السيارة رينو 9 أي معلومات عن السعر بسرعة

**truetomy** · 19-03-2008 10:05 AM

معروض أمامي عربية رينو 9 مو 85 و أنا معرفش عن العربية دي أي حاجة أنا اللي كنت بدور أجيب أيه ب25000 و فالأول فكرت فالدايهتسو الشاريد و بعدين قولت لا خليني فالمضمون وأجيب 128 أو 127 و بعد كده لاقيت أن العربيات دي هتتعبني فبقيت بدور على الفرنساوي اللي تمنه رخيص فبلدنا السترويين أو الرينو و بأمانة الأتنين معرفش عنهم حاجة
يا ريت حد يفيدني بسرعة أحسن أنا متلخبط خالص
أفيدوني بالله عليكم .

**mohamadyoussif159** · 30-03-2008 11:20 AM

السلاموا عليكم انا زميلك محمد فى المنتدى وبجمع معلومات عن الرينو الانها عربيه عجبانى ممكن افيدك فى الرينو 5 حسب اراء الزملا ء على النتدى لو تقدر تجيب السوبر 5 من موديل 85 الى اوائل التسعينا ت يبقى تمام اوى عرببيه كل الناس شكرولى فيها وشكلها جامد لو انت بتحب العربيات الهاتش باك وقطع الغيار موجوده والميكانيكيه كمان لو عاين اى معلومات ابعتلى على الرسايل الخاصه والسلاموا عليكم

**truetomy** · 30-03-2008 12:13 PM

متشكر يا ريس على الإفادة و لكن أنا بسأل على الرينو ال 9 لأنها فعلاً هشتريها خلاص و عايز قبل ما أكيش اعرف برضه عن قطع غيارها و عن صيانتها
رينو 9 مو 85 تحديداً .
أني أستخرت الله و الله أعلم ، عشان كده انا بأعقلها و أتوكل على الله.
أنا ماشي فموضوع العربية زي ما أنا بس بأسعى زي ما أمرنا ربنا بالسعي .
معلش طولت عليك . يا ريت تيفيدني عشان العربية هخلص فيها بعد بكرة

**truetomy** · 05-04-2008 02:50 PM

جبتها ب26000 و العربية يا زمايلي أيه حكاية أنا كنت راكب شاهين موديل 2004 و معذلك فيه فرق قصدي طبعاً أن الأفضلية للجديدة خفة و دلع و شكل و تكييف تلاجة و بتجري و ربنا يستر .

**truetomy** · 13-04-2008 11:14 AM

أسف يا جماعة أنا عبرت غلط الأفضلية للجديدة بالنسبة ليا مش أقصد الجديدة فالموديل يعني الرينو ال85 ضربت الشاهين 2004 على قفاها
أه أقفاها من ورا كده هووو
نعومة و ثقة بأداء العربية محصلش رغم فرق الموديل 23 سنة بس الفرنساوي فرنساوي
أنا مش عارف أزاي كنت رامي فلوسي فعربية فيات و مش أي فلوس كنت جايبها ب50000
الحمد لله و الشكر لله
الحمد لك و الشكر لك ربنا ما وهبتنا و أعطيتنا إلا الخير و عقولنا لا تدرك إلا متأخر حسب عقولنا الصغيرة و حكمتنا البليدة .

**hazem_khidr** · 13-04-2008 03:09 PM

الف الف مبروك و ربنا يحفظهالك و اختيار موفق ان شاء الله :)

**Xpert** · 13-04-2008 03:18 PM

الف مبروك .. و اعتقد ان عمي عنده قطع غيار ليها (مستعمل استيراد الخارج) لو عاوز ممكن ابعتلك التليفون .. و المكان في بورسعيد ;)

**Mohtofy** · 23-04-2008 10:36 AM

طيب ياأخى truetomy ممكن تكلمنا عن قطع الغيار بتاعت العربية دى غالية ولا رخيصة وكمان ياريت حضرتك تقولى إستهلاكها للبنزين عامل إيه ... أنا والله قدامى واحده برده نفس النوع والموديل بس خفت أدى أى كلمة عشان أنا مش عارف فيها حاجه وقفولت لصاحبها سبنى أفكر ....... أرجو منكم سرعة الإجابة