سؤال للأخوة اللى عندهم سيارة byd f3

[moh_code]

برجاء من الأخوة اللى عندهم سيارة byd f3 أن يعرفنى إزاى يتم تعلية صوت الإنزار الخاص بالسيارة لأنه صوته ضعيف وأريد أن أرفع صوته
كما أريد أن أعرف إذاى يتم فصل الإنذار عند عدم الحاجة له .
وشكــــــــــــراً

[ابوشريف]

بما انك تمتلك بى واى دى

ياريت تحكيلنا عن تجربتك معاها ....وشكرا جزيلا

[sa3dawy]

بما انك تمتلك بى واى دى

ياريت تحكيلنا عن تجربتك معاها ....وشكرا جزيلا

+10000000000000000000000000000000000000000

[moh_code]

أخى الفاضل أنا لسة مستلمها من يومين وحتى الآن لم أرخصها ولكن إنطبعاتى الأولى عنها وقيادتها فى خلال اليومين اللى فاتوا هى سيارة جامدة جداً وصوت الموتور ناعم جداً جداً جداً جداً والعفشة كويسة جداً جداً جداً جداً جداً جداً جداً جداً .
وأنا بقولك الكلام ده لأنى أخذت العربية ورحت بيها فى مدينة عندنا جديدة لسة وشوارعها غير مسفلتة خالص ومشيت بيها حوالى 300 متر بداخل الشوارع ولم أحس بالعفشة أو بالطريق مع أننى بعربيات ثانية كنت أعانى من هذا الطريق .
والحمد لله على ذلك .

[ابوشريف]

شكرا جزيلا لسرعة تجاوبك معنا

ياريت تقولنا انت اشتريت اى نوع منها وبكم

انا اعرف انها تبدأ من 69 الف كماليات عاديه

وب 73 الف تزيد 2 ايرباج + Abs

ارجو مزيد من المعلومات

[moh_code]

أنا اشتريت الموديل GLI لون أبيض وسعرها 72500 ج ويوجد بها جميع الكماليات ب 2 ايرباج وabs , ebd والكاسيت اوديو وله وصلة لـmp3 وانذار ...... الباقى أنت أكيد عارفة لأنه موجود فى أى سيارة حديثة

[ابوشريف]

مبارك عليك السياره الجديده وربنا يعطيك خيرها ويكفيك شرها

ياريت تحكيلنا قصتك معاها وعرفتها ازاى وعلى اى اساس قررت شراؤها

يارب مكونش تقلت عليك

[moh_code]

لا يا أستاذ أبوشريف ولا تقلت علي ولا حاجة وأحب أن أعرفك بأننى شاهدت السيارة لأول مرة فى معرض منذ أكثر من عام ومنذ هذا الوقت وأنا ببحث عن مواصافاتها وعرفت أن موتورها ميتسوبيشى وبحثت عن الطراز بتاع الموتور لقيتة هو اللى بتركب فى اللانسر2007 وعرفت بعد ذلك أن العفشة تويوتا وبالمصادفة قابلت واحد ممن يملكون السيارة وسألتة عن أحوالها قالى أنها بقالها معاة سنه ومشغلها ليموزين وبيسافر بيها على طول وأنها كويسة معاها ومغيرش حاجة فيها إلا تيل الفرامل وسألته جاب تيل الفرامل من التوكيل ولا من فين قالى إنه جاب التيل من محل قطع غيار ونوع التيل اللى بتركب فى السيارات التويوتا ومركبة فى السيارة الـbyd ومن هنا قررت شراء السيارة وماخفتش من الكلام اللى بيتقال على السيارات الصينى وقلت إن شاء الله ربنا يباركلى فيها هى يعنى السيارات المرسيدس ولا Bmw مابترحش التوكيل خالص ومبيظهرش فيها عيوب وربنا يوفقك إن شاء الله

[ابوشريف]

انا الصراحه مش عارف اشكرك ازاى ...جزاك الله خير

من كام شهراتفرجت على العربيه دى فى توكيل الامل بشارع النزهه

وعجبتنى جدا وخصوصا ارتفاعها عن الارض وسعرها المناسب

الشئ الوحيد الذى لم يعجبنى بها هو التابلوه من حيث الخامه لانه كان بلاستيك خفيف

وليس جلد كما فى الكرولا

لكن اكتشفت بعد كده ان معظم العربيات الحديثه تابلوهها بلاستيك وكمثال النيسان صنى

لكن المشكله فى التخوف من المنتج الصينى لانه لم يجرب بما فيه الكفايه

[moh_code]

أخى الفاضل ربنا يوفقك لما هو خير لك إن شاء الله وما خاب من استشار وما خاب من استخار إن كنت متخوف من المنتج الصينى صلى صلاة استخارة وربنا يوفقك إن شاء الله .

[cpt_shawky]

http://www.nilemotors.net/Nile/showthread.php?t=16703

[fahmy1000]

اخي الفاضل هي فعلا عربيه ممتازه جدا وجاري عنه واحده بقالها معاه سنه وبيسافر بيها اسيوط وبيقوللي بيمشي علي 170كيلو ومتزنه تمام وعفشتها فعلا كورولا انما مش ياباني هي صيني ومطابقه للكرولا تمام وفي عربيه تانيه اسمها لايونسيل صيني طبق الاصل من لانسر وتوكيل الرواس والمشكله مش في العربيات الصيني انما في السوق المصري يعني انا رايي ان العربيتين دول اعلي من الاسبرانزا بكتير ومع ذلك هي الاكثر تداولا وانتشارا ولازم تفكر في يوم البيع قبل قرار الشراء وربنا يبارك لك فيها

[moh_code]

شكراً لك أخى fahmy1000 على المشاركة والعربية فعلاً ممتازة ومريحة جداً أما موضوع البيع يا أخى فهو سابق لأوانه . وكفاية يا أخى العزيز أنك ركبت العربية زيرو .

[ابوشريف]

شكراً لك أخى fahmy1000 على المشاركة والعربية فعلاً ممتازة ومريحة جداً أما موضوع البيع يا أخى فهو سابق لأوانه . وكفاية يا أخى العزيز أنك ركبت العربية زيرو .

أخى الحبيب لى رجاء عندك .....ان تدون ملاحظاتك عنها هنا كلما سمح وقتك

[على عبد اللطيف]

أقول لكم كلمة الحق :
قبل أن أشترى سيارة قرأت كل ما كتب على النت .. وعن مساوىء بعض السيارات ..
وذهبت إلى معرض السيارات فى شهر مايو الماضى فى معرض مدينة نصر وأقيم تحت رعاية " صحيفة أخبار اليوم " وقمت بمعاينة جميع السيارات وهدانى ربى بعد فحص جميع السيارات المعروضة .. إلى أن السيارة بى واى دى اف 3 هى أحسن المعروض من حيث السعر والمتانة وأن الموتور ليس انتيمونيا
وكان السعر 67000

والحمد لله لم يظهر أى عيب منذ الشراء فى شهر مايو 2007 حيث ذهبت بها من الإسكندرية إلى أسيوط ذهابا وإيابا .. الحمد لله
أردت مشاركتكم .. فإنى لست تابعا لأى شركة من شركات السيارات حتى أقوم بعمل دعاية لسيارة بعينها