عضــة فى مارشيديــر فتيــس بيـــجو روا الإيـــرانى

[taktook]

انا أعتبرها عضة فى المارشيدير واضحة جدا حيث انها لاتعشق اصلا ولابد أن أدوس الديبرياج مرتين(دبل)وقلما تعشق من أول مرةوأيضا فى الأول والثانى بس على خفيف وهذا من لحظة استلامها من توكيل مرغم فى الاسكندرية وكان ردهم غير أمين للأسف حيث قالوا لى ليست عضة ولكن بس علشان الفتيس بتاعها تقيل شوية وهتختفى بعد التللين والاستعمال ولم يحدث هذا وشئ مقرف جدا انك تدوس كل مارشيدير دبل دبرياج وفى مرغم رفعوا لى الديبرياج لأعلىبصورة مبالغ فيها علشان يحسنوا العضة وهي فعلا نعم اتحسنت ولكن لم تختفى وفى نفس الوقت لم أستطيع تحمل شعلقة القدم على الديبرياج المرتفع جدا وقلت لهم لماذا اتحمل هذا القرف فى عربية على الزيرو هذا من ناحية ومن ناحية أخرى أخاف على التروس من تكرار الأحتكاك وسمعت من البعض ان هذا ممكن يكون من الركنة فى ايران والحل تغيير الديبرياج وطبعا زهقت وقرفت منهم فى مرغم حيث رفضوا تماما تغييره حتى على حسابى علشان العربية زى الفل ومفيها ش حاجة!!!؟ فذهبت لفرع رشدى وطلبت منهميرجعوا الديبرياج زى مكان ورجعوه زى مكان ولكن رفضوا ايضا تغيير الديبرياج وطبعا اللى فهمته بعد كل تضييع الوقت دة انهم لايستطيعوا فتح السيارة ولم يمر عليها الا ستة أشهر امام كل هذا الزحام فى التوكيل وتصبح سمعة سيئة للعربية. فكرت بعد ذلك أذهب بها للميكانيكى بتاعى اللى قال لى هاخلليلك الديبرياج زى الملبن ولكن بصراحة مع انى أعرفه خفت أحسن يلعب فيها وخصوصا أنى سمعت من بعض المهندسين أنها من الداخل مختلفة عن الفرنساوى وأن الميكانيكيةعموما نفسهم يفكوها ويعرفوها من الداخل وانى سأندم كثيرا اذا فتحتها خارج التوكيل. أرجججججججججججججججججوا النصيحةالعاجلة وحسبى الله فى التوكيل وأصحابه.

[محمد ابراهيم 1]

يا باشا هى مش كيميا الموضوع ده سهل جدا ومش حتندم ولا حاجه لو فتحتها بره التوكيل لأن التوكيل أصلا مش كويسين
المهم يكون الميكانيكى كويس

[Ahmed Anwer]

يا باشا هى مش كيميا الموضوع ده سهل جدا ومش حتندم ولا حاجه لو فتحتها بره التوكيل لأن التوكيل أصلا مش كويسين
المهم يكون الميكانيكى كويس

أنا اختلف معاك يا أ / محمد ،،،

يروح لميكانيكي ليه ؟؟؟

عليه و علي التوكيل هوا دافع فلوس مش ورق جرايد

ليه يدفع فلوس زيادة و هوا دافع تمن ضمان

و الميكانيكي مش مضمون و خاصة لو عربية مش متجربة في مصر

انصحك تشتكي في وجيه اباظة الرئيسي في القاهرة و تشوف هيقولولك ايه

[taktook]

لكم جزيل الشكر باشمهندس محمد ابراهيم وباشمهندس أحمد أنور للرد ومعلش عايز أسأل ماهى احتمالات اسباب هذا العيب الأخرى غير الديبرياج مبدئيا علشان لما أذهب للتوكيل او خارجه أعرف هم ناوينللى على ايه حيث انى طبيب و معلوماتى عن ميكانيكا السيارات زى أى واحد عنده عربية وليس متخصص وهذه أول مرة أعرف ان ممكن تكون فيه عضة فى عربية على الزيرو!!!!!؟؟؟

[FLYINGPEUGEOT]

اولا حسبى الله ونعم الوكيل فى التوكيلاااااات
ثانيا:العيب دا عيب دبرياج ثم دبرياج ثم دبرياج
وساعت بيكون العيب من الفورش
وساعات بيكون من واير الدبرياج
.........................
ثالثا:سيبك بءه من هجص التوكيل والمهندسين دول بالنسبه للموتور
كل دا كلام فارغ عشان يحسسو الناس انهم عملو اللى مايتعملش
الموتور اللى فيها فرنساوى اصيييييييييييييييييييييييل
ودا الكود بتاعو كمان عشان ماتزعلش Psatu5 ;);)
والموتور دا ياما نزل فى عربيات بيجو وستروين
انا عن نفسى ممكن افكهولك 100 حته واجمعو تانى وانا مغمض عينى :D:D
...........

[FLYINGPEUGEOT]

يا باشا هى مش كيميا الموضوع ده سهل جدا ومش حتندم ولا حاجه لو فتحتها بره التوكيل
المهم يكون الميكانيكى كويس

+1111
بس طول ماهى فى الضمان اعمللهم قتيل

[FLYINGPEUGEOT]

بالنسبه للموتور انا اسف...اختلط عليا الامر...الPSATU5...دا بتاع البارس
اما الروا....HILLMAN

[taktook]

حقيقة عضة المارشيدير فى البيجو الايرانى رؤا

بعد كتابة هذه المشكلة لم أجد أمامى الا المحاولة مرة اخرى فى التوكيل و الحمد لله اللى شاف العربية م.وليد مدير الورشة بمرغم وهو متفاهم جدا واهتم وطبعا استغرب الشكوى فقام بقيادة السيارة حول التوكيل ولم تحدث معه هذه العضة فقمت أنا بقيادة السيارة ووقفت بها وجيت أجيب مارشيدرعدة مرات ولم تحدث ايضا معى فطبعا اتغظت وقلت له انها ليست مستمرة ولكن متكررةوبقيت فى حرج وحيرة وهو ايضا المهم فى العودة حاولت مرة اخرىوالحمد لله الفتيس لم يعشق وبقول الحمد لله طبعا مش علشان طلعتلهم عيب فى العربية لكن علشان اعرف ايه المشكلة وحلها فقال لى السبب ببساطة لما حدث انى برغم توقفى قبل ماجيب المارشيديرالا ان العربية لم تتوقف تماما لوجود بعض الميل فى الارض وفسر لى علىقد مافاهمت ان فى الجر الخلفى بالذات لازم تكون السيارة مستقرة تماما علشان اللاتشات(غير متاكد من الاسم لانى غير متخصص)المهم انها الحاجة اللى بتوصل الحركة من الكورونا فى الخلف للجير بوكس طويلة جدا مقارنة بالجر الامامى حيث الكورونا فى الامام قريبا من البوكس وبسبب هذا الطول لاتاخذ وضعها الصحيح الا عند استقرار السيارة معلش شرحى ركيك ولكن اعتقد ان المتخصصين او هواة ميكانيكا السيارات فهموا ماذا أقصد المهم بعد كل هذا القلق لم تحدث هذه العضة اطلاقا حيث اتبعت نصيحته ماجبش مارشيدير الا بعد ان تستقر السيارة تماما او اظل على الفرامل حتى اجيب مارشيدير هذا احقاقا للحق و معزرة للاطالة مع خالص تحياتى0:)

[mecho]

100 100 و افادكم الله

[mohabibrahim]

الله ينور عليك يا سيدى انا كمان جبت روا من 4 شهور والمارشيدير بيعض والأول صعب شوية والتانى اكتر بس حاجرب انها تستقر تماما قبل المارشيدير وبرضه استعمل الفرامل وعلى فكره الموتور انجليزى يا جماعة مش فرنساوى وصوته عالى شويتين هل فيه علاج ليه وشكرا؟

[wael_elgamal]

صباح الفل على الكل

يا جماعه لو حد عاوز يصلح ايى بيجو 405 أو Roa مفيش احسن من ايهاب الدكتور

انا عندى بيجو 405مو 96 و قبلها 88 و 92 و 94 من الاخر انا ركيب العريبه دى لانها اقوى و اامن عربيه على قد فلوسى........

بس حقيقى ايهاب ده الوحيد اللى عرف يمشى العربيات دى (بمعنى انك مش هاتشيل مشكله قطع الغيار) عنده كل حاجه و باسعار رخيصه جدا........
الفتيس انا غيرته مره 700ج و الفوانيس 125ج (الاصلى طبعا) و على فكره 2لمبه.

و فى الجديد مفيش غير رضا عشماوى الاسعار رخيصه فعلا.....................

[Nour_Peugeot]

رضا عشماوي ده الفي شارع بورسعيد

[SaLM!Na]

انا عندي سؤال زكي حبتين
هوا يعني ايه عضه في المارش؟

[Nour_Peugeot]

يعني لما حضرتك تيجي تجيبي مرشيدير يعلق شوية و ميرداش يجي لازم تدوسي دوسه تانيه علشان يجي

[KINGALF]

ممكن سؤال للأخوه الافاضل
معى الرؤا من 2007 وعامله 30 الف كم و اريد ان استفسر عن زيت الكرونه حيث لم اقوم بتغييره من قبل؟
فهل يتم تغيير زيت الكرونه بالكامل ام يتم تزويده فقط و كل كام كيلو متر؟
وما هى النوعيه ودرجه اللزوجه الافضل للتغيير
برجاء الاجابه بسرعه