مــا هــو الحـل فى ظهــور بقع بيضاء على السقف و الكبوت والشنطة - نيســان صنى 2008

[youssef_sallam]

كنت عايز اخد رأيكم فى مشكلة ظهرت عندي فى دهان العربية نيسان صنى 2008
انا اشتريت العربية فى شهر 11\2007 موديل 2008 و لونها فضي و بعد شهرين لقيت بقع بيضاء على السقف و الكبوت والشنطة عاملة زي ما تكون ما رشيتش عربيتك من 20 سنة او زي ما يكون عندها بهاق ( ربنا يشفيها )
روحت مركز الصيانة يونايتد جروب و المهندس هناك استغرب جدا من شكل العربية و راح مكلم مسئول الضمان فى المصنع و جت بعدها بأسبوع لجنة من مهندسين فى الضمان و الدهان و قعدوا يصورا العربية و قالولي تفسير انا عايز اخد رأيكم فية : قالوا ان البقع دية سببها الرطوبة و الورق الأبيض بتاع الفابريكة انا مشيت بية كتير ( مع العلم انني مستلم العربية من غير الورق ده ) و قولتلهم كده .( انتو شايفين الكلام ده منطقى ؟؟)
المهم اتفقوا معايا على معاد اوديلهم العربية المصنع فى 6 اكتوبر علشان يسخنوا العربية علشان البقع تختفى .
و ديت العربية و روحت تاني يوم استلمتها بصرراحة ناس محترمين جدا و زوق بس فين رضائي عن عربيتى و عن جودتها
بس الحمد للة استلمت العربية و انا سعيد علشان البقع راحت
بس الفرحة ما تمت و بعد 4 ايام لقيت البقع رجعت تاني فكلمتهم و الناس ابدوا إهتمام و ووديت العربية تاني و المرة دية كان موقفى مختلف تماما عرضوا عليا عدد من الحلول :
1 - نعمل العربية تاني بنفس الطريقة ( و طبعا رفضت )
2 - نغير الكبوت و الشنطة و نسخن السقف بس ( طبعا طبعا رفضت )

و انا طالبت بإسترداد قيمة العربية او الإستبدال
لقيت ان طلبي ده من سابع المستحيلات و قولتلهم انا ما ليش ذنب فى كل ده انا بحب اشتري عربية زيروا علشان راحت البال و الميكانيكية مش علشان كل شوية اروح اسخن فيها و الله اعلم السخونية دية بتأثر على الكاوتش او الأجزاء البلاستيكية او دفيرة الكهرباء او خراطيم البنزين

معلش طولت عليكم بس لو حد يقدر يفيدنى او يقوللى اعمل اية
انا بجد مستاء جدا و لو حد فيكم مكاني يعمل اية
انا ححاول احط صور للعربية
الحمد للة

................................
تم دمج الموضوعين فى موضوع واحد
الإدارة - 3

[إسلام شاهين]

طبعا ديه حاجه غريبة جدا وربنا يصبرك ويكون في عونك

لو عن نفسي شاري عربية زيرو معديه مبلغ وقدره ومكملتش 4 شهور ويحصل كده هقوم رايح التوكيل وعامل !@#$#!@$#$@#%@#$%^$!@#%^#$%^ وقايل #!@$#$%@#%$#%$% وبس .
وآخد واحده غيرها وأنا واقف ( خلي بالك وأنا واقف ) يا إما !@$@%^#$%!@#$#!@$!@#!#!@#$!$!

[ابو سيف]

بجد ربنا يكون في عونك الواحد بتتغير فرحته بالعربيه الجديد الى حزن و قرف من العربيه بيكون شعور وحش جدا جدا الله المسعان
انا رأي انك متسيبهومش طبعا و متسيبش حقك و بعدين موضوع تغيير الشنطه و الكبوت دة اظنه مش هيكون حل كويس لأن تسخين السقف مش هوا الحل بتاع السقف يعني هيحلوا الشنطه و الكبوت طيب و السقف؟؟؟
انا رأي انك تستخدم سياسه الصوت العالي و تبدا في الهجوم عليهم عن طريق جهاز حمايه المستهلك
و ربنا يكون في عونك بجد

[yahyanaabil]

انا لو مكانك مش حتنازل عن عربيه تانيه طبعا وممكن تشتكيهم لجهاز حمايه المستهلك بس مره واحد قالى ان لو الغطا بتاع العربيه الوتر بروف لو نزل عليه شتا وبعد كده الشمس جت عليه لفتره طويله ممكن تعمل البقع ديه بس أنا مش واثق أوى فى الكلام ده

[Ghamrawy]

جهاز حماية المستهلك هو الحل

[ahmed azab]

لا ده عيب صناعة

[youssef_sallam]

يا با شا شعب مصر كلة بيغطي بالووتر بروف و بعدين انا الوحيد اللى معندوش الغطا ده

[ابوشريف]

مشكله غريبه صحيح ان دلت فهى تدل على سؤ الصناعه المصريه

طيب ماتخليهم يعيدوا رشها فى المصنع

[FLYINGPEUGEOT]

على فكره دا عيب فى مواد التصنيع نفسها
انا واحد صحبى عندو عربيه الفا روميو راح رشها وبعد ماطلعت من الفرن بكام ساعه
ظهرت البقه دى باللون الابيض الوردى والعربيه كان لونها احمر
واتضح فى الاخر ان العيب كان من البويه ورحنا جبنه بويه من مكان تانى ورشينا العربيه
وطلعت زى الفل

[youssef_sallam]

ارش ميين يا ابو شريف حرام عليك تجرحنى بالكلمة دية

[ابوشريف]

ارش ميين يا ابو شريف حرام عليك تجرحنى بالكلمة دية

أنا لا أقصد أى تجريح

أقصد أن رش المصنع غير الرش العادى اى انه لايكتشف ان العربيه راشه

وحضرتك قلت انهم بيسخنوها فقلت بدل كده يرشو الأجزاء الباهته فى المصنع ومش هتتعرف انها رشت

ويبقى وجع ساعه ولا كل ساعه وتنسى المشكله دى نهائى

آسف اذا كان كلامى دايقك

بس انا حزين على اللى حصل ده وحاسس بمشكلتك وبفكر معاك فى حل يبرد نارك شويه

[youssef_sallam]

لا ياباشا ربنا ما يجيب مضايقة إحنا بنفكر بصوت العيلة
على قد معلوماتي ان علشان يرش بوية زي الفابريكة يبقى لازم ينزل البوية كلها لحد ما تبقا العربية بالكامل على الصاج و يرش تاني و ساعتها لو حصل اي غلطة فى إزالة الدهان البوية القديمة البوية الجديده حتدمع ( يحصل فيها زي دموع ) بوية على بوية
بس اللى انا معترض علية ان كل ده بعد شهرين من شراء عربية المفترض انها كويسة اومال الصينى و لا الكوري يعمل اية

[ابوشريف]

لا ياباشا ربنا ما يجيب مضايقة إحنا بنفكر بصوت العيلة
على قد معلوماتي ان علشان يرش بوية زي الفابريكة يبقى لازم ينزل البوية كلها لحد ما تبقا العربية بالكامل على الصاج و يرش تاني و ساعتها لو حصل اي غلطة فى إزالة الدهان البوية القديمة البوية الجديده حتدمع ( يحصل فيها زي دموع ) بوية على بوية
بس اللى انا معترض علية ان كل ده بعد شهرين من شراء عربية المفترض انها كويسة اومال الصينى و لا الكوري يعمل اية

أكيد العربيه كويسه لكن المشكله مشكلة تقفيل المصريين وأعتقد ان التقفيل الصينى هيكون افضل من المصرى

مش عارف الصراحه اقول ايه ....كل اللى اقدر اقوله ننتظر ردود باقى الاخوه

[SEATLOVER]

لو سمحتلى افكر معاك شوية و اقولك اقتراحاتى

الاول ..تمشى مع التوكيل (ان دة عيب صناعة ) و تصر على دة شوية .. بس طبعاً بالذوق و بهدوء و تشوف السكة دى هاتودى معاهم على فين .


طبعاً الحل هايكون الرش ..و متقلقاش هاقولك لية .

ثانياً ..لو مالقتش فايدة من السكة الاولى (و اظن دة الاحتمال الاكبر)
المكان اللى حصل فية دة فى مكانيين عندك (الكبوت) و (السقف) تمام
-خليهم يغيرو الكبوت ..بعدين يترش ..و كدة كأنك جبت كبوت جديد (و دى مفيهاش حاجة خالص تقلل من العربية بالعكس انت كسبت كبوت جديد )

-بالنسبة للسقف - ممكن يترش حتة واحدة (اضمن) و البوية مش (هاتدمع ) لأن السقف غير متصل بأجزاء عريضة او كتير دة غير ان على اطرافة (فية مجارى المياة ) هاتمنع (التدميع ) أو اى ملاحظة ان السقف مرشوش .

لو مشيت كدة ممكن كمان تحفظ حقك و تاخد منهم ورقة تثبت انك رشيت السقف و غيرت كبوت فى تاريخة ..نتيجة عيب تصنيع ...دة عشان بيع العربية بعد كدة (دة حقك)

واخيراً افتكر ان بالعيب دة ربنا فداك من حاجة اكبر

ربنا يوفقك .

[zeyad1810]

دى اكيد عيب مصنع ما تتنازلش عن حقك وغير العربية لانك حرام ترش عربية زيرو وخلى بالك الناس فى بلدنا ما بتجديش غير بالعين الحمرا يعنى روح اتخانق وزعق قدام العملاء اللى عندهم كل شوية وافضحهم واشتيكيهم فى النيابة واشتكيهم فى جهاز حكاية المستهلك بس ماتسكتش على حقك دى عربية زيرو حرام تسيب حقك يا راجل دة انا لو شارى موبايل ولاقيت فى عيب فية مش هسكت على حقى والحاجة اللى مش هتيجى بالذوق يبقى وسامحنى فى اللفظ تيجى مع بقلة ادب مع العالم دى