خبايا الكليو ( تجربتى مع الكليو 5 سنوات ) تكملة 2

[hanyathlon]

هكملكم بقية حكاية الكليو موديل 2003 اللى كنت شاريها من 5 سنين
وهقولكم على الخبايا الدقيقة فيها الحلوة و الوحشة بكل دقة عشان انا عارف فى كلام كتيير بيتقال
و انتو عرفين الكلام كتييير
كل الكلام دة عرفتو على مر 5 سنين اثناء وقفتى و انا بعمل الصيانة العادية للسيارة .

1- مفتاح السيارة يعمل بالكود يعنى لو المفتاح معمول العربية مدورش و اللمبة
الى بترمش فى الطابلو دى سيكيورتى للمفتاح يعنى لو المفتاحين ضاعو اللى فيهم الكود
هتضرر تغير الكنترول يونت كلة دة غيير المفاتيح ببتعمل فى فرنسا على العموم الموضع دة
يكلفك 4 بواكى مقفلين (ربنا يسترها يارب)

2- لازم تغير فلتر الهوا كل 10 الاف كيلو و فلتر البنزين عشان لما تغيرهم دورى العربية
تفضل معاالك زيرو لغايت متعدى ال 120 الف كيلو - واللى يجيى يقوللك الطربة بتاعت
الفرنساوى كلها تعبانة دة بيبقى عشان الناس مبتوظبش فى الصيانة وبيستخصرو يغيرو الفلتر ابو
60 جنية

3- افتح كبوت العربية هتلاقى الموتور بس عبارة عن قطعة واحدة يعنى ما فيش السلوك الكتيير
ولا الدوشة ولا الترتيب اللى يحسسك ان الموتور ملخبط -زى اليابانى
( الفرنساوين بيحبة يرتبوا شكل الكبوت من جوة عشان لما يبقى فى اى اعطال او تسريب شىء يظهر بمجرد فتحك للكبوت والقاء نظرة )

4- الرفارف فيبر ... والمفاجأءة ان السقف كمان فيبر مدعوم بثلاث دعامات من الاسفل

5- عصايا الفتيس على شدادات هتحس ان عصايا الفتيس بتتحرك معاك مع حركة الموتور
فبتخليك انت كمان تحس برد فعل العربية و الموتور فى التحرك السريع ..( بيبقى احساسو جامد
اوى فى السرعات و النقل بسرعة انما بيبقى متعب فى الزحمة والنقل بين الاول و الثانى فى الزحمة)

6- مروحة التكييف صوتها عالى شوية على السرعة الرابعة - العربية عزلها حلوو جدا
حتى سرعة 140 كيلو فى الساعة

7- التكيف مبيأسرش على الموتور ..ممكن تحس بس بمروحة السرابنتينة ( الريداتير) عليت لما تشغل
التكيف على اقصى سرعة

8- الفرامل باللمس ( اول ما جبت العربية جديدة تعبت اوى عبال ما اخت على الفرمل بتاعتها
بتستجيب بسرعة و مجرد متشعر رجللك عليها بس )

[limo]

شكرا على الموضوع يا ياشا
بالنسبه للمفتاخ على فكره فيه ورقه بتيجى مع المفتاح الاحطياطى فيها كود المفتاح بتاع العربيه وممكن تطلع بالرقم عادى

[HISHAM80]

Thanks....

[Megane]

السلام عليكم
مرة ثانية
تحليل ممتاز لسيارة ممتازة من شخص بيفهم:):):)
شكرا لك و نتمنى المزيد من الموضوعات القيمة و المفيدة

[ahmedaly84]

اولا سلام عليكم
ثانيا هى العربيه دى لسه بتنزل زيرو و لا لا عشان انا كان نفسى فيها بس قالو ان اللوجان بدلها
شكرا

[Ahmed Selim]

لسه يتنزل يا باشا

[akmal_hamdi]

كلام مظبوط انا معايا العربيه من 2003 زيرو ومغيرتش الطرمبه ولا مره ليه علشان البنزين عندى مبخلهوش يقل على النص انا بعتبر النص هو العلامه الحمراء علشان كده مريح دماغى

[Chicco]

ألف شكر يا باشا ...أنا فعلا باحب العربية ديه و مش عارف ممكن أجيب إيه بعدها :)

[Sharky]

ألف شكر يا باشا ...أنا فعلا باحب العربية ديه و مش عارف ممكن أجيب إيه بعدها :)

هات ميجان III :)

[Chicco]

هات ميجان III :)

الله يخليك يا شاركي باشا ....الميجان بالفعل في قائمة الاختيارات....طبعا ;)

[ahmedaly84]

طب مانا كل ما اسال فى حته يقولولى مش موجوده و يقولوا مش عارفين اذا كانت هاتنزل تانى و لا لا و فى ناس بتقولى احتمال متنزلش عشان اللوجان الكلام ده من الموزعين لرينو

[احمد عز]

thxxxxxxxxxxxxxxxxxxxx

[Amr_Moh]

thxxxxxxxxxxxxxxxxxxxx

الرد دة أنا شفتو في كل ردودكحتة في مواضيع ردها صعب يكون
thanxxxxxxxxxxxx
إنت عامل autoanswer ؟؟؟؟

[omarhelmy]

شكرا يا باشا

[johnnagy]

الف شكر التفصيل ممتاز بس ممكن حد يقولى معلومات عن سحبة العربية و ثباتها و عفشتها و بتجيب من 0-100 فى كام ثانية عشان ادامى عربية موديل 2002 عاوز اشتريها