أسترا انجوي - Test Drive

[Ahmed Samy]

اليوم قمت بتجربة السيارة الأوبل استرا انجوي الهاتشباك
اللون اسود
الثمن 150 الف جنيه مصري
صندوق التروس ايزيترونيك
.................................................. ............................................
1 - الصالون الداخلي :
*خامات فقيرة نوعا ما
*CD السيارة ذو جودة صوتية كافية و لكن التعامل مع شاشة العرض من خلاله شيء صعب جدا (حتى ضبط الساعة كان محتاج وقت)
* شيء مزعج جدا جدا جدا (لا يوجد حامل أكواب واحد) في أي مكان من السيارة يعني لو هاتشرب علبة كولا لازم تمسكها بين رجليك .
* الكراسي غير مريحة لأن الظهر بتاعها محدب و ليس مقعر ليناسب شكل الظهر .
* رؤية الطريق وأبعاد السيارة جيدة
* أضاءة العدادات مستنفرة للعين طول الوقت و شكلها جذاب
* مسند المرفق حاجة كده للأسم بس حجم صغير و خامه سيئه و لا يسع أكثر من موبايل و شاحن ليه و ميدالية مفاتيح.
* طبعا الـ Keyless go ده ممتع جدا تدوس شويه على الزرار و هيا تدور . تفتح الباب و ميداليتك في جيبك .. تبعد , هيا تقفل و ممكن تبطل لوحدها .

2 - الأداء
* التسارع : جيد جدا جدا . العربية بتجري بشكل جامد
* الثبات : عموما جيد (المانيا) ولكن لو قورن بالجولف فهوى عاااادي جدا
(التجربة: منزل كوبري منحنى دائري كامل . السيارة فقدت الgrip على سرعة 75 كم -ملحوظة : اللانسر فقدته على سرعة 62 كم و الجولف فقدته على 87 كم )
* الارتفاع : السيارة تصنف على انها عالية عن سطح الأرض و لا تطولها الدفاعات الشعبية الأرضية(مطبات الأهالى).

* اضاءة السيارة جيدة جدا على الطريق - يعنى لو ركبلها زينون تبقى كشاف سجن :D
* الإيزي ترونيك : سهل جدا تدور و هيا N
خبطة شمال يبقى اوتو (ويرجع مكانه)
خبطه يمين يرجع N (ويرجع مكانه)
يمين وورا R (ويرجع مكانه)
قدام وورا نقلات زي المانيوال تمام (ويرجع مكانه)
طبعا في indicator في العدادات
ولكن ولكن ولكن
في تقصيرة قاتلة بين كل نقلة و التانية (مش تكة و لا نتشة ) تقصيييرة يعني لو بتشد مع واحد أولاني في تاني هيكون أولاني بس :D
- الموضوع ليه حل : هوا ان العربية اول ما تشاور عقلها و تييجي تنقل تقوم حضرتك ترفع رجلك عن الدواسه همسة و تدوس تاني (بس لازم تتوقع موعد النقلة القادمة) لأن العربية مش بتنقل عند RPM ثابت بل بشكل متغير حسب نوع القيادة
- التقصيرة دى تكاد تكون غير ملحوظة على السرعات العالية .
(رأي شخصي العربية دي تتركب مانيوال)

3 - الشكل :
شكلها عاجبني بالذات من ظهرها
و طبعا ال GTC Panoramic Roof حاجة تححححفة

4 - الصيانة :
توكيل قوي و محترم
لايوجد مشاكل شهيرة للسيارة (ماعدا البعض اشتكى من تسقيف في الماتور-اختفى مع بنزين 95 و الكثير بيحط 92 و كلو تمام).
-------------------------------------------------------------------------
المحصلة :
سيارة شبابية لا أرشحها للعائلة الصغيرة و لا تصلح لعائلة عادية
لهواة التسارع و الهرس فهي اختيار موفق
لهواة الفخامة و الترف (اببببعد)

و أرجو ان أكون أفدتكم

[fahd_628]

شكرا على التجربة بس مفهمتش اوى ملاحظتك على الفتيس ! معلش ممكن توضحها اكتر

و ياريت لو جربت الجين 2 تقولنا رأيك برضة

[Ahmad Allawy]

كلام في منتهي الجمال..
وواقعي جدا..
ودليل علي ان سعاتك خبرتك في السواقة جيدة جدا..
عرفتنا شوية حاجات مهمة عن الايزي ترونيك عن تجربة مش مجرد قراية ريفيوهات ع النت..
الف شكر ليك يابو حميد..

[TAG_Turbo0]

تقيم أكثر من رائع تسلم ايدك

[Mustafa_Farouk]

اليوم قمت بتجربة السيارة الأوبل استرا انجوي الهاتشباك
اللون اسود
الثمن 150 الف جنيه مصري
صندوق التروس ايزيترونيك
.................................................. ............................................
1 - الصالون الداخلي :
*خامات فقيرة نوعا ما

زي إيه ؟؟ دي ٢٠٠٨ ولا ٢٠٠٧ ؟؟

*CD السيارة ذو جودة صوتية كافية و لكن التعامل مع شاشة العرض من خلاله شيء صعب جدا (حتى ضبط الساعة كان محتاج وقت)

مش صعب أوي يعني يا أحمد

* شيء مزعج جدا جدا جدا (لا يوجد حامل أكواب واحد) في أي مكان من السيارة يعني لو هاتشرب علبة كولا لازم تمسكها بين رجليك .

أنا موفأق في إلنقطة دي. فعلاً دي حاجة رخمة جداً ، في ١ حامل اكوب في التابلوه بس بعيد على اللي سايق. ممكن المبرر التوفير عشان ماتشتيرش أي مشروبات غازيه (التخن) أو قهوة(الكافين) بدرو الصحة. الناس دي بتفكر برضوا.

* الكراسي غير مريحة لأن الظهر بتاعها محدب و ليس مقعر ليناسب شكل الظهر .

أنا شايفها عاديه

* رؤية الطريق وأبعاد السيارة جيدة

موافق

* أضاءة العدادات مستنفرة للعين طول الوقت و شكلها جذاب///موافق

* مسند المرفق حاجة كده للأسم بس حجم صغير و خامه سيئه و لا يسع أكثر من موبايل و شاحن ليه و ميدالية مفاتيح////.موافق


* طبعا الـ Keyless go ده ممتع جدا تدوس شويه على الزرار و هيا تدور . تفتح الباب و ميداليتك في جيبك .. تبعد , هيا تقفل و ممكن تبطل لوحدها .////مش متاكد في النقطة دي، أنا بأفلهة بإصبعي على الأكرا .

2 - الأداء
* التسارع : جيد جدا جدا . العربية بتجري بشكل جامد ///أنا مش بعدي ال-١٠٠
* الثبات : عموما جيد (المانيا) ولكن لو قورن بالجولف فهوى عاااادي جدا
(التجربة: منزل كوبري منحنى دائري كامل . السيارة فقدت الgrip على سرعة 75 كم -ملحوظة : اللانسر فقدته على سرعة 62 كم و الجولف فقدته على 87 كم )
* الارتفاع : السيارة تصنف على انها عالية عن سطح الأرض و لا تطولها الدفاعات الشعبية الأرضية(مطبات الأهالى)..////////مشاء الله

* اضاءة السيارة جيدة جدا على الطريق - يعنى لو ركبلها زينون تبقى كشاف سجن :D
* الإيزي ترونيك : سهل جدا تدور و هيا N
خبطة شمال يبقى اوتو (ويرجع مكانه)
خبطه يمين يرجع N (ويرجع مكانه)
يمين وورا R (ويرجع مكانه)
قدام وورا نقلات زي المانيوال تمام (ويرجع مكانه)
طبعا في indicator في العدادات
ولكن ولكن ولكن
في تقصيرة قاتلة بين كل نقلة و التانية (مش تكة و لا نتشة ) تقصيييرة يعني لو بتشد مع واحد أولاني في تاني هيكون أولاني بس :D
- الموضوع ليه حل : هوا ان العربية اول ما تشاور عقلها و تييجي تنقل تقوم حضرتك ترفع رجلك عن الدواسه همسة و تدوس تاني (بس لازم تتوقع موعد النقلة القادمة) لأن العربية مش بتنقل عند RPM ثابت بل بشكل متغير حسب نوع القيادة ////////أنا بعمل كدة
- التقصيرة دى تكاد تكون غير ملحوظة على السرعات العالية .
(رأي شخصي العربية دي تتركب مانيوال)

3 - الشكل :
شكلها عاجبني بالذات من ظهرها
و طبعا ال GTC Panoramic Roof حاجة تححححفة

4 - الصيانة :
توكيل قوي و محترم
لايوجد مشاكل شهيرة للسيارة (ماعدا البعض اشتكى من تسقيف في الماتور-اختفى مع بنزين 95 و الكثير بيحط 92 و كلو تمام).////

المفروض أحط بنزين كام ؟؟
-------------------------------------------------------------------------
المحصلة :
سيارة شبابية لا أرشحها للعائلة الصغيرة و لا تصلح لعائلة عادية
لهواة التسارع و الهرس فهي اختيار موفق
لهواة الفخامة و الترف (اببببعد)

و أرجو ان أكون أفدتكم

thank you so much for your point of view:)

[Sameh]

* الإيزي ترونيك : سهل جدا تدور و هيا N
خبطة شمال يبقى اوتو (ويرجع مكانه)
خبطه يمين يرجع N (ويرجع مكانه)
يمين وورا R (ويرجع مكانه)
قدام وورا نقلات زي المانيوال تمام (ويرجع مكانه)
طبعا في indicator في العدادات
ولكن ولكن ولكن
في تقصيرة قاتلة بين كل نقلة و التانية (مش تكة و لا نتشة ) تقصيييرة يعني لو بتشد مع واحد أولاني في تاني هيكون أولاني بس :D
- الموضوع ليه حل : هوا ان العربية اول ما تشاور عقلها و تييجي تنقل تقوم حضرتك ترفع رجلك عن الدواسه همسة و تدوس تاني (بس لازم تتوقع موعد النقلة القادمة) لأن العربية مش بتنقل عند RPM ثابت بل بشكل متغير حسب نوع القيادة
- التقصيرة دى تكاد تكون غير ملحوظة على السرعات العالية .
(رأي شخصي العربية دي تتركب مانيوال)

أستاذ أحمد سامى ممكن سيادتك توضح لنا نقطتين:

1- هل زيادة أو نزول النقلات قدام وورا لازم يكون مروراً بالنقلات بالترتيب ؟؟ يعنى لو أنا كنت على الرابع وهديت ومحتاج أجيب التانى ، لازم أنزل تالت تانى ولا ممكن تانى على طول ؟؟؟؟

2- يا ريت توضحلنا ملاحظتك على (التقصير) أثناء النقلة ، وإيه المقصود بالجملة الكتوبة بالأزرق

شكراً جزيلاً على التجربة

[Ahmad Allawy]

انا ممكن اتطوع واقولك ايه الفرق..
لحد ما احمد بك سامي يشوف ويرد هو كمان ولو انا قولت حاجة غلط هو يصححلي..
زيادة و تقليل التقلات لازم فعلا انه يتعمل بالترتيب.. لأنك مشس بتنقي انت هتنزل لأنهي نقلة.. انت بتنزل نقلة او تطلع نقلة..يعني لو علي الرابع وهديت قوي العربية هتسقط هتنزل لوحدها علي التاني علي النقلة المناسبة..(ده في حالة الاوتوماتيك..)
اما في حالة المانيوال ف دي حاجة انا ماعرفهاش.. واللي ساق العربية ممكن يفيدنا اكتر طبعا.. ومصطفي بك فاروق لو قرا الموضوع يفيدنا.. عشان هو معاه العربية دي..
التقصير في النقلة بقي ده انا عارفه وشوفته..
ده بيبقي عبارة عن ايه..؟؟
لما انت سايق مانيوال و ماشي اولاني وبعدين بتعمل ايه..؟؟
بتدوس دبرياج و بتنقل الفتيس علي النقلة الاعلي.. صح؟؟ كل ده لو انت باصص علي الار بي ام هتلاقي ان القراية بتاعته بتقل في خلال المرحلة و الفترة دي.. وهي دي التقصيرة.. و التقصيرة دي لو انت سايق مانيوال بتعتمد علي مهارة السايق و كل ما تبقي حريف اكتر تنقل بسرعة اكتر من غير تقصير..
بس معلومة بقي..
ودي حاجة انا قريتها ع النت.. ان الفتيس بيعدل نفسه علي مود سواقتك.. او بمعني اصح الكومبيوتر هو اللي بيعمل كده.. و لو انت سايف بطريقة رياضية بمعني تاني سحب و جرب وقرص وكده.. الفتيس بينقل معاك بسرعة و التقصيرة دي بيبقي صغيرة..
ولو انت سايق ع الهادي و مود سواقه عادية التقصيرة دي بتبان معاك..
وده برضه عرفته من واحد قريبي كان شغال في مقار توكيل اوبل..
وشوفتا لكلام ده بنفسي علي يو تيوب في فيديو للأسترا 1600 ايزيترونيك في التسارع من 0-100 و التقصيرة دي ف الاوتو بسيطة قوي تقريبا زي النتشة بين النقلات في الاوتو العادي او اكتر سنة صغيرة..
وفي انتظار رد مصطفي او اي حد تاني معاه العربية يفيدنا اكتر..التجربة اكيد بتفرق..

[Sameh]

شكراً يا أستاذ أحمد علاوى ، بس أنا اللى كنت فاهمة إن الإيزى ترونك من غير دبرياج ، ولو تعريف التقصير إن هو نزول الآر بى إم أثناء النقل بالضغط على الدبرياج ، ده ممكن تعالجه إنك ماتسيبش البنزين هو كمان كله ، عادى زى ما بتسوق المانوال !!

مش عارف هو فى دبرياج بتدوس عليه لما تزود أو تنزل غيار ولا بتحرك الفتيس على طول ؟؟ عشان لو فى دبرياج يبقى كل اللى عملوه إن غيروا مكان النقلة وبقت قدام وورا بس وده مش إختراع يعنى ، إنما الإستغناء عن الدبرياج يبقا هو ده التطور

ممكن التوضيح ؟

[Ahmad Allawy]

سامح بك..
هي العربية فيها دبرياج بس اليكتروني..
بمعني انك انت مش بتدوس علي حاجة..
انت مجرد لما بتحب تنقل بتنقل الفتيس وخلاص..
التقصير المذكور ده هو ببقي كأنك بالظبط عملت اللي قولت عليه ف المانيوال.. يعني بتحس نفس الاحساس وبتشوف نفس رد الفعل علي الار بي ام بس من غير ما تدوس دبرياج ولا تنقل..او لو بتنقل بايدك عادي في المانيوال مود..

[Mustafa_Farouk]

[quote=Ahmad Allawy;205892]انا ممكن اتطوع واقولك ايه الفرق..
لحد ما احمد بك سامي يشوف ويرد هو كمان ولو انا قولت حاجة غلط هو يصححلي..
زيادة و تقليل التقلات لازم فعلا انه يتعمل بالترتيب.. لأنك مشس بتنقي انت هتنزل لأنهي نقلة.. انت بتنزل نقلة او تطلع نقلة..يعني لو علي الرابع وهديت قوي العربية هتسقط هتنزل لوحدها علي التاني علي النقلة المناسبة..(ده في حالة الاوتوماتيك..)///

على فكرة الموضوع زي كدة بالظبط، يعني أنا بجيب الاوتوماتيك وبتمشي عادي الاول،التاني، الثالث،الرابع، حبيت تهدي بينزل عادي جداً على الثالث ثم التاني حتى تقف على الاول. عايز تطلع تدوس بنزين وهي حتمشي عادي جداً.
موضوع الاحساس بالنائلة ممكن ان العربية اول ما تشاور عقلها و تييجي تنقل تقوم حضرتك ترفع رجلك عن الدواسه همسة و تدوس تاني ودة ممكن تحسو من العربيه لما بتنقل عند RPM ودة حسب نوع القيادة، يعني أنا لما بسمع صوت الموتر عللي شوية برفع رجلي عن الدوسة ثانية تروح هي تنقل وهكذا أو لما أجيب سرعة ٢٠ كم في RPM .
لو حاسوك مانوال خبطة شمال يبقى اوتو (ويرجع مكانه) و-خبطة شمال تاني يبقى مانوال (ويرجع مكانه) أدوس بنزين وأدوس الفتيس إلى فوق يجب الثاني أدوس الفتيس تاني يجب الثالث وهكذا.
عايز أفرمل هو بينزيل لوحدو إلى الاول.
مفش أي دبرياج بتدوس عليه لما تزود أو تنزل غيار بس بتحرك الفتيس على طول عند القيادة المنوال.


لما انت سايق مانيوال و ماشي اولاني وبعدين بتعمل ايه..؟؟
بتدوس دبرياج و بتنقل الفتيس علي النقلة الاعلي.. صح؟؟ كل ده لو انت باصص علي الار بي ام هتلاقي ان القراية بتاعته بتقل في خلال المرحلة و الفترة دي.. وهي دي التقصيرة.. و التقصيرة دي لو انت سايق مانيوال بتعتمد علي مهارة السايق و كل ما تبقي حريف اكتر تنقل بسرعة اكتر من غير تقصير.. /////كلام مظبوط


بس معلومة بقي..
ودي حاجة انا قريتها ع النت.. ان الفتيس بيعدل نفسه علي مود سواقتك.. او بمعني اصح الكومبيوتر هو اللي بيعمل كده.. و لو انت سايف بطريقة رياضية بمعني تاني سحب و جرب وقرص وكده.. الفتيس بينقل معاك بسرعة و التقصيرة دي بيبقي صغيرة..
ولو انت سايق ع الهادي و مود سواقه عادية التقصيرة دي بتبان معاك..////

كلام مظبوط بس طبعاً لازم تشوف بنفسك

[Ahmad Allawy]

كلام مصطفي جميل جدا..
اهو الراجل جرب بنفسه و الحمد لله كلنا اهو عرفنا حاجات جديدة و استفدنا استفادة جامدة قوي..
احنا فاضل لينا رأي احمد سامي
وان شاء الله انا هاحاول اعرف اكتر من المهندس اللي باصلح عنده العربية ..
وكمان لما اجرب بنفسي اكيد هانقل ليكم كل اللي استفدته و عرفته من التجربة..
عشان اكيد مش هتكون زي تجربة اي عربية اوتو..

[Sharky]

تقرير واقعى جدا و يتميز بالدقة فى المعلومات و أنا موافقك عليه 100%
لإنى جربت عربية حبيبى مصطفى فاروق على السريع و ربنا يبارك له فيها بإذن الله و الف مبروك على الفرش يا مصطفى

[Ahmed Samy]

متشكر جدا يا جماعة لكل الردود
اما موضوع التقصيرة تاني :

حكاية ان الفتيس بينظم "معدل نقل السرعات تبعا لأسلوب القيادة" فالمقولة دي مطاطة شوية .
* الفكرة في عدد دورات الموتور اللي بينقل عندها لمجموعة الحركة التالية (و ليس سرعة النقلة نفسها) . و للعلم اي فتيس اوتو بيعمل كده لو قرصت عليه بيأخر النقل ولو ماشي بالراحة بينقل بدري .

* أنا جربت اكبس بنزين (رياضية رياضية يعني) و الrpm يا دوب عدى 4.5 و هوووب .....كأنك دوست فرامل خفيفة لمدة ثانية كده و بعدين نقلت التاني و انطلقت بتسارع ممتاز .

* بعد كام لفة كده صاحب العربية دربني على تلافي التقصيرة دي ...ازاااي ؟؟؟
دوس بنزين ....تسارع تسارع تسارع 4.3.2rpm. و انت طالع على و نص ....ارفع رجلك (و كأنك هاتنقل مانيوال تمام) و في نفس زمن نتشة المنيوال اكبس بنزين تاني (يعني الفرق بين رفع الرجل و اعادتها يادوب ثانية او اقل ) مش هاتحس بتقصير و لكن بنتشة رياضية جدا و هاتشوف تسارع يعجبك

* المشكلة ان التركيز او التعود مش هايريح اللي فاكر ان العربية اوتو و مش غاوي جري .

* موضوع تسقيط النقلة من الرابع للتاني :
طبعا لازم تعدي على التالت بس نظريا فقط - لأنك هتخبط عصاية الجير لورا مرتين متتاليتين تلاقي نفسك على التاني

و تحت امركم

[Sharky]

على فكرة هو قريب شوية من الفتيس التيب ترونيك بتاع الميجان

و هى دى المشكلة إللى كانت الناس بتقول عليها فى فتيس الميجان لكن الفرق إن الميجان النتشة دى بتكون موجود فقط فى النقلة بين الاول و التانى مش فى كل النقلات و برضه بتفاديها بنفس فكرة الأسترا بالظبط

[Ahmad Allawy]

السلام عليكم..
معلش انا اسف اتأخرت شوية في الرد وده عشان مكنتش ف البيت اليومين اللي فاتوا دول..
اولا. احب اشكر صديقي مصطفي باشا فاروق.. الراجل ما شاء الله عليه قمة في الادب و الاخلاق و الذوق.. ربنا يكرمه ويوفقه. ثانيا احب اباركله علي العربية وانها ما شاء الله تقريبا زيرو.. ربنا يباركله فيها و يكفيه شرها..
ثالثا.. علي كلام شاركي كمان.. احب ابارك لمضطفي علي الفرش اللي ركبه.. واللي انا لأول وهلة وافتكرته فرش المصنع..
ما شاء الله فيمنتهي الجمال و الدقة في التصمبم والتفصيل..
نيجي بقي لتقييم شخصي بعد تجربة العربية..

أولا رأيي في العربية من جوة..بصراحة انا شايفها من جوة عادية.. مش في منتهي الشياكة ولا وحشة.. لأ هي احلي من عربيات تانية كتير.. بس برضه في اشيك من كده.. جايز برضه انا ملقتش اشوفها كويس قوي بس يمكن عشان كل حاجة متجمعه في اماكن صغيرة.. ادتني ايحاء بكده..
كل حاجة متجمعه ازاي هاقولكم..
يعني معظم معلومات العربية بتتعرض علي شاشة المعلومات اللي في نص التابلوه..وده مخلي العدادات شكلها في منتهي البساطة و يمكن حسيت من كده انها فاضية شوية كمان..
بس بره هارجع واقولكم اني مركبتش العربية كتير وكمان مكنتش مركز في شكل التابلوه و العادات قوي..
انا كنت مركز اكتر مع الفتيس والنقلات و الحاجات اللي كان يهمني قوي اني اجربها واعرفها كويس..
نيجي لحاجة تانية.. الا وهي ان فرش الابواب مش اجبني بصراحة.. واقصد بيه مسند الباب و المكان اللي فيه الاكرة.. و المقبض اللي باقفل منه الباب..و مكان زجاج الكهربا.. وده رأي شخصي ممكن يتوافق مع رأي ناس و ناس تانية تبقي مش شايفة كده..
نيجي للدركسيون اللي مكسو بالجلد فهو في منتهي الشياكة.. والمالتي فانكشن جامد قوي.. وان كنت مش فاكر اللي علي الشمال بيعمل ايه.. انا فاكر انه البكرة بتغير منها المعلومات اللي علي الشاشة بس مش فاكر بصراحة الازرار بتعمل ايه..
نيجي بقي للفتيس الايزي وده من الحاجات اللي انا معجب جدا بالعربية بسببه..
هو انا عندي نقطة سلبية..واحدة بس..
مع النقاط الايجابية الكتير وهي ايه بقي النقطة دي..
اني دلوقتي ماشي بالعربية.. وبعدين لقيت قدامي الطريق قفل شوية باهدي مش محتاج اني افرمل بس مجرب بارفع رجلي من البنزين.. ولو كنت انا فوق مستوي نقلة معينة.. اوتو بتنقل علي النقلة الاعلي.. وبالتالي لما احب ازود تاني بتبقي علي نقلة اعلي وبتاخد شوية وقت علي ما بتتسارع في النقلة الاعلي او تنزل للنقلة الاقل..
مثال عشان انا عارف اني لخبطتكم شوية..
يعني انا كنت ماشي علي التاني,, و بعدين داخل علي شوية زجمة.. فهديت باني شيلت رجلي من علي البنزين.. ولوحدها هي نقلت علي التالت.. وبعدين الطريق فتح شوية فحبيت اقرص شوية عشان اطلع من الزحمة.. اخدت وقت شوية علي ما التسارع بتاع التالت حصل عشان كان علي ار بي ام واضي. وعلي ما نزلت للتاني اخدت شوية وقت.. بس كده.. دي النقطة السلبية اللي عندي.. وانا شبه متأكد اني حسيت بككده عشان اول مرة اسوق ايزيترونيك.. وكمان عشان مسوقتش اوتو من زمان..
نيجي بقي للنقل
ة اللي شاركي قال انها كلمة مطاطة شوية.. انا اقصد معني الكلمة..
وهو ايه..؟؟ انك دلوقتي ماشي سواقتك هادية.. تمام لما تيجي تنقل العربية بتاخد وقت شوية طويل علي ما تنقل..لكن لو انت قارص علي العربية و بتجري بيها او علي ار بي ام عالي.. الاستجابة بتاعتها في النقل.. سرعة النقل يعني بتكون اعلي.. بتنقل اسرع.. ارجو اني اكون عرفت اوضح وجهة نظري.

نيجي بقي لزرار السبورت مود او القيادة الرياضية..
فده واللي انا فاهمه انه لما باشغله.. العربية مش بتنقل غير لما توصل لأر بي ام علي.. عشان تطلع اقوي عزم و تسارع للعربية.. و كمان اكيد ده بيفرق في سرعة استجابة الفتيس في النقل.. نفس النقطة اللي كنت باوضحها لشاركي..
انا عن نفسي لم تتح لي الفرصة لتجربة النظام الرياضي.. بس ان شاء الله هاجربة قريب.. بس في التست درايف بتاعت التوكيل ان شاء الله.. عشان العربية اللي سوقتها بتاعت واحد حبيبي.. و ممكن كان يتضايق لو حبيت اجربهاز عموما ممكن اقوله يجربها هو ويقولنا..
في حاجة تانية عجبتني قوي..
في العربية زرار كنب الفتيس عليه علافة شبه بتاعت التكييف..انا افتكرتها الاول التكييف فعلا.. بس اللي صديقي قاله انه بيشغل حاجة انا مش عارف اسمها وهو مش فاكره هو كمان.. وده بنشغله في حالة الارض فيها زيت او ارض مزحلقة.. بيحافظ علي ثبات العربية و يمنع الانزلاق..
يا ريت يا جماعه اللي عنده معلومات اكتر يقولنا ايه النظام ده عشان انا بصراحة مش عارف..

بالنسبة لمساجة العربية فتعتبر صغيرة.. يعني محستش بفرق مساحة كبير بينه وبين الكرسا بتاعتي. و الشنطة مساحتها معقولة..
موضوع مسند الذراع فعلا احمد سامي عنده حق.. بس بيتهيألي ان غرضة الاساسي وده اللي انا بايتعمله فيه انه اسند عليه مش اشيل فيه حاجات.. التابلوه و الدرج بتاعه واسعين قوي و ممكن اشيل فيهم اي حاجة..
موضوع حامل الاكواب بايخ جدا فعلا.وفي حاجة تانية كمان مصفي فاروق قاللي عليها ان الشمايات مفيهاش مرايات.. ودي ممكن تكون حاجة بايخة بالنسبة للبعض..
الجنوط نضيفة قوي و الدليل ان في فردة كاوتش ف العربية اللي سوقتها فيها بالونة او بيضة زي ما البعض بيسميها و الجنط زي الفل ولا فيه اي عوجة و ده عيب الكاوتش اللي سمكه قليل شوية.."55 يعني" بس عادي مش كتير لما الواحد بيلبس بلاعات او خفر من النوعيه اللي تعوج جنط او تبوظ كاوتش..
"ولو اني انا حصلت معايا مرتين اهو اول ما جبت العربية من 3 شهور.. بس انا واحد باعترف اني حظي صعب شوية وكمان الطرق اللي بامشي منها وحشة.. وكمان في اماكن ممكن اول مرة امشي فيها بيبقي بالليل ودي حاجة سيئة"

النظام الصوتي معقول جدا.. صوت الموتور نفسه لما الواحد بيقرص علي العربية شوية في منتهي الجمال رياضي و ممتع قوي..
بس ده رأي الباب لو حد كبير هيقولك صوته عالي مزعج..ودوشة وكده..
بس غير كده انا تقريبا مش شايف ان في اي حاجة تانية..
وبرضه ده مش هيغير من رأيي انها بقت واكتر من الاول.. المرشحة نمرة 1 عندي لما اشتري جديد ان شاء الله..
معلومة عرفتها بالصدفة.. الكورسا برة في منها فيها تقريبا نفس امكانيات الاسترا او اقل شوية ممكن و برضه ايزي ترونيك و 1200 سي سي و احتمال تنزل مصر قريب..
بس العربية دي او نزلت بيتهيألي انها سعرها مش هيقل عن 120 الف وده سعر يعتبر مبالغ فيه شوية للعربية
ي وبرضه نفس سعر المازدا 2 و البيجو ال207 وانا شايفه سعر عالي شوية.. وبرضه نفس فئة سعر الايبيزا الجديدة ولا السويفت و الحاجات دي.. اللي انا شايف ان فئة سعرها المفروض تبقي في حدود ال80 الي 90 الف.. ومتعديش ال100 بس هنقزول ايه بقي.. السوق المصري غريب وكل حاجة بتغلي مع انخفاض يعر الدولار و الاسعار العالمية..

اسف جدا علي الاطالة و اتمني اني اكون عرفت اوصف تجربتي كويس..