** ريـــــنو / داتشيـــا لوجـــان الجديـــدة **

[Sharky]

السلام عليكم دى صور اللوجان دى كانت المفروض تنزل لمصر من فترةفى حدود 55.000 جم لإنها حتيجى من مصنع رينو فى المغرب بس لسه مستنين المغرب تمضى على إتفاقيةالتجارة العربية علشان تخش من غير جمارك و تتباع بالسعر دا لإنها لو جت من رومانيا حتوصل 80.000 جم (بناءا على كلام الوكيل)

[fahd_628]

شكرا على الصور و المعلومات و سعرها حيبقى حلو اوى اوى لو اتباعت ب 60

بس هية كام سى سى ؟

[Sharky]

السلام عليكم

بينزل منها موتورين:
1- 1400 سىسى
2- 1600 سىسى

[أبو عبدالله]

لأ هو حضرتك كلامك مظبوط ولكن موضوع السعر مش علشان المكان المصنع فيه العربيه ولكن العربيه اللي في رومانيا 1600 سي سي 16 صباب مش فاكر بالظبط ولكن 100 وشويه حصان
ولكن العربيه اللي نزله هنا 1600 سي سي 8 صباب فقط زي الكليو برضه 85 حصان وده طبعا قليل جدا وهتلاقي العربيه سحبها ضعيف جدا والشكل اللي في الصورة مختلف شويه عن اللي نزلت هنا وبصراحه العربيه شكلها مش قد كده ولكن انا أشجعها على الأقل أحسن من الصيني وهوا نفس السعر ونفس اداء الماتور حيث ان الأسبرنزا 1600 سي سي 80حصان وعلشان كده العربيه تقيله وعمرها ما تسحب على الجسم بتاعها بماتور زي ده ....

[Sharky]

لأ هو حضرتك كلامك مظبوط ولكن موضوع السعر مش علشان المكان المصنع فيه العربيه ولكن العربيه اللي في رومانيا 1600 سي سي 16 صباب مش فاكر بالظبط ولكن 100 وشويه حصان
ولكن العربيه اللي نزله هنا 1600 سي سي 8 صباب فقط زي الكليو برضه 85 حصان وده طبعا قليل جدا وهتلاقي العربيه سحبها ضعيف جدا والشكل اللي في الصورة مختلف شويه عن اللي نزلت هنا وبصراحه العربيه شكلها مش قد كده ولكن انا أشجعها على الأقل أحسن من الصيني وهوا نفس السعر ونفس اداء الماتور حيث ان الأسبرنزا 1600 سي سي 80حصان وعلشان كده العربيه تقيله وعمرها ما تسحب على الجسم بتاعها بماتور زي ده ....

السلام عليكم

أستاذ عبدالله أنا كنت جايب المعلومات دى من التوكيل من حوالى 3 أو 4 شهور و كانوا قايلين إنها حتنزل بموتور ميجان الشكل القديم موديل 99 و السعر دا

حينزلوه بناءا على إمضاء المغرب لإتفاقية التجارة الحرة علشان تخش من غير جمارك لكن ممكن يكونوا غيروا نظامها لما نزلت فى معرض أتوماك و قرروا

ينزلوها زى ما إنت قولت كده

[Sharky]

السلام عليكم

أستاذ عبدالله إنت متوقع تنزل بكام ؟؟؟

و حتعمل مبيعات فى مصر ولا لأ ؟؟؟

[amrnader]

العربية شبه الكليو على صغير، فالمفروض سعرها ميتعداش سعر الكليو بأى حال من الاحوال، يعنى الكليو الفول اوبشنز ب 74 يبقى دية اقل من كدة حبتين و استحالة توصل ل 90 الف (كدة يبقوا بيهرجوا)، العربية اصلا كانت مشروع يهدف لتصنيع ارخص عربية تحت ال 5000 يورو. فمهياش عربية فحمة اساسا و لا اى حاجة، عربية موجهة للدول الفقيرة، فلازم سعرها يكون فقران شبها والا مش هتتباع من اصله.

و على فكرة، العربية كانت متوقع من زمااااااان انها تنزل فى حدود ال 40 الف فقط عشان اتفاقية مش عارف ايه بين الدول العربية ومنها المغرب التى تصنع اللوجان، وده اللى كان مخلى الناس تستنيها، بعدين قالوا 60 الف، و بعدين الظاهر انهم ناموا، تصبحوا على خير.

[TAG_Turbo0]

لو ب60 ألف أكيد هتكتسح السوق

[evilwizard]

حيث ان الأسبرنزا 1600 سي سي 80حصان وعلشان كده العربيه تقيله وعمرها ما تسحب على الجسم بتاعها بماتور زي ده ....

يا راجل حرام عليك
الاسبرانزا 1600 سي سي و 108 حصان
انا مش عارف انت جبت 80 حصان دي منين

محمد ناجى

[Abo_Lina]

اعتقد 60000 يجعلها منافس شرس في هذه الفئة السعرية من السيارات

ولو عربية بالحجم دة بمحرك الميجان القديم(1.6 110 HP)فسنرى سيارة قوية جدا!!

عموما نسمع عن هذه السيارة منذ 5 سنوات واكثر بدون حدوث جديد

[Sharky]

دى صور الإستشن المتوقع إنها تنزل مصر فى أخر 2007

متوقع إنها تنزل بـ 105.000 جم

[Nader]

شكلها وحش اوي وغير متناسق، السيدان احلى بكتير.

[edfeeoc]

العربية دى زبالة من رومانيا ما بالك بقى من المغرب انا شفتها فى الاسماعيلية واحد جايبها من برة ( ابن واحد واصل ) وكنت معجب بيها لما قرأت عنها من حوالى سنة تقريبا الصور جميلة جدا بس لما شفتها على الحقيقة وشفت المواد المصنعة منها خصوصا الحجات البلاستيك كانت زى الزفت والعربية بجد منظر ولما تنزل هتشوفها وهتعرفو انى كنت على حق

[Hossam_Hassan]

العربية دى زبالة من رومانيا ما بالك بقى من المغرب انا شفتها فى الاسماعيلية واحد جايبها من برة ( ابن واحد واصل ) وكنت معجب بيها لما قرأت عنها من حوالى سنة تقريبا الصور جميلة جدا بس لما شفتها على الحقيقة وشفت المواد المصنعة منها خصوصا الحجات البلاستيك كانت زى الزفت والعربية بجد منظر ولما تنزل هتشوفها وهتعرفو انى كنت على حق

ولاد الواصلين ميركبوش دى، الحاجات دى لينا احنا

[SuMo]

not a bad car
bs this car lltaba2a el-mo3dama