الكاسيت بيموع وعايز اوصله mp3

**maged** · 20-03-2008 01:13 AM

انا عندى دايو الكاسيت بتاعها بيموع وعايز اوصله mp3 عن طريق وصلة الشريط فهل هيحصل مشكلة فى الصوت بسبب التمويع ولا هيكون الصوت طبيعى برغم مشاكل الكاسيت
السؤال الثانى انى سمعت كتير ان بطاريات ال mp3 مش بتعيش اكتر من ساعتين ولاقيت فى السوق جهاز بيتوصل بولاعة السيارة وله ريموت كنترول وتقوم بتوصيل ال m p3 او فلاشه عليها الاغانى به وتقلب الاغانى من الريموت وبكده تترحم من البطاريات وعيوبها
فهل هذا الجهاز عملى ولا ايه رايكم شكرا

**ayminwafay** · 20-03-2008 01:58 AM

التمويع غالبا بيبقى من هيد الكاسيت او سرعة موتوره طبعا وصله الشريط ممكن تظهر نفس المشكله مع mp3 الجهاز الثانى الكونفرتر بيشغل على ال fm و بالتالى هيبعدك عن مشاكل الكاسيت سواء هيد او موتور وهوه سعره فى حدود 90 جنيه دا غير كارت الميمورى حسب مساحته . يارايت تقلونا بعد التجربه

**eng_mkhalaf** · 20-03-2008 08:23 AM

بس موضوع المديلاتور دة الصوت مش بيبقى كويس

**maged** · 21-03-2008 12:02 AM

طاب تنصحونى انى اشترى mp3 عادى واصلح الكاسيت بس الكاسيت كلاريون واكيد هيكلف كتير اعمل ايه

**محمد فريد** · 21-03-2008 06:25 PM

وليه تشترى mp3 وتصلح الكاسيت؟
انا عندى الكاسيت ده والقلاب بتاعه باظ - وكمان ال fm صوته مش حلو
هاتلك كاسيت بييونير او سونى اسطوانات mp3 وريح دماغك
انا ان شاء الله هجيب واحد بيونير قريب من راديو طلعت اللى فى شارع الازهر

**maged** · 21-03-2008 10:18 PM

بس الحكايه دى مكلفه يعنى ممكن بعد سنه او اتنين الكاسيت الجديد يعطل برضه انما ال mp3 مقدور عليه ولا ايه

**محمد فريد** · 22-03-2008 01:02 AM

يبقى الحل الوحيد لو حضرتك مش بتدور على نقاء الصوت هو ال fm modulator وفى نوع جديد Infinity بالريموت وفيه ايكولايزر تقريبا 90 جنيه وانسى الشرايط خالص

**M.Mokhtar** · 22-03-2008 02:27 AM

انا من خبرتى الضعيفه جدا فى هذا المجال اعتقد التمويع بيكون الترس بتاع الموتور ضعف ومش بيقدر يمشى الشريط كويس
بس لو جبت الشريط اللى بسلك ده مش شريط بيلف ده هيد مباشر يعنى مش هيأثر فيه التمويع خالص وصوته احلى من FM transmitter

**maged** · 23-03-2008 05:31 PM

الف شكر يا جماعة على الاهتمام انا هجرب شريط بتاع واحد صاحبى واشوف لو الصوت حلو اشترى شريط لو مش حلو انفذ الحل التانى شكرا

**maged** · 28-03-2008 12:00 AM

انا انهارده جربت الشريط بتاع صاحبى واول ماحطيته سمعت صوت التروس بتاعت الكاسيت كأنها هتنفجر والصوت وحش جدا وبيموع برضه وواضح ان الكاسيت محتاج تصليح وانتو عارفين ان كاسيت الدايو كلاريون وخايف اعمله الصيانه عند الجماعه اللى جنب جاد فى ميدان الحجاز يطلبوا منى فلوس كتير تفتكرو اعمل ايه

الموضوع: الكاسيت بيموع وعايز اوصله mp3

LinkBack

أدوات الموضوع

عرض

-

-

-

-

المواضيع المتشابهه

الخرطوم اللى فى زور التانك عايز اوصله

مشكلة فى الكاسيت الى كل خبراء الكاسيت

عندى كاسيت 1150 بايونير من غير usbوعايز اوصله فلاشه اعمل ايه

ربنا رزقنى بولد وعايز اعملة عقيقة وعايز خبراتكم...

هو لما اسمع صوت المتور فى الكاسيت العادى من غير اضافات على الكاسيت ده سببه ايه؟؟

الكلمات الدلالية لهذا الموضوع

المفضلات

المفضلات

ضوابط المشاركة