Tweet
يا جماعة ده تقيم بسيط مني لعربيتي لانسر 2007
أولا أنا معايا لانسر 2007 1600 اوتوماتيك هاف سبورت مصري .اشترتها يوم 15/6/2007 بمبلغ 97000 لحلوح مصري.
النهاردة 23/2/2008 قراءة العداد 40855 كيلومتر بالتمام والكمال.
أنا هحاول أعمل التقيم في شكل نقط علشان منساش حاجة وكمان نتناقش في كل نقطة على حده:
• أول حاجة سبب شراء العربية اني في الشغل كان معايا لانسر 2006 1300 مانيوال وفضلت معايا 6 شهور بالظبط عملت فيهم 33000 كيلومتر(كنت مستلم العربية عاملة 2700 كيلومتر) وطبعا أنا كنت شايف ان ده رقم كبير جدا ويعتبر بالنسبة لناس كتير جدا خدمة شاقة للعربية وفي خلال المدة ده كلها العربية معملتش غير تغير الزيت وتيل فرامل واحد على 28000 كيلومتر.في نفس الوقت العربية كانت بتديني كل اللى أنا عاوزه زي الشد والثبات الخرافي على السرعات العالية وفي نفس الوقت كماليات ممتازة من تكييف وسنتر وزجاج كهربة ومرايات كهربة وباور ريموت.......إلخ.
وبالنسبه ليا أنا كنت محتاج عربية تستحمل بهدلتي ليها وفي نفس الوقت متفتحش بقها أبدا لأن أنا مش هبقى فاضي ليها(من الأخر عاوز لامؤخذة حمار شغل طول ما البرسيم قدامه هو شغال تمام)لأن أنا أهلي من طنطا وأنا قاعد نص الاسبوع هناك والنص التاني في القاهرة وكمان شغلي مش في مكان ثابت (مليش مكتب ولا مواعيد ولا حاجة خالص::))
عشان كده كنت محتاج عربية مفيهاش أي نوع من أنواع التكنولوجيا علشان متتعبنيش في الصيانة والتوكيل والكمبيوتر مش عارف حصله ايه والحساس بايظ والكلام ده كله.وكمان علشان لو حصل حاجة في أي وقت وأي مكان أي ميكانيكي يشتغل فيها عادي جدا.
• بالنسبة لأداء العربية فهي ماتورها ماتور عادي جدااااااااااااااااا مش قوي للدرجة ولا ضعيف للدرجة.يعني ماتور عادي جدا يفي بالمتطلبات العادية من استحمال وشد وقرص عليه وشيل حمولة كبيرة بأداء نوعا ما جيد جدا.بس الفتيس بتعها ممتاز بصراحة وموضوع CVT ممتاز ومريح جدا وكمان الغيار Ds ممتاز بينقل العربية نقله مختلفة تماما لما تحب تشد وتشوف الأداء الرياضي على حق.بس طبعا لازم تدفع الضريبة بتاعتها وهي استهلاك بنزين خرافي.وكمان العربية فيها موضوع الكمبيوتر اللي بيحول العربية لما تيجي تشد للوضع الرياضي بيبقى الأداء ممتاز جدا.يعني تخيل نقلة Ds مع تحويل وضع العربية للرياضي بتديك أداء فعلا فوق الممتاز بس زي مقولت قبل كده بيبقى استهلاك البنزين بشع وكمان صوت الماتور عالي جدا وده النقطه التانية.
• العزل فيها مش تمام يعني أولا الكاوتش اللي بيجي معاها صوته عالي جدا على أي سرعة وكمان ناشف جدا.ده غير ان الماتور صوته بيبقى عالي جدا بعد 3000 أر بي ام.وان كان وهو سالانسيه صوته كمان عالي مش زي التويوتا مثلا ولا الهوندا.بس بالنسبة ليا صوت الكاوتش هو اللي مدايقني جدا وفعلا على الخمسين ألف هغير الكاوتش وهجيب أي حاجة تكون سوبر سايلنت.وممكن أبقى أشوف بطانه للماتور علشان يقلل شوية من الضوضاء.
• استهلاك البنزين في الأول كنت مدايق منه جدا علشان كنت حاسس انه عالي بس بعد كده عرفت انه عادي له عالي ولا واطي.يعني جوه البلد بتعمل من 200 الى 250 في الصفيحة بالتكييف أو من غير وكمان على حسب طريقة السواقة.بس على الطريق تحفة في استهلاكها يعني في طرق السفر بتعمل من 280 الى 320 في الصفيحه بالتكييف أو بدون المهم السرعة.يعني أنا شايف ان من 110 الى 120 بتكون أحسن استهلاك ليها.وكمان الأداء والاستهلاك بتاع العربية بيختلف في حالة استخدام بنزين 95.الاستهلاك أحسن بكتير والأداء كمان بس صوت الماتور بيبقى زي ما هو يعني مش بيهدى ولا حاجه.
• طبعا شكلها تحفه وشبابي جدااااااااااا وكمان مقاومة الهواء ليها ممتازة وأهم حاجه بقى الثبات التحفه وده مش هتكلم فيه لأن أكيد الناس كلها مش مختلفة على الثبات الجامد بتاع الانسر.
• الفرامل بتاعتها ناس كتير اتكلمت في الموضوع ده وبالنسبة ليا أنا شايف انها عادية جدا يعني مش وحشة ولا حلوة.أحيانا بحس انها وحشة (مجرد إحساس) لكن مع التجربة كذا مرة وعلى كذا سرعة أثبتت كفائة ممتازة لم أكن أتخيلها:).هي بس يعيبها ان الفرامل بتستهلك بسرعة يعني أنا معير التيل في 20000 كيلو بس لحد دلوقتي روحت صيانة 40000 وكان كويس لكن أنا هغيره كده ولا كده على 45000 كيلومتر.وعلى رأي كريم منير في أحد المواضيع اللي بتتكلم على الموضوع ده إن هي ده ضريبة ان العربية رخيصة وكويسة جدااا بالنسبة لمثيلتها علشان كده الحلو ميكملش:)
• العفشة بقى في العربية ال1300 كانت ناعمة بشكل خرافي وممتاز جدااااااااااااااااااااااااااااا.أول ماجيبت ال1600 طبعا عفشتها رياضية علشان كده حسيت إنها ناشفة جداااااااااااااااااااااااااااااااااااااااااااااااا ااااااااااااااااااا بشكل مخيف:) بس بصراحة النشوفيه ده خليت الثبات أحسن بكتير من العفشة العادية.وكمان بتستحمل أكتر بكتير وبمشي بيها ولا بيهمني ورحت لكذا واحد بتاع عفشة عند 30000 كيلومتر سألته ايه الأخبار قالي العفشة ممتازة جداااااااااااا.بس طبعا أصغر زلطه بتحس بيها وانت ماشي.وطبعا من أهم المميزات ارتفاع العربية وعدم احتكاك العربية في أي مطب من مطبات المحروسة أبدااااااااااااا وبأي حمولة ممكن تشيلها العربية.والله العظيم عمرها محكت في أي مطب مهما كان غير مطبين فقط (هما كانوا جبال مش مطبات:)).
• الكماليات طبعا ممتازه جدا ومفيهاش أي مشاكل ولا عيوب ومفيش أي مشاكل في التقفيل وكمان التكييف كويس جدااااا وملوش أي تأثير على العربية.
• أهم حاجه بقى واللي عامله مشكلة لناس كتييييير جدااااااااا وهي التوكيل.بصراحة أنا مرحتش التوكيل غير مرتين اتنين بس في صيانة 20 و 40 فقط.في البداية أنا دايما بروح المركز الرئيسي في قليوب علشان طبعا أشوف المهندس طارق زويل وكان ليا الشرف إني أكون أول واحد يروح من نايل موتورز ويحكي التجربة:) المهم ان للأسف المركز شكله خارجيا تعبان جداااااااااااااااااااااا وبصراحة مش شكل مركز الخدمة الرئيسي لواحدة من أهم السيارات اليابانية في السوق المصري.يعني مركز جسر السويس محترم جداااا وأشيك بكتييييييييييييييير بس بيني وبنكم الناس هناك فوق الوصف من ناحية الأدب والأخلاق والتعامل وكمان الصيانة.الناس هناك شغاليين زي الألف وللأسف مش بتقدر تتلكك لأي حد علشان تتخاتق معاه:) والأهم الشغل بجد نضيف جدااااااااا.أنا طبعا بحكي بحكم التجربة وكمان أنا دخلت كذه مرة الورش وشفت بنفسي ده غير ان من مكتب المهندس طارق تقدر تشوف الورش كلها.
• الخلاصة بقى ان العربية ده حلال فيها كل لحلوح اندفع فيها وأنا مبسوط جداااااا بيها.
هي عربية عادية جدا وكماليات عادية جدا موجودة في أي عربية من فئتها ويمكن كمان في الأقل من فئتها وموجود كماليات أكتر بكتير منها وخصوصا العربيات الصيني.عربية ممتازة جدا وأثبتت كفائة عالية جدا في الشغل والتحمل والاعتمادية وبدون مشكلة واحدة تذكر(الحاجة الغريبة فعلا بس أنا مش عارف هي عند كل الناس ولا أنا بس اني مش ظبط زوايا ولا ترصيص لحد النهارده ولا مرة وكل ما أروح ملقيش فيها أي حاجة أبدااااااااااا مع اني بمشي 500 كيلو شهريا في مدقات من بتاعت الجبل والفلاحين)وتعتبر عربية عائلية بس للأسف صغيرة شوية عن مثيلتها وفي نفس الوقت شبابية ذات طابع رياضي عند الحاجه:) وبدون أي تكنولوجيا في الماتور أو في العربية نفسها وده أهم حاجة بالنسبالي زي ماقولت قبل كده.
من الأخر عاوز كماليات وتكتولوجيا وحركات والكلام ده كله يبقى إبعد تمام عنها لكن عاوز عربية عادية جداااااااااااااااااااااااااااااااااااااااااااااااا اااا بس حمالة أسيه وحمارة شغل وخدمة شاقة بدون أي مشاكل تذكر وبدون مصاريف صيانة عالية وقطع غيار عند البقال وأرخص من السكر والزيت يبقى عليك بالعربيه الرهيبه ده.
وفي النهاية أسف على التطويل وأنا متأكد اني نسيت حاجات كتير أكيد هكتشفها في المناقشة والأسئله بتاعتكم.
أولا أنا معايا لانسر 2007 1600 اوتوماتيك هاف سبورت مصري .اشترتها يوم 15/6/2007 بمبلغ 97000 لحلوح مصري.
النهاردة 23/2/2008 قراءة العداد 40855 كيلومتر بالتمام والكمال.
أنا هحاول أعمل التقيم في شكل نقط علشان منساش حاجة وكمان نتناقش في كل نقطة على حده:
• أول حاجة سبب شراء العربية اني في الشغل كان معايا لانسر 2006 1300 مانيوال وفضلت معايا 6 شهور بالظبط عملت فيهم 33000 كيلومتر(كنت مستلم العربية عاملة 2700 كيلومتر) وطبعا أنا كنت شايف ان ده رقم كبير جدا ويعتبر بالنسبة لناس كتير جدا خدمة شاقة للعربية وفي خلال المدة ده كلها العربية معملتش غير تغير الزيت وتيل فرامل واحد على 28000 كيلومتر.في نفس الوقت العربية كانت بتديني كل اللى أنا عاوزه زي الشد والثبات الخرافي على السرعات العالية وفي نفس الوقت كماليات ممتازة من تكييف وسنتر وزجاج كهربة ومرايات كهربة وباور ريموت.......إلخ.
وبالنسبه ليا أنا كنت محتاج عربية تستحمل بهدلتي ليها وفي نفس الوقت متفتحش بقها أبدا لأن أنا مش هبقى فاضي ليها(من الأخر عاوز لامؤخذة حمار شغل طول ما البرسيم قدامه هو شغال تمام)لأن أنا أهلي من طنطا وأنا قاعد نص الاسبوع هناك والنص التاني في القاهرة وكمان شغلي مش في مكان ثابت (مليش مكتب ولا مواعيد ولا حاجة خالص::))
عشان كده كنت محتاج عربية مفيهاش أي نوع من أنواع التكنولوجيا علشان متتعبنيش في الصيانة والتوكيل والكمبيوتر مش عارف حصله ايه والحساس بايظ والكلام ده كله.وكمان علشان لو حصل حاجة في أي وقت وأي مكان أي ميكانيكي يشتغل فيها عادي جدا.
• بالنسبة لأداء العربية فهي ماتورها ماتور عادي جدااااااااااااااااا مش قوي للدرجة ولا ضعيف للدرجة.يعني ماتور عادي جدا يفي بالمتطلبات العادية من استحمال وشد وقرص عليه وشيل حمولة كبيرة بأداء نوعا ما جيد جدا.بس الفتيس بتعها ممتاز بصراحة وموضوع CVT ممتاز ومريح جدا وكمان الغيار Ds ممتاز بينقل العربية نقله مختلفة تماما لما تحب تشد وتشوف الأداء الرياضي على حق.بس طبعا لازم تدفع الضريبة بتاعتها وهي استهلاك بنزين خرافي.وكمان العربية فيها موضوع الكمبيوتر اللي بيحول العربية لما تيجي تشد للوضع الرياضي بيبقى الأداء ممتاز جدا.يعني تخيل نقلة Ds مع تحويل وضع العربية للرياضي بتديك أداء فعلا فوق الممتاز بس زي مقولت قبل كده بيبقى استهلاك البنزين بشع وكمان صوت الماتور عالي جدا وده النقطه التانية.
• العزل فيها مش تمام يعني أولا الكاوتش اللي بيجي معاها صوته عالي جدا على أي سرعة وكمان ناشف جدا.ده غير ان الماتور صوته بيبقى عالي جدا بعد 3000 أر بي ام.وان كان وهو سالانسيه صوته كمان عالي مش زي التويوتا مثلا ولا الهوندا.بس بالنسبة ليا صوت الكاوتش هو اللي مدايقني جدا وفعلا على الخمسين ألف هغير الكاوتش وهجيب أي حاجة تكون سوبر سايلنت.وممكن أبقى أشوف بطانه للماتور علشان يقلل شوية من الضوضاء.
• استهلاك البنزين في الأول كنت مدايق منه جدا علشان كنت حاسس انه عالي بس بعد كده عرفت انه عادي له عالي ولا واطي.يعني جوه البلد بتعمل من 200 الى 250 في الصفيحة بالتكييف أو من غير وكمان على حسب طريقة السواقة.بس على الطريق تحفة في استهلاكها يعني في طرق السفر بتعمل من 280 الى 320 في الصفيحه بالتكييف أو بدون المهم السرعة.يعني أنا شايف ان من 110 الى 120 بتكون أحسن استهلاك ليها.وكمان الأداء والاستهلاك بتاع العربية بيختلف في حالة استخدام بنزين 95.الاستهلاك أحسن بكتير والأداء كمان بس صوت الماتور بيبقى زي ما هو يعني مش بيهدى ولا حاجه.
• طبعا شكلها تحفه وشبابي جدااااااااااا وكمان مقاومة الهواء ليها ممتازة وأهم حاجه بقى الثبات التحفه وده مش هتكلم فيه لأن أكيد الناس كلها مش مختلفة على الثبات الجامد بتاع الانسر.
• الفرامل بتاعتها ناس كتير اتكلمت في الموضوع ده وبالنسبة ليا أنا شايف انها عادية جدا يعني مش وحشة ولا حلوة.أحيانا بحس انها وحشة (مجرد إحساس) لكن مع التجربة كذا مرة وعلى كذا سرعة أثبتت كفائة ممتازة لم أكن أتخيلها:).هي بس يعيبها ان الفرامل بتستهلك بسرعة يعني أنا معير التيل في 20000 كيلو بس لحد دلوقتي روحت صيانة 40000 وكان كويس لكن أنا هغيره كده ولا كده على 45000 كيلومتر.وعلى رأي كريم منير في أحد المواضيع اللي بتتكلم على الموضوع ده إن هي ده ضريبة ان العربية رخيصة وكويسة جدااا بالنسبة لمثيلتها علشان كده الحلو ميكملش:)
• العفشة بقى في العربية ال1300 كانت ناعمة بشكل خرافي وممتاز جدااااااااااااااااااااااااااااا.أول ماجيبت ال1600 طبعا عفشتها رياضية علشان كده حسيت إنها ناشفة جداااااااااااااااااااااااااااااااااااااااااااااااا ااااااااااااااااااا بشكل مخيف:) بس بصراحة النشوفيه ده خليت الثبات أحسن بكتير من العفشة العادية.وكمان بتستحمل أكتر بكتير وبمشي بيها ولا بيهمني ورحت لكذا واحد بتاع عفشة عند 30000 كيلومتر سألته ايه الأخبار قالي العفشة ممتازة جداااااااااااا.بس طبعا أصغر زلطه بتحس بيها وانت ماشي.وطبعا من أهم المميزات ارتفاع العربية وعدم احتكاك العربية في أي مطب من مطبات المحروسة أبدااااااااااااا وبأي حمولة ممكن تشيلها العربية.والله العظيم عمرها محكت في أي مطب مهما كان غير مطبين فقط (هما كانوا جبال مش مطبات:)).
• الكماليات طبعا ممتازه جدا ومفيهاش أي مشاكل ولا عيوب ومفيش أي مشاكل في التقفيل وكمان التكييف كويس جدااااا وملوش أي تأثير على العربية.
• أهم حاجه بقى واللي عامله مشكلة لناس كتييييير جدااااااااا وهي التوكيل.بصراحة أنا مرحتش التوكيل غير مرتين اتنين بس في صيانة 20 و 40 فقط.في البداية أنا دايما بروح المركز الرئيسي في قليوب علشان طبعا أشوف المهندس طارق زويل وكان ليا الشرف إني أكون أول واحد يروح من نايل موتورز ويحكي التجربة:) المهم ان للأسف المركز شكله خارجيا تعبان جداااااااااااااااااااااا وبصراحة مش شكل مركز الخدمة الرئيسي لواحدة من أهم السيارات اليابانية في السوق المصري.يعني مركز جسر السويس محترم جداااا وأشيك بكتييييييييييييييير بس بيني وبنكم الناس هناك فوق الوصف من ناحية الأدب والأخلاق والتعامل وكمان الصيانة.الناس هناك شغاليين زي الألف وللأسف مش بتقدر تتلكك لأي حد علشان تتخاتق معاه:) والأهم الشغل بجد نضيف جدااااااااا.أنا طبعا بحكي بحكم التجربة وكمان أنا دخلت كذه مرة الورش وشفت بنفسي ده غير ان من مكتب المهندس طارق تقدر تشوف الورش كلها.
• الخلاصة بقى ان العربية ده حلال فيها كل لحلوح اندفع فيها وأنا مبسوط جداااااا بيها.
هي عربية عادية جدا وكماليات عادية جدا موجودة في أي عربية من فئتها ويمكن كمان في الأقل من فئتها وموجود كماليات أكتر بكتير منها وخصوصا العربيات الصيني.عربية ممتازة جدا وأثبتت كفائة عالية جدا في الشغل والتحمل والاعتمادية وبدون مشكلة واحدة تذكر(الحاجة الغريبة فعلا بس أنا مش عارف هي عند كل الناس ولا أنا بس اني مش ظبط زوايا ولا ترصيص لحد النهارده ولا مرة وكل ما أروح ملقيش فيها أي حاجة أبدااااااااااا مع اني بمشي 500 كيلو شهريا في مدقات من بتاعت الجبل والفلاحين)وتعتبر عربية عائلية بس للأسف صغيرة شوية عن مثيلتها وفي نفس الوقت شبابية ذات طابع رياضي عند الحاجه:) وبدون أي تكنولوجيا في الماتور أو في العربية نفسها وده أهم حاجة بالنسبالي زي ماقولت قبل كده.
من الأخر عاوز كماليات وتكتولوجيا وحركات والكلام ده كله يبقى إبعد تمام عنها لكن عاوز عربية عادية جداااااااااااااااااااااااااااااااااااااااااااااااا اااا بس حمالة أسيه وحمارة شغل وخدمة شاقة بدون أي مشاكل تذكر وبدون مصاريف صيانة عالية وقطع غيار عند البقال وأرخص من السكر والزيت يبقى عليك بالعربيه الرهيبه ده.
وفي النهاية أسف على التطويل وأنا متأكد اني نسيت حاجات كتير أكيد هكتشفها في المناقشة والأسئله بتاعتكم.
Comment