لانوس 2000 ولا سيفيا 2000

[islamnabil]

السلام عليكم و رحمة الله و بركاته
ان اعضو جديد و دي اول مرة اشتري عربية و اول مرة اسوق
انا بدور على عربية في حدود 45000 و بصراحة محتار جدا لان فيه عربيات كتير في السعر ده
بس غالبا يعني دلوقتي تفكيرى انحصر مابين اللانوس 1 او 2 حسب الموديل و الحالة و مابين كيا سيفيا 2000 او 99 الكوري
الناس هنا بتشكر في السيفيا اوي و طبعا اللانوس غنية عن التعريف صحيح اختلفت فيها الاراء و المنتدى عليه شكاوى كتير منها بس انا فاهم ان ده بسبب انتشارها (و ده انا بعتبره عيب )

المهم عشان ماطولش عليكم قولو طول :o
انا عايز عربية مانيوال اعتمادية و كمان اقنصادية في البنزين و قطع الغيار
و تكون جميع الكماليات و ماصرفش عليها كتير
وكمان ماتبقاش تقيلة في بيعها لاني احتمال اغير بعد فترة قريبة

انا عارف ان اللي انا بقوله ده حيرجح كفة اللانوس بس هل السيفيا كمان كده و يبقى القرار متوقف على العربيات المعروضة ساعة ما اشتري

يعني لو لقيت سيفيا كويسة اتوكل على الله ولا ابعد عنها و اخليني في اللانوس و ادور على عربية كويسة

شكرا و اسف على الاطالة

[amr_elrashidy]

طبعا اكيد السيفيا احسن بكتير من اللانوس بس المه تبقى كورى 99 او بادية ال2000 و عالفكرة العربية اللانوس معروفة بأكلها للبنزين يعنى مش حتلاقى فرق واضح او كده فى الاستهلاك..هو تقريبا السيفيا بتعمل 180-190 فى ال20 لتر و اللانوس لو زادت بتزيد 20-30كم بالعافية ( فى ناس بتقول انها بتعمل 250 كم )..عيوب السيفيا تنحصر فى إعادة البيع تقيلة شوية..قطع الغيار الاصلية مش رخيصة..التوكيل او مراكز الصيانة قليلة و اعتقد ان الوكيل اتسحبت منه الرخصة..انما اللانوس بقى كفاية فراملها الرديئة و عفشتها الناشفة الغير معمرة و صالونها الضيق

[islamnabil]

شكرا على الرد ياجميل
انا لسه والله محتار
ربنا يسهل و اعرف اوصل لقرار

[amr_elrashidy]

لو عاوز رايي ...انا بنصحك تشوفلك عربية لانسر نضيفة برقبة العربيتين دول ..وكل عربية و ليها و عليها..صلى استخاره و ربنا يكرمك ان شاء الله للاحسن لك

[sibrahim]

لسه شايف الموضوع حالا
اجو ان حضرتك لا تظلم الانوس لأنك يتقارنها بوحش شرس جدا (السيفيا)
بس نصيحة شوف موديل 99 و تكون حالتها كويسة لكن فعلا مافيش مقارنة بين العربيتين خالص انا راكب سيفيا اتوماتيك ومن فترة عايز اركب زيرو و صعبان عليا العربية وعلشان اكون فى منتهى الأمانة يعيبها شئ واحد انها واطية شوية بس ده بيبان بس مع وجود اثنين او اكتر ورا وده ما تحسوش غير فى المطبات الغبية بتاعة القاهرة لأن العربية طويلة.

واخيرا ربنا يوفقك للخير ان شاء الله

[mhDeeb]

طيب اية رايك لو دورت على عربية هيونداى اكسنت 1500 في لانها:
اولا: سهلة في بيعها
ثانيا: قطع غيارها متوفرة وبسعر كويس
ثالثا: معقولة في استهلاكها للبنزين
وخلى بالك مفيش عربية مفيهاش عيوب وكل عربية وحسب حالتها وربنا يوفقك باذن الله

سبحان الله وبحمده ........ سبحان الله العظيم

[islamnabil]

يا جماعة بعد طول تفكير و بحث
اخيرا اشتريت اول عربية ليا
العربية هيا سوزوكي بالينو 1998
و العربية لحد دلوقتي الحمد لله زي الفل
معلش انا تعبتكم معايا بس هوا ده العشم طبعا :)

اصل انا كنت اخدت القرار لصالح السيفيا بس مالقتش عربية حالتها كويسة بسعر مناسب لما جيت بشتري

و لقيت قدامي البالينو فاستخرت و توكلت على الله و اشتريتها

شكرا لكل من رد على الموضوع و افادني

[SEATLOVER]

اية يا اسلام ..احنا هانمشى نقولك مبروك فى كل حتة ولا اية ..:d
الف مبروك يا سيدى... تانى ..
وبينى و بينك (البالينو احلى ) :)

[islamnabil]

الله يبارك فيك يا باشا
و الله انا بفرح جدا لما بشوف كبارات المنتدى بيردو عليا
ان شاء الله ابقى اصور العربية و اوريهالكم

[amr_elrashidy]

الف الف مبروك ياباشا ربنا يعطيك خيرها و يكفيك من شرها..عربية فعلا جميلة و اختيار موفق

[islamnabil]

الف الف مبروك ياباشا ربنا يعطيك خيرها و يكفيك من شرها..عربية فعلا جميلة و اختيار موفق

الله يبارك فيك يا عمرو

الحمد لله كل اللي شافوا العربية عجبتهم

[limo]

انا كان معايا لانوس 99 اوتوماتيك وصاحبى معاه سيفيا 99 اوتوماتيك برضو
السفيا اوسع من الانوس
السفيا انعم
خامات تقفيل السفيا احسن قليلا من الانوس
التوكيل القديم وحش جدا جدا جدا ويستحق ان الوكاله هتشال منه
التوكيل الجديد كويس انما مش مهتم انه يجيب كل حاجه السفيا والموديلات القديمه عموما
الصيانه السفيا عامله زى الانوس مش معقده خالص فى الميكانيكا وتعتبر شبها
قطع غيار الانوس ارخص كثير
كمان قطع غيار السفيا مش متوفره زى الانوس لكن موجوده
اعتقد ان اعاده البيع للانوس
رأى لو هتجيب هات سفيا تكون حالتها حلوه +ويفضل مانوال لان الاتوماتيك بتاعها مش معمر زى بقيت الكورى مع العلم ان سعر الفتيس الاوتوماتيك الاستيراد حوالى 1500 جنيه يعنى مش غالى اوى