تغيير المجموعه في الياريس

[dr.amr]

السلام عليكم...
ازيكوا يا جماعه..........
انا روحت التوكيل اعمل صيانة العشره بتاعة الياريس
وكنت بشتكي من صوت حكه بتظهر مع الطلعه
المهم العامل قالي هنغير مجموعة الدبرياج
هو قالي ان ممكن متغيرهاش ومفيش ضرر بس انا اصريت اني اغيرها
وخصوصا انها علي حساب الضمان:d
بس في مشكله ان انا كان معايا كورولا 2006
وكان فيها نفس العيب
وحوالي 90%من الياريس فيهم نفس العيب
هو ايه المشكله بقي؟؟؟؟؟؟
وياتري مجموعة الدبرياج اللي بتنزل في العربيه فيها عيب معين؟؟؟؟؟
افيدونا افادكم الله:)

[tutankhamoun]

السلام عليكم أخي الكريم
أنا بس سأذكر معلومة أعرفها
فين ناس كتير فعلا أشتكوا من موضوع عيب في اسطوانة الدبرياج بتاعة الياريس و هذه الشكوى تكررت من كثير من ملاكها ..... و تم تغيير اسطوانة دبرياج لسيارة واحد معرفة بعد 600 كم فقط من الزيرو يعني العربية مكملتش معاه شهر و قالولوا في التوكيل إن الدبرياج بتاع العربية فيه مشكلة
و أيضا هناك شئ غريب تحدث عنه كثير من ملاك السيارة حيث أنه يجب الضغط على الدبرياج عند تدوير السيارة في الصباح أو في أي وقت .
و أعانكم الله على هذه المشكلة

[dr.amr]

السلام عليكم أخي الكريم
أنا بس سأذكر معلومة أعرفها
فين ناس كتير فعلا أشتكوا من موضوع عيب في اسطوانة الدبرياج بتاعة الياريس و هذه الشكوى تكررت من كثير من ملاكها ..... و تم تغيير اسطوانة دبرياج لسيارة واحد معرفة بعد 600 كم فقط من الزيرو يعني العربية مكملتش معاه شهر و قالولوا في التوكيل إن الدبرياج بتاع العربية فيه مشكلة
و أيضا هناك شئ غريب تحدث عنه كثير من ملاك السيارة حيث أنه يجب الضغط على الدبرياج عند تدوير السيارة في الصباح أو في أي وقت .
و أعانكم الله على هذه المشكلة

مش عارف موضوع الاسطوانه ده بيتكرر كتير ليه
بس موضوع الضغط علي الدبرياش قبل تدوير السياره ده عادي
هي متصممه كده
ممكن تقول نوع من الامان

[Sharky]

السلام عليكم أخي الكريم
أنا بس سأذكر معلومة أعرفها
فين ناس كتير فعلا أشتكوا من موضوع عيب في اسطوانة الدبرياج بتاعة الياريس و هذه الشكوى تكررت من كثير من ملاكها ..... و تم تغيير اسطوانة دبرياج لسيارة واحد معرفة بعد 600 كم فقط من الزيرو يعني العربية مكملتش معاه شهر و قالولوا في التوكيل إن الدبرياج بتاع العربية فيه مشكلة
و أيضا هناك شئ غريب تحدث عنه كثير من ملاك السيارة حيث أنه يجب الضغط على الدبرياج عند تدوير السيارة في الصباح أو في أي وقت .
و أعانكم الله على هذه المشكلة

فعلا الموضوع دا أنا سمعته كذا مرة إنه فيه كذا واحد غير أسطوانة الدبرياج بتاعة الياريس فى الضمان

[د.اسماعيل النجار]

الموضوع ده قابلنى فى اوبل فكترا 2007 وكان من الاسباب الرئيسية لبيع السيارة وشراء كورولا2008 وكتبت http://www.nilemotors.net/Nile/showt...97الكلام ده فى حينة بعتوات تفرير مفصل عن اوبل فكترا 2007 فى قسم الاوبل
يمكنك الجزع اليه لو اردت تقبل تحياتى

[ahmedateya]

صديق ليا في الشغل اشتكى السنة اللي فاتت من صوت غريب في الطلعة و جربت العربية و قلتله انها اسطوانة و هراني تريقة
و الاسبوع اللي بعده راح التوكيل و غيروله طقم الديبرياج و هناك عرف من اصحاب الياريس ان ده عيب في موديل 2007 بالذات و تم التغيير في الضمان

[hero]

يا جماعه ما دام التوكيل لم ينكر هذا العيب وبيغير المجموعه كلها في الضمان ...يبقي مافيش مشاكل...خصوصا ان الضمان ما شاء الله محترم 100 الف كم....يعني برضة لو ظهر العيب تاني هايغير تاني....

تويوتا من اكبر والشركات في العالم واكثرها اهتماما بالعميل....

[goodwave]

تعليقين بسيطين:

اولا: الضغط على الدبرياج قبل التشغيل دة شئ عادي وموجود في الهيونداي إكسل على سبيل المثال ودة للامان لان كتير مننا بيكون مدي العربية غيار وبينسى ويدور تقوم العربية تنط منه ودة غلط على الموتور وممكن تتخبط إللي قدامك من غير قصد.... فأنا شايف حركة الدبرياج ميزة مش عيب..... كمان لو حرامي غبي مش حيعرف يدورها!

ثانيا: خدمة عملاء تويوتا بالفعل ناس محترمة جدا جدا جدا.... من يومين إتصلت بالرقم الموحد المختصر بتاعهم 16550 وكنت بسأل على رقم فرع تويوتا إسكندرية وأخدت الرقم وخلاص ومتشكرين. كنت ساعتها بتكلم من الموبايل (0216550). بعدها بكام ساعة لاقيت رقم بيتصل بيا وبيقولي حضرتك فلان قلت ايوة قالتلي حضرتك إتصلت برقم تويوتا الساعة كذا وكان ليك إستفسار؟ قلت ايوة.... قالتلي حضرتك وجدت إجابة "مرضية" و "كاملة" لسؤالك؟ قلت ايوة..... قالتلي حضرتك عندك اي إستفسار عن تويوتا مصر؟ قت لأ... قالتلي شكرا لأتصال حضرتك واسفة للإزعاج..... بصراحة منتهى الإحترام والأهتمام مش بس بالعميل لأ دي خدمة ما قبل البيع كمان.

اما بخصوص تغيير مجموعة الدبرياج شئ عادي طالما تم تغييرها بجديد من غير ولا مليم والاهم إن الجديد موجود وشغال زي الفل مش تغير عيب بعيب تاني!

[hazem_khidr]

يا تري الصوت دا عباره عن ايه؟
انا سامع عندي صوت من يومين بيعمل (تك تك تك تك ) من العجله اللي قدام يمين و لما امشي شويه بيروح بس مافيش رجرجه في الطلعه و لا اي حاجه و العربيه عامله 2500 كيلو بس؟؟

[KiNgMaX]

فعلا العيب تقريبا فى كل العربيات الياريس انا برضه الدبرياج عندى كان بايظ واتغير الطقم كله لسه من حوالى 3 أسابيع وكله فى الضمان الحمد لله
واحب اايد كلام الاخوة عن كفاءة الوكيل ناس محترمة هما بس الصراحة اتاخرو عليا على ماغيروه عشان كان فيه عجز لان الطلب على الطقم جامد
والحمد لله على الضمان وده يا جماعة يعتبر تحذير من العربيات الخليجى محدش يقول عربية جديدة يبقى مش محتاج ضمان