مع احترامى الشديد ... كورولا 2008 شكلها فعلا سئ جدا ....

[M_HaFeZ]

انا عارف فى ناس بتعشق العربيه دى وفى ناس بتدافع عنها للمدافعه بس انا بقول رايى بعد ماشتفها كذا مره وده انطباعى عنها
الكورولا فى نظرى احسن شكل لها اللى كان فى اواخر التسعينات 95 وانت طالع اللى هى كشافاتها عاديه جدا لان بعد كده الناس دى مبتحاولش تعمل العربيه شكلها كويس
فى ناس كتير قالت اللانسر الجديده شكلها سئ انا شايف مش وحشه وان كان فى كلام على التصميم وحمايه الشبكه الاماميه ... لكن شكلها احسن بمراحل من الكورولا اللى حاولوا يقربوا من شكل الكامرى فكان الشكل ده

معلش يعنى مش علشان يابانى يعملوا الكشافات كانها عيون يابانين !!
نقطه تانيه بالنسبه للكورولا بالذات واللى اقل منها "الايكو سابقا" وحاليا الياريس وان كانت الياريس كشكل مقبول نوعا ابعاد متعبه جدا فى السواقه والركن
بس لما نلاحظ ونقارن بين الكورولا وبين عربيات تانيه فى فئات متقاربه او اقل منها حتى
اللانسر من 2004 والشكل احسن بمراحل .. ده زوقى وكلام ووجهات نظر سالتها كتير
الدايو مش هاقول النوبيرا انما ال لليجانزا اللى منزلش منها من 2001 تقريبا شكلها فعلا عربيه شيك ووقتها تمنها كان على ماعتقد اقل من 90 الف .. ايام ماكانت الفلوس فلوس وكنا رجاله ووقفنا وقفه رجاله :)
النيسان صنى رغم ان مفيش دعم لها ولا تطوير انما شايف شكلها اشيك من الكورولا الحالى والسابق
الفيكترا من 2001 وشكلها جميل فعلا
الاوكتافيا : رغم ان شكلها رسمى وعواجيزى شويه انما محدش يقول ان شكلها مش محترم

انا معلش ياجماعه بتكلم على الشكل مش الاداء وكل واحد يقول رايه

[modux]

اتفق معاك
الكرولا شكلها مبعجرة اوي و شكلها سئ

بس ال2004 شكلها مقبوول خاصة النبيتي بتاعها

[tutankhamoun]

أتفق معاكم تماما
التويوتا اسم كبير في عالم السيارات و أغلبية الناس بتشتري عربيات تويوتا على السمعة فقط لا غير
و هذا لا يقلل من اسم تويوتا في شئ لأن بالفعل أغلب منتجاتهم جيدة جدا و في بعض الأحيان بتكون ممتازة زي الميكروباص التويوتا

من ناحية الشكل
الكورولا فعلا شكلها وحش ......... الياريس شكلها مبعجر .....
العربيات الحلوة في السوق من ناحية الشكل

هوندا سيفيك
جين 2
بيجو 307
ميجان
هوندا سيتي
مازدا 3
البي إم دبليو كله
تيريوس
فيتارا
سويفت الجديد و القديم
-------------------------------

[Ahmed Anwer]

هيا مش كلها وحشة بالكامل ،،


المقدمة معقولة ،، صحيح فيها نسبة حولان بس معقولة ،،

الصالون جامد ،،،

نسب العربية عامة و ابعادها كويسة جدا و تدي احساس بالفخامة و انها أعلي من فئتها ،،،

اللي ضايع بقه الصراحة ،،

المؤخرة و الفوانيس الخلفية ،،

قبيحة قبيحة لأقصي درجة ،،

[Ahmed Samy]

the corolla looks like a stapped frog
i always say this

[fiatmomo]

:d

انا كان دايما عندى تعليق على الكورولا .. الشكل السابق ..

الكورولا كنبة زان مريحة ومتينة على اربع عجلات .. تصميمها لا يمت بصلة بالاناقة ولا الانسيابية ولا الفن ولا اى حاجة ... بطيخة وبالاخص شكل فوانيس موديل 2001 : 2005 كان فعلا شبه البطيخة ... ولما حسو بفظاعة شكل المقدمة ... حسنوه نوعا ما فى الفيسليفت فى 2006 و2007
يعنى نقدر نقول عليها عربية ( عائلية ,عملية, اعتمادية ) . وبس شكل = صفر + انها غالية جدا جدا .

فى الكورولا الجديدة 2008 ... بدل مايطلعو من الحفرة وقعو فى دحديرة :d!!!!
مش ممكن الشكل الغريب دة . المصمم الى صممها اكيد بيعانى من عقد نفسية .. شكلها بشع بشع بشع لاقصى اقصى الحدود .. الشكل القديم برغم انة مكعبر .. بس ارقى بكتير من الشكل الجديد !!!!!! من قدام بتوحيلى وكأنها طالعة من حادثة مع بلدوزر .. ومن الخلف بحس انها عربية صينى ب 45الف جنية ومتفبركه ... وان كان الصالون من جوه شيك ومتطور .. بس الحقيقة شكلها ( غير مقبول ) على الاقل ليا انا ..
اتمنى ان تويوتا تحذو حذو مازدا فى التصميم ... اعتقد حيبقى ليهم شأن تانى

رأى الشخصى احسن موديل شوفته فى يويوتا .. الافانسيس ... بحس انها عربية راقية جدا وتصميمها اوروبى ..


اتمنى اشوف اليوم الى تويوتا تعمل زى معظم ماركات السيارات وتتعاون مع بيوت التصميم الايطالية ( وتسيب العيش لخبازه - قصدى التصميم لخبرائه ) ... انا متأكد دة لو حصل النتيجة حتكون مبهره .

كل الكلام الى مكتوب فوق دة ( رأى شخصى ) وبدون زعل
وشكرا:).

[Sharky]

فعلا الكرولا الشكل الجديد شكلها وحش قوى و خصوصا من ورا
بصراحة مابحسش إنها عربية جديدة خالص عكس الشكل القديم كان أحلى منها

[CryptonX]

أتفق معاكم تماما
التويوتا اسم كبير في عالم السيارات و أغلبية الناس بتشتري عربيات تويوتا على السمعة فقط لا غير
و هذا لا يقلل من اسم تويوتا في شئ لأن بالفعل أغلب منتجاتهم جيدة جدا و في بعض الأحيان بتكون ممتازة زي الميكروباص التويوتا

من ناحية الشكل
الكورولا فعلا شكلها وحش ......... الياريس شكلها مبعجر .....
العربيات الحلوة في السوق من ناحية الشكل

هوندا سيفيك
جين 2
بيجو 307
ميجان
هوندا سيتي
مازدا 3
البي إم دبليو كله
تيريوس
فيتارا
سويفت الجديد و القديم
-------------------------------

افتك معاك بس اشيل من اللستة :
التريوس .. مش بقبلها نهائي و بتفكرني بالياريس جدا ! و اشيل الهوندا سيتي لان ابعادها مش متناسقة خالص و هي اصلا سيارة هاتشباك !

و احب اضيف :
سيات التيا
سيات ليون
فيات جراند بونتو
فيات برافو
فيات لينيا
اودي ايه 3
اودي ايه 4
بيجو 407
رينو ميجان CC
, والسيتروين c4

الكورولا الجديدة عاملة بالظبط زي السيارات الصيني المقلدة ! ( شكلا مش موضوعا )
تحس انهم جابوا الكامري و الياريس و حاولوا يقلدوها !

هى شكلها فعلا مش حلو الشكل اللى قبلها على طول احسن منها
ومش بحب شكلها خصوصا من ورا يمكن من ادام معقوله
وانا عن نفسى بحب شكل الياريس

[Karim_Monir]

فعلا تحس ان المصممين اللي صمموا الصالون غير اللي صمموا الشكل الخارجي
كان بينهم عداء
تحفة من جوة وفيها حاجة غلط من برة
زي الياريس اللي لونها ابيض
لما بشوفها في مراية عربيتي
بحس انها واحد اهبل ومطلعلي لسانه
الافنسيس دي الوقار كله
مصممين تويوتا ماشافوش مازدا 6
ما شافوش ليكزس واللي بيعملوة
اعتقد هايتغير قريب
فعلا اسوء اشكال تويتا كرولا موديل من 2001 الى 2005
وموديل من 97 ال 99
الموش معقول شوية
والشكل بتاع 90 كان مفتري
و 93 كمان