انقذوا اعصابي من الياريس يا جماعه

**dr.amr** · 28-03-2008 01:51 AM

والله يا جماعه انا حزين جدا
تصوروا انا كل شويه يطلعي مشكله في الياريس وهي لسه 10 الاف كيلو
اخر مشكله طقطقه مع الفرمله
انا ماشي بالعربيه ولما ادوس فرامل تطقطق
ده غير انها جه عليها فتره بتعلق فالدواره
والموتور مش مظبوط
والعجله اليمين فيها صفاره مع الفرامل
والله انا هكاد افقد اعصابي
حتي عصاية الفتيس فيها صفاره مع النقل
انا حظي وحش جدا في العربيات!!!!!!!
لاحوا ولاقوة الابالله
استغفر الله العظيم

**Chicco** · 28-03-2008 02:00 AM

هون عليك يا أخي الفاضل العربية أي عربية من صنع انسان و عرضة لوجود عيوب تصنيع ....حتى المرسيدس و البي إم
عليك بالتوكيل..... ١٠٠٠٠ كيلو يعني لسة في الضمان و إن شاء الله كل حاجة تتزبط

**SEATLOVER** · 28-03-2008 02:52 AM

ياDr.amr براحة كدة وكل حاجة تتحل ان شاء الله مفيش حاجة فى الدنيا خالية من المشاكل .. روح التوكيل و قلهم على المشاكل دى بس اختار مشكلة واحد او اتنين يكونوا ظاهرين فيها اوى من المشاكل دى ..عشان ماتشتتش اللى هايشتغل فى العربية ..و تتطلع بيها بدون المشكلة إن شاء الله
ربنا معاك

**hazem_khidr** · 28-03-2008 05:53 AM

كل مشكله و ليها حل ما تقلقش.
الحكايه كلها ان حتلاقي تيل الفرامل عندك خلص و موضوع الصفره اللي في العصايا دي خليهم يكشفوا علي الديسك و الاسطوانه لان في عربيات يريس نزل فيها العيب دا و اتعالج في التوكيل

**معاذ الشرباصى** · 28-03-2008 05:55 AM

الصفارة مع الفرامل دى موجودة عند محمد ايهاب ابن خالتى, عربية مو 2006, و لغاية دلوقت متحلتش

لدرجة انه زهق من الموضوع ده, و اتعود عليه

**elayat** · 28-03-2008 06:24 AM

كل إللى أنت قلته سهل جداً ويتحل فى التوكيل بس زى ما قال الأخSEATLOVER ياريت لو تختار أكبر مشكلتين مدايق منهم وتقول عليهم لأن كثرة الكتابة فى أمر الشغل بيشتت الفنيين والمهنديسن وباقى مشاكلك حلها وحده وحده وخليك تقيل(عن تجربة فى مراكز هيونداى)بس مجربتس تويوتا للأمانة

**محمد ابراهيم 1** · 30-03-2008 01:28 AM

هى أكيد مشاكل بسيطه بإذن الله
ومتزعلش كده
بس واحده واحده وكل شىء يتحل
بس زى الأخوه الأفاضل ما قالوا
تختار أكبر مشكلتين مدايق منهم وتقول عليهم لأن كثرة الكتابة فى أمر الشغل بيشتت الفنيين والمهنديسن وباقى مشاكلك حلها وحده وحده وخليك تقيل