تجربتى الشخصية مع الكليو لمدة 5 سنوات (ارجو التثبيت)

[hanyathlon]

لدى رينو كليو موديل 2002 الشكل الجديد زز كنت جايبها من الزيرو و لسة معايا الى الان
بس بفكر ابيعها و اجيب اوبترا مع انى متحفظ على النقطة دى بس عاوز اغير مش اكتر ..
المهم :
تجربتى الشخصية مع السيارة منذ اكثر من خمس سنوات ...الخلاصة السيارة اكثر اكثر من ممتازة
العربية عاملة معاية لغايت دلوقتى 110 الف كيلو و معملتش فيها حاجة غير انى بعملها الصيانة بتعتها وفى وقتها الظبوط (العربيات الفرنساوى كلها بتبقى محتاجة صيانة دورة ومظبوطة لو عملت كدة العربية هتحبك و مش هتغير فيها حاجة خالص )

انطباعى عن السيارة :

السيارة عالية عن الارض بالرغم انها عالية فثباتها ممتاااز ممتااز و مناورتها داخل المدن حلوة جدا و هتشدك للجرى
الباور بتاعها ناشف شوية مش ناعم زى الكورولا مثلا بس الميزة انة بيدلك تحكم حلو فى المناورة
وكمان قطر لف دوران الدريكسيون واسع بيخليك تناور و تركن كويس اوى بمعنى
ان ممكن فى شواريع الداخلية بتاعت مصر الحلوة دة تلف حولين نفسك من غير ماترجع و لا تطلع بظهرك و دى ميزة بحبها جدا جدا جدا جدا فى الكليو مع ملاحظة انى عندى سيارة اخر اوبل فكترا موديل 98 .. وبسوق الاتنين كتيير
اللى اقولة انى بحب اركب الكليو اكتر من الاوبل ..مش عارف بحس كدة انها سلسلة و حلوة فى المناورة واريح من الاوبل دة غير انها بتبقى نفس ثبات الاوبل و يكم احسن لغايت سرعة 130 كيلو بعد ال130 كيلو الاوبل تكسب ..بس الكليو لغايت 130 ثباتها ممتع واقوى من اى فئة اخرى

التوكيل ....
ناس كويسين ومحترمين و هيقوللوك كل حاجة بصدق و مبيبخلوش على العربية بحاجة
و كمان اقولكم على سر .. انا بتعامل مع التوكيل بتاع طريق مصر اسماعيلية ..ميزة انى اعرف كل الناس اللى فى و كمان بتبقى واقف جنب العربية و بتشوف بيحصل فيها اية و كمان ممكن ترخص من المصنعية .. من الاخر كأنك واقف مع ميكانيكى ..بس ميكانيكى نظيف و فاهم فى العربية
اسعار قطع الغيار تعتبر معقولة .. مش عارف لية الناس بتقول انها غالية ..وهديكم مثال لبعض الاسعار و مقارنة باسعار اخرى لموديلات اخرى
عندك تيل الفرامل الامامى 260 جنية وتزود علية 30 جنية تركيب فى التوكيل اللى هو حبيبنا
فلتر هوا 60 جنية
فلتر بنزين 70 جبنبة
طنابير 650 جنية و ممكن تزود 100 كمان وبيدوك خصم 150 على التيل كمان :)
الفوانيس فى منها تركى امامى بى 450 جنية و فرنساوى بقلاب ب 1100 جنبة
و دة يعتبر رخيص على فانوس قوى ومبيتكسرش بسهولها و كمان فى قلاب يعنى بتتحكم فى ارتفاع النور
الاكصدام الفيبر تركى 400 جنية فرنساوى 900 جنية

مقارنة بعربية زى اللانسر هتلاقى اللانسر اغلى ب 30 % و الكليو هتديك نفسك الكفاءة
مقارنة بالالنترا موديل 2004 - 2005 اللانترا اغلى 10 % و الكليو بدوا تديك كفاءة احسن من الهيونداى و عمر افتراضى اكتر

مقارنة بالاوبل الاوبل فكترا اغلى 50 % بس الاوبل ليها مميزات تانبة فى ان الثبات بيبقى اقوى على سعات بعد 130 بعكس الكليو

تجربتى مع التهور :

السيارة ممتعة فى الجرى و خصوصا هتحس بالمتعة لما تيجى تسافر و خصوصا على طريق العين السخنة
بالرغم ان السيارة 1200 بس سحبها حلو اوى لانها عربية خفيفة بس العجيب انك عمرك متحس انها خفيفة هتحس العكس انها مكلبشة فى الارض فى المناورة و الحركة
السيارة لحد 130 فى السفر حلوة اوى وثابتة جدا انما بعد ال140 ابتدى خد بالك و امسك الدريكسيون بأيدك الاتنين بس بردو ثابتة بس بتحس انها ابتدت تخف
على ال 150 هتخف معاالك و هتبدى تخاف شوية
160 نفس احساس ال 150 حاسيس انها خفيفة بس بردو مطمن
170 هتحس انها خفت اوى بس بردوو بدام ماسك الدريكسون كويس فأطمن
معدتش السرعة دى بيها بس العربية فى كل النواحى عفشتة ثابتة على الارض

العفشة :
العربية عاملة معاية 110 الف كيلو و من ساعت مجبتها التوكيل حتى مفكرش يربطهالى
لانها مش محتاجة ..عفشة خدمة شاقة وهادية على المطبات

المأخذ :
ديقة من ورة يعنى لو انت شاب و بتحب تفخد وترجع الكرسى لورة محدش هيعرف يعد وراك
مستحيل تعمل الميكانية بتاعتها برة عشان محدش بيفهم فيها وبيخافو يتعملو معاها
بس دى ميزة انا شايفها ان ( محدش يفتى غير اللى عندو خبرة و كل عربية وليها توكيلها و ليها ناسها )
الدريكسون مبيطلعش و مبينزلش يعنى متعرفش تظبط ارتفاعو
غير كدة مافيش مأخذ تانية

البنزين :
حطيط بنزين ب 20 جنية --- يعنى 14 لتر روحت بيها اسكندرية و لفيت هنالك
ورحت المعمورة و بعدين حطيت تانى
هسبكم تحسبوها
يعنى عملت معايا بتاع حوالى 280 كيلو ال 14 لتر
يعنى الاستهلاك اللة واكبر تحفة

انا شايف انها احسن سيارة فة فئتها اورخص سعر شراء و احسن تمن واكتر سيارة معمرة
لو حد عاوز يسألنى انا موجود .

[limo]

يه التقيم الجامد ده - بجد انت جايب كل مزايا وعيوب العربيه بالملى
بس انا جابب اضيف حاجه
ان العفشه بتاعه العربيه ناشفه شويه
كمان العربيه بتعمل داخل البلد 400 كم فى ال30 لتر سواقه فى اغلب الوقت عنيفه
اشكرك على التقيم الرائع والصادق ده
وارجو التثبيت

[وائل السويفي]

تقييم اكثر من رائع جدا جدا جدا جدا
وارجو التثيبت

بس ليا سؤال صغير هى الكليو الــ 1400 سي سي نفس التقييم ولا مختلف

[islamnabil]

بجد تقييم رائع
خليتني افكر في السيارة بقوة لاني بفكر اشتري مستعمل في حدود 45000
ياريت تقولنا السعر العادل للسيارة بحالة ممتازة و ايه اللي اخلي بالي منه لو حبيت اشتريها

[أبو عبدالله]

مع احترامي لحضرتك ولكن اسعار قطع غيار اللانسر والألنترا اللي انت بتقول عليها دي مش 30 % يعني مش للدرجه دي
أولا انت بتتكلم على قطع الغيار الفرنساوي ولا التركي
لو الفرنساوي انا أؤكدلك ان اللانسر او اي كوري وبعض الياباني هيبقى ارخص من الفرنساوي وياباني كمان
اما التركي فممكن تلاقي ارخص ولكن عمر افتراضي ليس بجودة الياباني

يعني مثلا حضرتك بتقول اكصدام تركي بــ 400 جنيه ده مش تركي ده تايواني وانا شاريه لقريب لي
ولو فرنساوي بــ 900 جنيه
انا عندي في الدايهاتسو بــ 600 جنيه وياباني من بلده ومرن جدا
الفانوس الامامي ايضا كذلك انا عندي في الدايهاتسو بـــ 650 وياباني مش تركي بـ 450 او فرنساوي بــ 1100
وفي نقطه تانيه ان العربيه الكليو بــ 72 الف
اما الدايهاتسو مثلا بــ 76 الف وبتوصل الى 90 الف جنيه يعني عربيه اغلى وقطع غيار نفس السعر مع فرق الياباني ولتركي والفرنساوي وطبعا بالتالي العمر الأفتراضي


في حاجه تانيه

العربيه عافشتها ناشفه جدا
وركوبتها متعبه جدا سوائ للكراسي الامامية ناشفه
او لعدم امكانية تحرك الدركسيون ودي متعبه جدا لأن بتحس انك معلق ايديك زي العربيات النقل

موضوع الوسع الداخلي
ا بقه فظيع بصراحه

يعني اللي بيقعد في الأمام بتحس انه ممكن يتقلب من الشباك
وده انا بحسه دائما
لحد ما لقيت فيديو كان في واحد طالع من نفق والعربيه عومت منه
اللي قاعد بجواره طار من الشباك والله هذا حصل وهحاول اجيبهولك مع اني عرضته من قبل هنا

وعالعموم انا حبيت بس اوضح للقارئ على المساوئ لهذه السيارة لأن فعلا فعلا في منها احسن بكتير لأن يعيبها اسعار قطع الغيار ده فعلا معكثرة مصاريفها لقصر العمر الأفتراضي للقطع الغيار مع حدوث اعطال بسيطه في الكهرباء ولكن غلو التوكيل في صيانته


وعلى فكره قريبي طلع بالعربيه دي على رصيف وهو ماشي على 60 ومفيش اي مشكله والعربيه اتخبطت من تحت
الأير باجز فتح
والعربيه ماشيه مفيش مشكله راح التوكيل قالوله 27 الف جنيه علشان يصلحوها والعربيه تساوي 45 الف جنيه بكتيره ده غير المصاريف اللي صرفها عليها من اول ما اشتراها زيروا في 2003

[Sharky]

فعلا تقييم رائع و وواقعى و موضح به جميع مميزات و عيوب الكليو عن تجربة 5 سنوات

[limo]

تقييم اكثر من رائع جدا جدا جدا جدا
وارجو التثيبت

بس ليا سؤال صغير هى الكليو الــ 1400 سي سي نفس التقييم ولا مختلف

اللعربيه فيها منها كذا موديل كل موديل بمحرك مواصفاته مختلفه
1200 16 صباب بيولد 75 حصان
16 صاب1400مو 2005 و 2006 بيولد حوالى 98 حصان والموديل نزل منه اوتوماتيك وعادى وانا رأى ان الموديل ده احسن موديل فى الكليو من حيث الاداء والشكل لاكن توافر قطع الغيار الجديده مش زى ال1200 ولاكن استيراد لبعض القطع فى الماتور والجير بوكس احسن من ال1200
مو2007 و 2008 1400 8 صباب 75 حصان وده لو تلاحظ انه نفس عدد احصنه ال1200 القديم وبالتالى اعتقد انه هيكون نفس الاداء

على فكره انا معايا العربيه اكثر من خمس سنوات والعربيه جميله جدا واعدتها مريحه يعبها صالونها الضيق من الخلف لاكن تتمتع ب510 لتر مساحه صندوق الامتعه بالنسبه لقطع الغيار
اعتقد ان قطع غيارها ارخض من الانسر البومه
عندك التيل الامامى اصلى فرنساوى فى التوكيل سعر 220 جنيه +الضريبه +30 تركيب يعنى كله على بعضه بيعمل حوالى 300 جنيه بالتركيب فى حين بتاع الانسر سعره 400 بالتركيب مع ملاحظه ان الانسر اكثر انتشارها
الفانوس الامامى التيوانى ب200 او 250
الخلفى اصلى ب280 جنيه
الاصلى ب450 تقريبا صناعه فرنساوى بس من غير الماتور
فرنساوى بماتور استراد بحوالى 400 جنيه
على فكره الكليو تقريبا ملهاش قطع غيار تركى
كل قطع غيارها اما فرنساوى او تونسى - اما سوق اوربيه

[TAG_Turbo0]

شكرا على التقييم ده أكتر من ممتاز

[fahmy]

معلش سؤال انا معايا ريو موديل 2001 بفكر ابيعها واجيب كليو موديل 2003 بنفس التمن اية راي الاعضاء فى كدة علشان انا حاسس انى العربية الريو عملت كتير 150 الف كيلو كتير طبعا وسعر الرينو 48000

[MRIFKY]

Great & fair Evaluation from A car owner which was needed long ago for the clio

[limo]

معلش سؤال انا معايا ريو موديل 2001 بفكر ابيعها واجيب كليو موديل 2003 بنفس التمن اية راي الاعضاء فى كدة علشان انا حاسس انى العربية الريو عملت كتير 150 الف كيلو كتير طبعا وسعر الرينو 48000

انا معرفشى الريو عمله معاك ايه
بس لو الريو مش مرياح وبقت كثيره الاعطال الافضل انك تقلبها وتشوف حاجه اجدد
لو لقيت عربيه كليو حلوه ومشايه بسيط ومش متهانه اعتقد انها هتكون صفقه رابحه

[fahmy]

متشكر على الرد السريع

[Eslam2010]

انا معايا كليو موديل 2001 ال 1400 cc العربية معايا بقالها 6 سنين و 8 شهور الصراحة العربية ممتازة وثباتها عالي علي السرعات العالية يعني لحد 160 - 170 كدة انا جبت بيها 190 قبل كدة بس تحس ان العربية كانت هاتطير عن الارض ههههه

والموديل دا وقت منزل كان حكاية
95 حصان - جميع الكماليات - ايرباج للسائق - تحكم بالكاسيت من ذراع خلف الدركسيون
حاجات مكانتش بتنزل في اي عربية في فئتها في الوقت دا وسعرها كان ممتاز 50 الف جنية بس

العربية يعيبها الوسع (الصالون بتاعها ضيق خصوصا الكنبة الخلفية)
قطع الغيار الغالية بالنسبة لفئتها

غير كدة العربية ممتازة بمعني الكلمة

بس انا كان ليا استفسار بسيط اقدر اجيب قطع غيار استيراد منين في القاهرة ارجو وصف العنوان بالتفصيل لاني لست من القاهرة وشكرا

[Amr_Moh]

انا معايا كليو موديل 2001 ال 1400 cc العربية معايا بقالها 6 سنين و 8 شهور الصراحة العربية ممتازة وثباتها عالي علي السرعات العالية يعني لحد 160 - 170 كدة انا جبت بيها 190 قبل كدة بس تحس ان العربية كانت هاتطير عن الارض ههههه

والموديل دا وقت منزل كان حكاية
95 حصان - جميع الكماليات - ايرباج للسائق - تحكم بالكاسيت من ذراع خلف الدركسيون
حاجات مكانتش بتنزل في اي عربية في فئتها في الوقت دا وسعرها كان ممتاز 50 الف جنية بس

العربية يعيبها الوسع (الصالون بتاعها ضيق خصوصا الكنبة الخلفية)
قطع الغيار الغالية بالنسبة لفئتها

غير كدة العربية ممتازة بمعني الكلمة

بس انا كان ليا استفسار بسيط اقدر اجيب قطع غيار استيراد منين في القاهرة ارجو وصف العنوان بالتفصيل لاني لست من القاهرة وشكرا

2001 مش 95 حصان

[limo]

انا معايا كليو موديل 2001 ال 1400 cc العربية معايا بقالها 6 سنين و 8 شهور الصراحة العربية ممتازة وثباتها عالي علي السرعات العالية يعني لحد 160 - 170 كدة انا جبت بيها 190 قبل كدة بس تحس ان العربية كانت هاتطير عن الارض ههههه

والموديل دا وقت منزل كان حكاية
95 حصان - جميع الكماليات - ايرباج للسائق - تحكم بالكاسيت من ذراع خلف الدركسيون
حاجات مكانتش بتنزل في اي عربية في فئتها في الوقت دا وسعرها كان ممتاز 50 الف جنية بس

العربية يعيبها الوسع (الصالون بتاعها ضيق خصوصا الكنبة الخلفية)
قطع الغيار الغالية بالنسبة لفئتها

غير كدة العربية ممتازة بمعني الكلمة

بس انا كان ليا استفسار بسيط اقدر اجيب قطع غيار استيراد منين في القاهرة ارجو وصف العنوان بالتفصيل لاني لست من القاهرة وشكرا

القاهره فى الحرفيين
ده نمره محل فى الحرفيين
0125717085