محتار جدا مابين gen 2 , nissan sunny خصوصا انها اول عربية اشتريها

[ahmedmokhtar]

محتار جدا مابين gen 2 , nissan sunny خصوصا انها اول عربية اشتريها وخصوصا ان النيسان لو اشتريتها هتكون الــ ex مش السوبر صالون والصراحة الجين تو عربية من وجهة نظرى خرافية بس اللى مخلينى محتار ان النيسان يابانى برضو مش عارف الصراحة ومحتاج رأيكم بسرعة لفض الاشتباك والحيرة خصوصا انى شاب 21 سنة

[cpt_shawky]

هتستخدمها لوحدك؟؟؟؟

[ahmedmokhtar]

الاغلب لوحدى بس انا ووالدتى واختى بس ممكن اخرجهم بيها احيانا بس انا بتكلم من منطلق الاختيار مابين النيسان صنى اليابانى ex مش سوبر صالون قصاد عربية ثبات وسرعة وشباب بس ماليزى واللى هى gen 2 فمحتار اوى اوى افضل اليابانى مع بعض التضحياتفى الكماليات والتضحية الاكبر برغبتى فى عربية بشكل الجين 2 ولااجيب الجين 2 وفى اعتقادى برضو ان الماليزيين بيجتهدوا برضو هايبقوا عايزيين يعملوا لنفسهم سوق كويس فى السيارات وكمان اللى مزعلنى فى الصنى انها تقفيل مصرى وانا لا اثق فى المصرى طبعا من كلامى انا منحاز للجين تو بس مش عايز رأى الناس يتأثر برأيى انا عايز رأيكم لانى لسة جديد فى العربيات ومش عيب انى اشترى العربية بناء على رأى اصحاب الخبرة واللى اكيد هيفيدونى بأمانة

[cpt_shawky]

فحالتك دى ال Gen2 بلا تردد....وتوكل على الله لانها تمتاز بكل معايير الأمان وصناعة بلد مسلم:)

[ahmedmokhtar]

شكرا ياباشا على رأيك ونصيحنك وعايز رأى باقى الناس

[Sharky]

رأى الشخصى خليك فى الجين 2

[mino]

كنت في نفس الحيرة دي و جيبت Gen 2 من شهرين

و ممكن عشان معلومات اكتر عنها تدخل علي القسم بتاع بروتون

[fahd_628]

انا انصحك بالجين 2 يا باشا مناسبة جدا جدا لشاب 21 سنة و تنفع عائلية على خفيف كدة

[ahmedmokhtar]

متشكر اوى لردود الاعضاء وخلاص انا قررت اشترى gen 2 ان شاء الله

بس فى كام سؤال كده هى فيها فتحة aux عشان لو عايز اشغل mp3 player ?

وفى مشكلة كمان انا ناوى انزل اشتريها بكرة او بعده ان شاء الله بس عايز موديل 2008 هل بقى متوافر خلاص ؟ ولا لسة وايه الفروق مابينه وبين 07

وازاى ابقى متأكد انها 08 مش 07 خصوصا انهم ممكن يضحكوا عليا عشان يخلصوا من 07 خصوصا انى من خارج القاهرة فمعرض من بلدى هو اللى هيجيبها وتعاملى هيبقى من خلال المعرض بس بضمان برضو عز العرب عادى

وتقترحوا اللون ايه خصوصا انى مايل جدا للاسود ان شاء الله والفرش يبقى بيج او اى فواتح

واسف انى بتقل عليكم

[TAG_Turbo0]

فى حاله انك هتجيب الـ ex مش السوبر صالون
وهتستخدمها غالبا بمفردك
يبأى طبعا الجين تو مفيش كلام

[fahd_628]

متشكر اوى لردود الاعضاء وخلاص انا قررت اشترى gen 2 ان شاء الله

مبرووووووك مقدما يا باشا

بس فى كام سؤال كده هى فيها فتحة aux عشان لو عايز اشغل mp3 player ?

ممكن يا باشا يركبله و دية سهلة و انا شفت قبل كدة ناس مركبينة

وفى مشكلة كمان انا ناوى انزل اشتريها بكرة او بعده ان شاء الله بس عايز موديل 2008 هل بقى متوافر خلاص ؟ ولا لسة وايه الفروق مابينه وبين 07

لسة يا باشا موديل 2008 منزلش حينزل على نص 3 ان شاء الله و حتفرقة ان حيبقى شكلة مختلف عن 2007 حيبقى FACELIFT حتلاقى تغيير فى الشكل الأمامى فى الأكصدام و الشبكة و الفوج لايت

وتقترحوا اللون ايه خصوصا انى مايل جدا للاسود ان شاء الله والفرش يبقى بيج او اى فواتح

الألوان انا رأى اسود جميل جدا و بالنسبة للفرش فا للأسف مفيش اختيارات بس هوة حيبقى اسود