ما هو أفضل كاوتش 14 في السوق!

[NaderNabil]

العربية عندي محتاجة 4 كاوتشات جديدة...و اللي راكبين فيها Maxis...بس مشكلته انه بيتمسح زي الأستيكة و مزعج جدا علي الطريق و بيدبدب!

ترشحولي ايه افضل كاوتش في المقاس ده...اللي أنا محتاجه حاجة طرية و هادئة و في نفس الوقت ثبات و تماسك علي الأرض

مع العلم ان مقاس الكاوتش عندي بالظبط: 185/60 R14

و ياريت كمان لو فيه أسعار :)

ألف شكر

[Tamer_Merit]

العربية عندي محتاجة 4 كاوتشات جديدة...و اللي راكبين فيها Maxis...بس مشكلته انه بيتمسح زي الأستيكة و مزعج جدا علي الطريق و بيدبدب!

ترشحولي ايه افضل كاوتش في المقاس ده...اللي أنا محتاجه حاجة طرية و هادئة و في نفس الوقت ثبات و تماسك علي الأرض

مع العلم ان مقاس الكاوتش عندي بالظبط: 185/60 R14

و ياريت كمان لو فيه أسعار :)

ألف شكر

www.egytyres.com

فيه كل اللي انت محتاجه بالصور والاسعار والتوصيل للبيت كمان.... والمقاسات الاصليه لجميع السيارات...بس ماعندهمش غير بيريللي-بريدجستون-جوديير-ميشلان...واحسن ماتخرجش عن الانواع دي.

[bassam nagy]

خليك فى البيريللى راكب فى عربية واحد معانا فى الشغل وبيقول عجلة حلوة انتاج البرازيل

[hfarouk]

ارشحلك الميشلان واشترى دماغك الكاوتش الميشلان بيعمل 000 80 كم وبعدين تغيره يعنى ضعف العمر الافتراضى لاى عجلة تانية مهما كان اسمها وشهرتها

[NaderNabil]

طب ايه رأيكم في النانكانج Nankang

و شوفت امبارح نوع جديد اسمه نيكسا باين او حاجة كده اللي هوه نقشته حلوة بيسموها نقشة الشجرة...لو حد يعرفه يقوللي ايه رأيه فيه.

[paladin]

you mean NEXEN with performance tread very similar to goodyear eagle
good tires not for wet surfaces though

[Dr_Smart]

ماحدش قال حاجه وحشة عن البريدجستون سواء ياباني او اندونيسي

[NaderNabil]

you mean NEXEN with performance tread very similar to goodyear eagle
good tires not for wet surfaces though

thank u paladin;

this is the tyre i meant

what do u think about its softness, and Grip

Do u reccomend it at the end of the day?

[NaderNabil]

ماحدش قال حاجه وحشة عن البريدجستون سواء ياباني او اندونيسي

Thanks Dr_Smart.

Any one know prices ?

[paladin]

no it is not good for comfort but excellent grip on DRY roads
if you want the best of both worlds get michelin
if you dont have enough money get hankook (very good)

[NaderNabil]

Every single dealer tells me Hankook is crap now, even if he has it or sell it for higher price than tyres, I never used anything but hankook in my previous car and it was excellent, but im suspisious about it now.

do u know what is the price of the michellin?

[paladin]

last year it was about 310LE for each i dont know how much now but will be in the same range

[ahmed1981]

المسألة مستعد تدفع كام
لو مفيش مشاكل في الفلوس يبقى بريدجستون ياباني يليه الجوديير والكونتينينتال والميشلان وإن كنت أكرهه (كنت بركبه للبيجو وكان مقرف)

لو عايزين ننزل بالسعر شوية يبقى عليك بالكوري زي الأرورا والهانكوك
أو بالأندونيسي زي ال Gt

أنا قريب بإذن الله ناوي على جوز 195/50/14 كوري ماركة أرورا أو هانكوك

[Dr_Smart]

على فكرة البريدجستون سعره مايفرقش كتير عن الهانكوك

انا اشتريت فردتين هانكوك 13/175 ب 220 للفردة والبريدجستون الياباني كان ب 280

[dragonsmith]

ترشحولي ايه افضل كاوتش في المقاس ده...اللي أنا محتاجه حاجة طرية و هادئة و في نفس الوقت ثبات و تماسك علي الأرض

مع العلم ان مقاس الكاوتش عندي بالظبط: 185/60 R14

السلام عليكم،

أنا الاسبوع اللي فات لفيت مدينة نصر و شارع أحمد سعيد على كاوتش 185/60 R14. اللي لاقيته:

1) اللي مالي السوق الكومو (Kumho) الكوري و ده سعره ما بين 260 للفردة و 275 حسب المحل. نقشة عادية جدا، مش طري و مش محمل قوي. فردة عادية و صوتها هيكون عالي حاجة بسيطة.

2) الهانكوك كوري برضه و أغلى 10 أو 15 جنيه من الكومو بس ناشف. صوته أكيد عالي و هيبقى مش مريح قوي مع شوارعنا الجميلة.

3) البريدجستون فيه منه نقشتين. GR و دي Super Silent. فردة طرية نوعا ما و أكيد هادية. ياباني و سعرها في حدود 460.
MY-01 فردة طرية جدا و محملة كويس و نقشتها رياضية. اندونيسي. ماسكة في الأرض حلو قوي (أنا مجربها قبل كده). صوتها معقول قوي. سعرها 350 جنيه. مش موجود المقاس ده منها غير في التوكيل (Fit & Fix) في كالتكس عباس العقاد.

4) البيريللي P6000 في منها برازيلي و تركي. مهتمتش أعرف اسعارها عشان ادائها زفت. ناشفة قوي و مش ماسكة في الأرض كويس. عانيت منها عشان كانو نازلين في العربية و الحمد لله انهم معمروش. 3 فرد من ال 5 ماتو على 35 ألف كيلو :D

5) ميشلان مش فاكر الموديل بصراحة. كانت طرية و شكلها محترم جدا بس السعر 420.

6) كونتيننتال كان في محل واحد بس. فردة عادية جدا و سعرها كان فوق ال 400 غالبا عشان الاسم بس.

7) جوديير و ده اللي ركبته. فردة متوسطة الطراوة و نقشتها معقولة مش هتبقى تحفة في المطر. ميزتها بقى انها محملة قوي و ماسكة في الأرض جدا و سعرها 305.

أنا أرشح لحضرتك البريدجستون MY-01 أو الجوديير .
تحت أمركم في أي استفسار.
شكرا.