لا يــوجد قطـــع غيــار للبيــجو روا الإيــرانى فى التوكيــــل

[adel_edrees]

الرحمة من الوكيل فـالمانيوال أيرانى و بعدين الشئ الغريب اللى حضرتك تكتشفه أن الموقع بتاع الشركة فيه لغتين أيرانى و أنجليزى كل ما تيجى تخش على السيارة بيجو روا و عندما تختار اللغة أنجليزى يظهر خطا فى الموقع و بالتالى لا تستطيع الحصول على معلومات عن هذه السيارة هذا أولا و ثانيا السيارة محركها ليس فرنسى و لا يمت للبيجو من قريب أوبعيد لأن هناك سيارة أسمها بيكان تم تطوير محركها فى أنجلترا فى شركة هيلمان الأنجليزية و جهاز الأنجشكن مصنوع فى سيمنز الألمانية و التوكيل سئ للغاية حضرتك جربت تشترى سيارة و بعدين تكتشف أن هذه السيارة الموجود منها 2000 سيارة لا يوجد لها قطع غيار و الا حتى شبه لها يعنى حاجة تمشى عليها و بعدين شركة خوردو اللى مصنعة العربية بتنتج عربية تانية أسمها بيجو 405 1800سى سى جر أمامى و السيارة أسمها بيجو 405 glx هى دى البيجو اللى على أصولها أما البيجو روا فهى ليست البيجو 405 المتوفرة لدنا قطع غيارها و كان يجب على الوكيل ألا يقوم بتوريد هذه السيارة يعنى لو العربية حصل فيها حاجة لاقدر الله حأقف جانبها و أصقف هذه السيارة لا تمت لبيجو بصلة من قريب أو بعيد ألا فى الشاسيه الخارجى و هذا موجود فى البورشور الموجود فى موقع الشركة الأيرانى حيث يؤكد أن السيارة روا و أكرر روا مش بيجو 405 روا تتمتع بنفس الشكل الخارجى لبيجو 405 العربية سحيها كويس رغم أن موتورها 82 حصان بس وبعدين السيارة ليس لها قطع غيار و لكن دى الحقيقة مرفق البورشور بتاع الروا و البيجو 405 glx علشان حضرتكم تشوفوا الفرق و على فكرة كان المفروض أحترام لأدمية اللى أشترى السيارة دى
أنه كان يتفال له الكلام ده أن السيارة محركها مش بيجو و ألات الجر بها مش بيجو و أن السيارة لا تتمتع ألا بجسم بيجو الخارجى فقط

فيه فى القانون المدنى حاجه اسمها الالتزامات المفترضه بين المتعاقدين وبإختصار شديد ده معناه ان فيه التزامات بتكون بديهيه بحيث لا يجب النص عليها وتسرى عليها كافه احكام القانون المدنى
معناه ايه الكلام ده
معناه ان فيه التزام قانونى (حتى بدون النص عليه ) من الوكيل بتوفير كافه قطع الغيار اللازمه للسيارهفى الفتره المناسبه لعمر السياره ويرجع فى تحيح ذلك للعرف
بمعنى أن العرف فى تجاره السيارات يقتضى قيام الوكيل بتوفير قطع الغيار لفتره 15 سنه مثلا يبقى فيه التزام قانونى على الوكيل بتوفير قطع الغيار خلال هذه الفتره
من الآخر ارفعوا قضايا على الوكيل وافضحوه فى الجرايد وعلى النت
وحتلاقى نتائج كويسه ان شاء الله

[Ahmed Anwer]

بخصوص الإلتزام بالصيانة و قطع الغيار ،،

فده حقك مية في المية ،،

و لكن بخصوص الخداع ،،

فاختلف معاك عن تجربة ،،

لأني كنت حاطط العربية من ضمن اختياراتي ،،

و لما سألت عليها في توكيل وجيه اباظة ،،

البائع قاللي صراحة إن العربية و الموتور علي الأخص ايراني بالكامل ،،

يعني مكنش فيه اي نوع من الخداع ،،

[adel_edrees]

قاللك أن الموتور أيرانى طيب ماهو قاللى أنا كمان أن الموتور أيرانى بس ما قليش أن الموتور و ألات الجر و العفشة أيرانى و بعدين طلعت أيرانى بجد يعنى ممكن الشركة الفرنسية تدى تصميم الموتور للشركة الأيرانية و يبقى الموتور أيرانى و لكن بتصميم فرنسى لأنها بتحمل أسم بيجو فى الأخر يعنى مثلا السيارة المحترمة شاهين موتورها متصنع فى تركيا لكن هو فى الأصل موتور التمبرا الأيطالى ده اللى أنا فهمته لما قاللى كده و على فكرة أنا سألته أكتر من مرة على الموضوع ده و أكد لى ماسبق أن فهمته و بعدين ازاى بيجو تحط أسمها على عربية هى مش عامله فيها حاجة ألا البودى الخارجى فقط دى حاجة الحاجة التانية أنتوا بتقولوا أن العربية المفروض الوكيل يضمن لها قطع الغيار أنا حأحكى لكوا على حكاية ظريفة موت العربية السير بتاع الدينامو أتقطع و باعت للتوكيل جت عربية التوكيل و غيرت السير و هى عاملة كام مش حتصدقوا 3000 كيلو أى والله أمال العربية لما تعمل 300000 كيلو أغير أيه أن شاء الله!!!!!!

قاللك أن الموتور أيرانى طيب ماهو قاللى أنا كمان أن الموتور أيرانى بس ما قليش أن الموتور و ألات الجر و العفشة أيرانى و بعدين طلعت أيرانى بجد يعنى ممكن الشركة الفرنسية تدى تصميم الموتور للشركة الأيرانية و يبقى الموتور أيرانى و لكن بتصميم فرنسى لأنها بتحمل أسم بيجو فى الأخر يعنى مثلا السيارة المحترمة شاهين موتورها متصنع فى تركيا لكن هو فى الأصل موتور التمبرا الأيطالى ده اللى أنا فهمته لما قاللى كده و على فكرة أنا سألته أكتر من مرة على الموضوع ده و أكد لى ماسبق أن فهمته و بعدين ازاى بيجو تحط أسمها على عربية هى مش عامله فيها حاجة ألا البودى الخارجى فقط دى حاجة الحاجة التانية أنتوا بتقولوا أن العربية المفروض الوكيل يضمن لها قطع الغيار أنا حأحكى لكوا على حكاية ظريفة موت العربية السير بتاع الدينامو أتقطع و باعت للتوكيل جت عربية التوكيل و غيرت السير و هى عاملة كام مش حتصدقوا 3000 كيلو أى والله أمال العربية لما تعمل 300000 كيلو أغير أيه أن شاء الله!!!!!!

مش عارف و الله اقول لحضرتك ايه

عموما احنا متفقين ان التوكيل مخدعش حد حتي طبقا لكلامك

و عموما توقع خير تجد خير انشاءالله

و حكاية سير الدينامو دي ممكن تكون عيب من عيوب تجميع الدول النامية

مش شرط عيب خامات

[waleedabbas]

فعلا توكيل وجيه اباظة سئ جدا جدا وضيع بيجو فى مصر
لكن العربية الروا مش وحشة كده
وبالنسبة لسير الدينامو المشكلة دى كانت فى الدفعات الاولى ال اتسلمت وكان نازل فيها سير صنع فى الصين وانا نفسى علقت عليه وانا بستلم العربية
لكن هما المفروض بيغيروا السير ده اول ما بتروح فى صيانة الالف وكان المفروض يتغير فى ال pdi بس بسبب الاستعجال فى تسليم الدفعات الاولى ماكانوش بيغيروه وتغيره اول ماتروح تعمل صيانة الالف معرفش ازاى حضرتك ماغيرتوش لغاية 3000
انا غيرته بواحد انجليزى وماشى بقاله 10000 اهو مش 3000
لكن برضه انا مصر ان توكيل وجيه اباظة سئ جدا وفاشل فى الصيانة احسنلك بلاش تروح التوكيل بعد فترة الضمان

[volkeswagin]

انا ملاحظ ان الناس كلها مش طايقه التوكيلات
يعنى انتوا اهوه بتقولوا توكيل بيجو سئ
تكلم حد راكب بى ام يقول بفاريا زباله وحرميه
تكلم حد راكب فولكس يقولك اتموتيف ده معفن وزباله واسوء توكيل
تقول غبور يقولك ده ازبل من الزباله
متسوبيشى يقولوا مفيش اسوء من كده

طيب يا جماعه فين التوكيل الكويس؟
ولا البلد اتعودت على السرقه واللى يلحق يسرق ويبقى حدق ويتباها انه لحق يسرق من اللى ادامه
حرام البلد رايحه لفين يجماعه؟؟؟؟؟؟؟

وازاى يلغى العربيات القديمه اللى الناس الغلابه الصنيعيه فهمين فيهم؟
والتوكيلات بالشكل ده ولا هى مصالح ناس؟

[grgabra]

نسيت تقول منصور شيفروليه زبالتين

[dragonsmith]

طيب يا جماعه فين التوكيل الكويس؟

توكيل رينو :)

[Migo123]

توكيل دايهاتسو ممتاز