هل موتور a5 ضعيف ؟

[Michel Tanios]

ليه موتور a5 قوة 102 حصان فقط بالرغم من وجود سيارات كثيره فى فئه سعريه أقل و قوه أعلى :
corolla 142 hp
civic 140 hp
nisan tida 118 hp
megan 115 hp
هل فعلاً فى فرق ولا كلها لعب بالالفاظ فى طريقة حساب القدره الحصانيه .

[TAG_Turbo0]

معلومة بسيطة تثبتلك ان موتور الـ a5 مش ضعيف
الموتور ده نفسة موجود فى
جولف 5
جيتا
سيات ليون
وأكيد كل الناس تعرف ان العربيات دى مش أى عربيات

[SEATLOVER]

موضوع عدد الاحصنة مرتبط يتكنولجى الموتور وعلى حسب كل شركة هى عايزة اية من المحرك بتاعها

A5 عربية اداءها جيد داخل المدينة ..و اداء اكثر من رائع فى السفر
والاداء بشكل اجمالى اداء راقى جداً مثل رقى باقى العناصر فيها .

[Sharky]

الأوكتافيا موتورها صعيف و سحبها صعيف و خاصة فى الطلعة الأولى لإن الموتور Mpi الـ 102 حصان صعيف على البودى بتاعها لكن فى السرعات العالية كويس و دا عن تجربة ليها
و بره الاوكتافيا بينزل منها الموتور الجديد Fsi إللى هو 1600 سى سى 116 حصان و دا زى إللى بينزل فى الباسات

[Ahmed Samy]

الطلعة مش "ضعيفة" اسمحلى الكلمة جامدة قوي .
هيا مش طلعة رياضية و لكنها لا توصف بالضعيفة اطلاقا
العربية دي كان في ست راكباها و طالعه من الباركينج بتاع النادي و هيا لسة طالعة كان السايس بيرجع عربية قدامها عشان يطلع واحد تاني
الأوكتافيا زقت العربية (بالعرض) بتاع 60 سم او اكتر على ما الحاجة اللي بتسوق اكتشفت انها مفروض تشيل رجلها من على البنزين و بعدين تفرمل (لأنها شكلها عملت حاجة تانية).
الموتور شدييييد جدا بس مش باع اولاني تاني تكسب

[Sharky]

أحمد باشا دا أنا شفته من تجربتى لسواقة الأوكتافيا من واحد صاحبى و يمكن علشان بقارنه بطلعة الميجان إللى هى أقوى منها علشان كده حاسس إنها ضعيفة

[Powert]

الأوكتافيا ماتورها مش ضعيف

هي يمكن تكون بطيئة في الطعلة الاولانية بس بس بعد كده ادئها ممتاز

هي مش عربية شباب ولا شد وحركات بس الصراحة هي لو نزلت بماتور 116


بتاع البسات ال Fsi هتكون حلوة جداً لانها ممصمة اصلاً على ماتور 1800

مش 1600

[fahd_628]

من الأخر محركها مش رياضى و لكنة معقول

[CryptonX]

مش بيعجبني سحبها نهائي .. انا سقت الاليجانس
بس اطلع على طريق سريع - 80 - 100 - 120 - 150
صوت الموتور مخفي ! و ناعم جدا

انما داخل المدينة طبعا تقيلة جدا و حركتها مش رياضية طبعا خالص - ده كلام من تجربة و كلام من صاحب السيارة الي كان معاه لانسر 1600 و بنفسه كان بيقولي ان الانسر ادائها احسن بكتير .

[فادى]

"ليه موتور a5 قوة 102 حصان فقط بالرغم من وجود سيارات كثيره فى فئه سعريه أقل و قوه أعلى :
corolla 142 hp
civic 140 hp
nisan tida 118 hp
megan 115 hp
هل فعلاً فى فرق ولا كلها لعب بالالفاظ فى طريقة حساب القدره الحصانيه ."

مش الفكرة فى عدد الأحصنة, بالنسبة للمحركات هنفترض انو محرك السبيرانزا من المحركات الطبيعية و انو مفيهوش أى نوع من الغش (رغم اننى لا أؤيد هذا).
عدد الأحصنة هو القوة الحصانية القصوى و العزم هو العزم الأقصى, لكن المحرك له منحنى عزم, و منحنى للقوة الحصانية, يعنى هذه القوة مش ثابتة, لا يمكن بأى حال من الأحوال زيادة قوة المحرك بشكل ملحوظ الا بواسطة التربو لأن قوة المحرك هى حاصل ضرب : الضغط * مساحة المكبس * سرعة المحرك.
لكى ترفع قوة المحرك لا سبيل الى ذلك سوى زيادة مساحة المكبس(تكبير المحرك) أو زيادة الضغط, و لا سبيل لزيادة الضغط بطريقة ملحوظة الا بواسطة شاحن هواء تربو و الذى يأتى على حساب عمر المحرك.
التطور الأهم فى الفترة الأخيرة هو الحقن , سواء كان اليكترونى أو ميكانيكى(هناك أنواع من نظم الحقن تعمل بطريقة ميكانيكية بالضغط), و أهمية الحقن هو دقته فى تحديد الخليط (الهواء/ الوقود) و الذى استطاع الارتفاع بكفاءة المحرك بعض الشىء, و الأن لا يمكننا أن نقول أن هناك محرك أفضل من محرك الا من ناحية الاعتمادية و العمر فقط, أما بالنسبة للقوة الفعلية فلا يوجد فرق بين محرك و أخر بنسبة ملحوظة. و جميع نظم الحقن تعمل بشكل متطابق.
بالنسبة للقوة الحصانية, فالسبيل الوحيد لتزويدها هو التلاعب فى منحنى العزم بحيث تأخذ السيارة عزمها عند سرعة مرتفعة 4800 أربىام مثلا أو ما شابه, و هو الأسلوب اليابانى المعهود, و لكن ياتى هذا على حساب العمر الافتراضى للمحرك و على حساب مرونته و هو حل غير محبذ و هو يعطى بعض السرعة الاضافية لأنه كما قلنا ان قوة المحرك هى الضغط*مساحة * سرعة يعنى لو زودنا السرعة ناخد باور أعلى و هى تقنية سهلة و لكن أضرارها كثيرة.

[فادى]

أعتقد أن مشكلة الاسبيرانزا تكمن فى وزنها المرتفع و الذى يتعدى ال1200 كيلو على ما أذكر.

[Michel Tanios]

شكراً على الاهتمام و الردود المنطقيه و خلاصة الكلام انها موتور غير رياضى سحب ضعيف و لكن عمر افتراضى طويل .
سؤال تانى هل كل a5 الاتوماتيك فيها مثبت سرعه
انا محتار بين رينو ميجان استيشن فرنساوى أو جيتا أو a5 مع العلم ان عامل الصيانه مهم جداً بالنسبه ليا خصوصاً ان العربيه ممكن تستمر معايا بالعشره خمستاشر سنه .

[fahd_628]

بص الميجان الستيشن عربية فوق الوصف بجد انا ركبتها فى معرض و محدش حيعرف العربية دية جميلة اد اية غير لما يركبها عربية عائلية من الدرجة الأولى و واسعة و محترمة جدا

بس اقولك الصراحة الاوكتافيا حتعمر و تستحمل اكتر من الميجان

[crazylambada]

الاوكتافيا احسن من الميجان مفيش كلام
موتور الاوكتافيا صدقني مش ضعيف
و سحبها مش وحش
العربية دي يا جماعة مش لشاب
دي عربية عائلية لواحد عنده 40 سنة و انتا طالع
يعني مش حيشد مش حيفرق الحاجات دي
الموتور يستحمل اه يستحمل و يستحمل جامد
يستحمل وزن العربية و بكامل حملها و تقدر كمان تسحب عربية وراها
على فكرة انا حاسس ان موضوع الاحصنة ده مش مقياس
لان الليون 105 حصان هل معنى الكام ده ان اللانسر 107 حصان تسبقها
اشك .................

[abo samra]

بكل تا كيد مش تسبقها بس تدى تعلم عليها زى ما علمت على باقى السيارات
اللانسر الخليجى 122 حصان 107 دا المصرى والتسارع من صفر الى 100 فى 10.5 ثانيه اوتوماتيك