مقارنة بين الـ New Accent و البروتون Gen2

[hwatemy]

السلام عليكم و رحمة الله وبركاته

حقيقى منتدى فى منتهى الروعة
انا كنت ناوى اشترى عربية جديدة فى حدود 80000 فلقيت اتنين فعلا احترت بينهم اوى
نيو اكسنت و الجين2
انا جربت بنفسى النيو اكسنتو تسارعها رهيب بمعنى الكلمة لدرجة انى قلقت فى اول مرة اسوقها خفت تفلت منىو بس بجد ملهاش حل
و فيه ناس كتير بيقولولى ان الجين تو جبارة بكل المقاييس
انا فعلا محتار و الفرق بينهم 2000 جنية بس
يعنى مش عارف اختار انهى فيهم
لو حد يدلنى على مميزات دى و دى و عيوبهم برضه و يقولى رأيه فى الافضل فيهم لو كان عنده خبره مسبقة بالاتنين و عرف االاتنين لانى فعلا محتار ما بينهم و خايف اجيب واحدة و اقول يا ريتنى جبت التانية
يعنى الامكانيات Performance انهى اسرع و اكثر ثبات خصوصا عند الملفات لانى مبعرفش امشى هادى (خااااااااااااالص)
توافر قطع الغيار و اسعارها
الاكسسوارات
طبعا الشكل انا شايف جين تو احلى كتير بس انا اهم حاجة عندى اللى فاتو دول من الشكل بكتير الا لو فرق الشكل هيأثر فى الاداء لكل عربية و ثباتها
و الكماليات و قوة التكييف مع السرعات العالية فى عز الحر
و طبعا متنسوش التوكيل, كأهتمام بالعميل و الصيانة و غيره
و انهى فيهم بياعة اكتر لو فكرت ابيعها بعد كده
و برضه لو في اى فروق تانية انا مذكرتهاش يا ريت محدش يبخل عليا

شكرا يا شباب و مستنى ردكم الجميل :)

[mohamed ibiza]

انا رأيي كالاتي اول عربية الاكسنت شكل جميل حجم معقول كماليات حلوة تسارع جباااااااااااااااااااااااااااار بمعني الكلمة (مش معني كده ان الموتور بيتحمل و معمر) الاكسنت عربية الناس في المنتدي هنا اشتكت من ثباتها(وانت علي طول بتجري) بودي ضعيف توكيل سيء طالما انت بتجري و تقرص يعني العربية معاك بتعمل شغل و حرت انا رأيي تستبعدها لان الموتير الكوري مش حمالة اسية و ممكن ناس تختلف معايا و يقولوا العربية معانا زي الفل و عاملة 80 الف كيلو وبتاع و كلام من ده انا مش بقتنغ بالكلام ده انا مثلا مع عربيتي الابيزا محكمتش عليها انها جامدة غير بعد ما اتمرمطت شغل انا رأيي جين 2 احسن و ثباتها مرعببببببببببببب و تسارع هايل توكيل سيء برضه شكل حدوتة صالون جميل جدا خاماتة مش وحشة تصميم الموتور lotus العربية طالما انت بتجري هتعشقها من ثباتها الجامد و مش هتحتاج تصرف علي جنوط ولا حاجة هي جاية ب جنوط اساسا و ربنا يوفقك











IBIIIIIIIIIIIIIIIIIIIIIIIIIIIIIIIIIIIIZZZZZZZZZZZZ ZZZZZZZZZZAAAAAAAAAAAAAAAAA FOR EVER

[fahd_628]

جين 2 طبعا لأسباب كثيرة

اكثر ثباتا بكتيير
تسارع اقوى النيو اكسنت بفارق بسيط من 0-100 فى 10,8 ثانية و الجين 2 فى 10,5 ثانية
شكل احلى
كماليات اكتر بكتير جدا لأن النيو اكسنت كمالياتها فقيرة جدا + ان الجين 2 فيها ABS و EBD و 2 airbags
توكيل افضل
قطع غيار متوفرة خارج التوكيل
صاج اجمد بكتيير

[mohamed ibiza]

كماليات اكتر بكتير جدا لأن النيو اكسنت كمالياتها فقيرة جدا + ان الجين 2 فيها ABS و EBD و 2 airbags







100 100 يا باشا كلام زي الفل










IBIIIIIIIIIIIIIIIIIIIIIIIIIIIIIIIIIIZZZZZZZZZZZZZZ ZZZZZZZZAAAAAAAAAAAAAAAAAAAAAA FOR EVER

[SOBKY]

Listen To Thier Advices
Go Ahead
Gen 2 Is Better Than Accent

[hwatemy]

الف شكر يا شباب علم اهتمامكم
انا فعلا كنت حاطط جين 2 فى المقدمة بس اللى خلانى اتردد لما جربت الاكسنت بنفسى
فقلت ما خاب من استشار
ده غير انى مجربتش الجين2 نهائى قبل كده و كل اللى اعرفه عنها اراء من ناس
بس انا كده مستريح نفسيا و انا هجيب الجين 2 ان شاء الله
الف شكر يا شباب :)

[محمد قاسم]

أنا مع الأعضاء أن الجين 2 أفضل فمع كماليتها و أدإها الجبار إلا أن ماليزيا هى الدولة الإسلامية الوحيدة التى تنتج السيارات و لا أنا كلامى غلط

[Powert]

خليك في الجين 2

[tutankhamoun]

أنا مع الأعضاء أن الجين 2 أفضل فمع كماليتها و أدإها الجبار إلا أن ماليزيا هى الدولة الإسلامية الوحيدة التى تنتج السيارات و لا أنا كلامى غلط

و ده كان سبب من أسباب شرائي لهذه السيارة الجميلة القوية :)

هو في دولة إيران أيضا ......... و لكن ماليزيا و بروتون هي الماركة العالمية الوحيدة في العالم الإسلامي كله

[Eng.Sameh]

يا ريت بردو تشوف اللينك ده

http://paultan.org/archives/2008/03/03/2008-proton-gen2-facelift-with-cps-launched/

[som3aa]

أقرا ردى هنا

http://www.nilemotors.net/Nile/showthread.php?t=21195&page=2

[amrhussein123]

خليك في الجين تو