تويوتا تستكمل مسيرة التقليد بنجاح!!

[فادى]

تويوتا تستكمل مسيرة التقليد بنجاح!!

الحقيقة يعجبنى فى شركات السيارات اليابانية شىء واحد فقط, هو و أنهم -بعكس الصينيين زملائهم فى التقليد و "ضرب" سيارات الأخرين, يختارون السيارات المستهدفة بعناية شديدة و دقة (هذه هى الدقة التى يشتهرون بها), و هم أيضا يقلدونها بعناية شديدة و دقة.
و طبعا لأنها تويوتا التى ترتعد فرائص شركات السيارات غربا و شرقا بمجرد ذكر اسمها, و تقض مضاجع العملاق الأمريكى جنرال موتورز, فانها عندما تقلد فيجب أن تتقن التقليد.
و عملت تويوتا بالمثل المصرى القائل, “ان حبيت حب قمر, و ان سرقت اسرق جمل".
أثناء تجوالى فى الشارع بالسيارة منذ عدة أيام, لاحظت وجود سيارة غريبة بجانبى, للوهلة الأولى اعتقدت أنها النسخة الجديدة من الهامر, و لكن و بعد أن تركتها تمر كعادتى لأرى نوعها, وجدت عليها علامة تويوتا و بجانبها كتب "تويوتا اف جى كروزر". و هى سيارة أنتجت عام 2006.
أما الهامر اتش 3 فهى أنتجت عام 2006 أيضا.
و حتى لا يأتى أحد من يتحفنى بلطائف من نوعية انو الهامر هى التى تشبه الاف جى كروزر فكلنا نعرف أن الهامر اتش 3 هى هامر اتش 2 مصغرة فقط, و الهامر اتش 2 أنتجت عام 2003, و هى تشبه هامر اتش 1 فى الأصل و لكن بعد التخلى عن بعض الخطوط الحادة.

بدأت فى البحث عن تلك السيارة على الانترنت و هاهى نتائج البحث المتواضع.

هامر اتش 3 الأصل :
http://www.nilemotors.net/Nile/attac...1&d=1205187314


تويوتا اف جى كروز, التقليد :
http://www.nilemotors.net/Nile/attac...1&d=1205187314

لاحظ أن التقليد هنا بباب واحد و هذا هو التجديد, كما يمكنك ملاحظة التقليد فى المؤخرة, مع أنها قبيحة جدا فى سيارة تويوتا عنها فى الهامر.
http://www.nilemotors.net/Nile/attac...1&d=1205187314

و طبعا كل من رأى تلك السيارة لاحظ التشابه بينها و بين الهامر.

و لم تكتفى تويوتا ب"ضرب" الهامر الصغيرة بل ضربت الهامر الأصلية اتش 1 فى سيارة أسمتها ميجا كروزر
الأصل
التقليد....
و الميجا كروزر أنتجت سنة 1995, أى بعد الهامر اتش 1 بثلاثة سنوات.(الهامر اتش 1 أنتجت عام 1992).

الأصل : هامر اتش 1

http://www.nilemotors.net/Nile/attac...1&d=1205187314

التقليد : تويوتا ميجا كروزر :
http://www.nilemotors.net/Nile/attac...1&d=1205187314
و أنا, و من هذا المنبر أدعو العملاق اليابانى الى تقليد سيارتى الرائعة من نوع نصر شاهين 1600 و صنع سيارة مشابهة لها و اطلاق اسم "شاهين كروزر" عليها, و أنا أضمن لتويوتا أن هذه السيارة سوف تحقق مبيعات هائلة, تصعد بها الى المركز الأول فى المبيعات متجاوزة جنرال موتورز و غيرها من الشركات الأميريكية.

[أبو عبدالله]

انصحك تشوف الفيديو ده
لأن الموضوع مش تقليد وخلاص لو اصلا تقليد

http://www.youtube.com/watch?v=Zi4096077C8

وبعدين اتكلم

وشوف هنا الجميله الهامر

http://www.youtube.com/watch?v=MtDB1a_N3Z4

[NaderNabil]

أو ده:D:D:D:D:D:D

http://www.youtube.com/watch?v=-J6Ho...eature=related

[hazem_khidr]

اهلا اهلا استاذ فادي ليك وحشه والله:).
بالنسبه للميجا كروزر ف هيا قديمه فعلا و لو تفتكر عدد لسبور اوتور و كانو كاتبين فيه (هامر علي الطريقه اليابانيه !!!) شوف انا فاكر العنوان ازاي رغم ان بقاله اكتر من 10 سنين.
بالنسبه لل اف جي ف هيا حاجه تانيه خالص.



يالا جهز نفسك يا احمد يا عزت :):)

[Karim_Monir]

ها ها
كالعادة كلمتين مستفزين في اطار من التهذيب
وكالعادة يسخن الفريق بقيادة احمد تربو ومستر ماتيما والمرة دي لازم يسخن فيها ابو عبد الله وحازم
يا راجل لسه هاتتكلم بعد ما شفت الفيديو بتاع ابو عبد الله وشفت منظر الهامر اللي بتسحبها لاند كروزر واسم تويوتا منور عليها
عارف المقولة اننا بدانا من حيث انتهى الاخرون
هي دي تويوتا
دخلت مجال الهايبرد كابتكار محدش قدر يضاهيها
الناس حبت شكل الهامر وقرفت منها ومن كتر غرزها
عملت الميجا والاف جي كروزر عشان الناس حابين الشكل لكن على طريقة الاداء الياباني
واللي شوفت بعينيك البنت طلعت على صخرة شكلها ايه والهامر الصفراء غرزت ازاي واللي طلعتها تويوتاااااااااااااااااااا ا
اما عن الشاهين فامعتقدتش ان في اش شركة في العالم حتى ولو كانت في بلاد واء الواء هاتفكر تعيد تصنيعها الا كتحف

[وائل عطية]

والله بصراحة المواضيع دي بقت سخيفة
يعني الأخ صاحب الموضوع، ياريت تفصل بقى
مالكلام دا اتقال 100 مرة قبل كده ..خلاص ياسيدي عرفنا رأيك ..إخص على تويوتا بتطلع عربيات فاشلة عايزة الحرق (بدليل إنها رقم 1 في العالم)
أنا مش عارف إنت عايز توصل لإيه
نداء للزملاء
أرجو مراعاة لمشاعر الأخ صاحب الموضوع أن ترددوا معي النشيد الوطني له:

" إخص على تويوتا ..إخص إخص إخص "

انا بأهدى الأبيات دى لصديقنا العزيز

خلوا بالكم من الشاهيـــــن ...... وانسو الوحشين التانيين
باجيرو إيه او لاند كروزر......كلهــــــــــم خردة وضايعين
نيسان وميسوبيشى وهوندا.....تتباع بالكيلو فى الحرفيين
كله زبالة وشغل اونطــــــة.....لكن مافيش زى الشاهين

[Islam_galal]

انا بأهدى الأبيات دى لصديقنا العزيز

خلوا بالكم من الشاهيـــــن ...... وانسو الوحشين التانيين
باجيرو إيه او لاند كروزر......كلهــــــــــم خردة وضايعين
نيسان وميسوبيشى وهوندا.....تتباع بالكيلو فى الحرفيين
كله زبالة وشغل اونطــــــة.....لكن مافيش زى الشاهين

حلوة صحيح
و عشان خاطر صاحب الموضوع

" إخص على تويوتا ..إخص إخص إخص "

[Sharky]

أنا فعلا ملاحظ تشابه بين السيارتين فى الشكل فقط
لكن من الواضح فى الفيديو إللى حطه أبو عبد الله إن التويوتا أقوى

[PRO-DRIVE]

ردييييييييييييي بكل بسااااااااااااااااطه

روح مكتب تأجير سيارات فاخره و اجر همر و انزل بيها الصحراء و يكون معاك تويوتا احطياطي :)

و شوف حيحصل ايه و اعمل حسابك في عده الغرز و تانكين بنزين احطياطي :)