اوي
وطبعا فهمت السبب ونفس الكلام ينطبق في الزحمة الشديده والوقفه الطويله وياسلام لو التكيف شغال:):):)
ارجو اني اكون افدتك

[eng_mkhalaf]

لاة مش طبيعى - بغض النظر عن الزحمة وغيرة - روح بص على العربية عند إى ميكانيكى وأقطع الشك باليقين

[Hossam_Hassan]

قيس استهلاك يوم جمعة او مشوار طوالى و بعدين شوف، علشان فعلا الزحمة بتفرق لما تقف بالربع ساعة فى اشارة.

[Eng_Nissan]

لا كتير يا مان لان المتوسط في المحرك الـ 1500 انها بتعمل 220-250 كم في الصفيحه (20 لتر) داخل البلد .

[hic]

انا اعتقد ان المعدل ده كتير شويه بغض النظر عن الزحمه

[memoz]

كتير جدا الصراحه

[al_manara]

بس في سوأل هل ال 15 لتر اللي عملو 100 كيلو كانو في يوم واحد ولا كذا يوم
اوضحلك اكتر
انا جت عليا فتره رمضان كنت بصحي اسخن العربيه الصبح وامشي 5 كيلو واركنها 7 ساعات ورجع ادورها تاني وارجع بيها 5 كم تاني
لقيت العربيه قطعت 100 كيلو ب 20 لتر تقريبا والمفروض عندي تقطع 150كم يعني الاستهلاك زاد اوي
وطبعا فهمت السبب ونفس الكلام ينطبق في الزحمة الشديده والوقفه الطويله وياسلام لو التكيف شغال:):):)
ارجو اني اكون افدتك

جزاكم الله خير علي الردود
انا هاجربها في طريق سفر وربنا يسهل
بس انا بدات احسبها لاني لاحظت اني بحط بنزين كتير جدا

هي علي فترات يعني مثلا امشي 15 كيلو وبعدين ارجعهم وبعدها مثلا 5 كيلو وبعدين ارجعهم
وتاني يوم اكمل وهكذا
يعني علي فترات متقطعة

[abdelaziz-waleed]

انا خبرتي ضعيفة بس واضح جداً ان ده كتير اوي لأن لو انت واقف في الزحم العربية بتحرق 1 –1.2 لتر في الساعة فأنا لا اعتقد انك بتقف في الزحمة 4 ساعات في ال 100 كيلو اكتر مني شخصياً على اسا ان عندي العربية داخل المدينة بتحرق 10- 11 لتر/100 كيلو بالكتير ولو حتي مشغل التكيف مع العلم ان العربية 1600 سيسي.

على فكرة لو عندك تسريب للبنزين مش هاتلاحظه لو انت حسبت على طريق سريع لأنه مش هايلحق يتسرب بكميات كبيرة زي داخل المدينة فأنا انصحك انك تكشف عليها الأول قبل ما تطلع تسافر بيها وتعدلها. وإن شاء الله تكون حاجة بسيطة

[volcano12]

ya gama3a el excel bala3et banzene, bat5od ma3aya kol 150km --> 20 liter banzen

... dah b ba3d el 7ar2 tab3an men kotr el narfaza!!!!

excel 1500cc 96