يومياتى فى اسخراج رخصه القياده

[mokhtar]

ازيكم يا شباب عاملين ايه
انا لسؤ حظى كنت قدمت على رخصه القياده من اسبوعين وقالولى امتحانك يوم 5/4 يا حلو ...ماشى ..نيجى 5 /4
رحت امبارح ومن الساعه 10 للساعه 4 يادوب
الحمد لله
نجحنا فى النظرى ..والعملى
وبعدين ...
تعالى بكره يا محترم ((محترم دى من عندى هناك الواحد لا محترم ولا نيله ))
المهم رحت النهارده الساعه 10 وانا ماعرفش المفروض اعمل ايه....محدش بيريح حد ..ولا حد بيخلص ..على اساس بقى ان احنا فاضيين
اسال ده يقولى هناك اسال هناك يقولى مش عارف فين المهم بعد معاناه عرفت انى لازم اجيب ملف ...اوكى
كشك كده مالوش لازمه خارج اداره المرور عليه طابور ولا طابور العيش ..ساعه ..يطلع ان اللى قاللى قالى على المكان الغلط
ساعه تانيه ..لحد ماجبت الملف
طلعت عند اللى بيياخدوا الملف ..موظفه واحده بس وقدامها امه لا الله الا الله وخناق وقرف ومناهده .بعد ساعه وشويه ..تمام
ادتنى اذن دفع انزل ادفعه فى الخزنه....هوووب جرى قبل ما الخزنه تقفل ..مش عارف خزنه ايه اللى تقفل الساعه 1 استعباط وروتين
ماعلينا
رحت الخزنه ..لقيت الست اللى فيها استغفر الله العظيم ضاربه حته بوز....وبتقولى ..مفيش خزنه يابابا بكره وكنت حاسس انها عايزه تاخدنى قلمين
طبعا كده اليوم ضاع ويا عالم بكره هيحصل ايه..ده لسه فيه حوارات كتيييير.والواحد اعصابه تعبت وماعدش له نفس يعمل اي حاجه
والميدتيرم اللى الاسبوع الجاى ...يلا مش مهم ..
ده طبعا غير المعامله والكلام الزباله من اى موظف او امين شرطه
معلش وجعتلكوا دماغكم بس انا كنت مضايق وعايز افضفض

[hamedo0]

يا باشا هي دى بلدنا هو انت مرور ايه

[Hossam_Hassan]

خد نصيحتى و قبل ما تعمل اى اجراء حكومى لازم تسأل و تعرف هتعمل ايه و فين و بكام و مواعيده، على قد ما تحضر، تنجز

[1.8Tee]

حق الشاى و انت تخلص كل حاجة.

[islamnabil]

انا فعلا عرفت دلوقتي قيمة ان الواحد يسكن في المدن الجديدة
راجع موضوعي

مرور مدينة نصر (القاهرة الجديدة) و تجربة رائعة

www.nilemotors.net/Nile/showthread.php?p=218403&posted=1#post218403

ربنا يعينك و يوفقك و تخلص رخصتك على خير

بس صحيح هوا انت مرور ايه ؟

[r0xer]

من كلامك كدا حسيت إنك في مرور شبرا الخيمة :d حيث أن هذه المواصفات تنطبق على كل العاملين هناك " البوز المقريف- الإستعباط- الطوابير..إلخ"


و أشد على كلام الأخوة...خلص موضوع الشاي و القهوة و أنت هتلاقي الحياة حلوة!.

[OlaOsman]

الله يبشرك بالخير.. انا برضه حاملة هم الرخصة جدا.. و ربنا يستر

[Ayman_Abdullah]

على فكرة موظفين المرور دول عاملين إضراب عن العمل طول السنة مش 6/4 بس

[mokhtar]

انا تبع مرور دمياط.. بس بجد حاجه زباله واشكال تعبانه
بالنسبه لحق الشاى والقهوه هو تم بس فى الامتحان يعنى ريال خلى العمليه زى الحلاوه وحننهم عليا بس برضه انا عديت الامتحان من غير مااوقع او اخبط الاقماع
...انما فى الاجراءات اللى بعدكده الدنيا بتبقى زحمه والناس كابسه على الموظفين فمشبعرف اصرف امورى..على العموم ..فات الكتير مابقى الا القليل وعلى راى hamedo هى دى بلدنا تصدق يا حميدو طول مانا فى المرور النهارده عمال بقول الكلمه دى بس مش لواحدها انت عارف الباقى

..mokhtar..

[Mzeid]

اليوم يا شباب المحاضرة الثانية في العلوم و هنستعرض الحقائق الكونية التي لا تقبل أي جدال أو مناقشة و هي حقائق علمية منطقية كتفق عليها في العالم أجمع :
أولاَ الشمس تشرق من الشرق و تغرب من الغرب

تعالى بكره يا محترم ((محترم دى من عندى هناك الواحد لا محترم ولا نيله ))

الموظف الحكومي في المصالح الحكومية لا يعتبر ان اللي أمامه دة بني آدم و يتعامل معه بقمة الإستهزاء

المهم رحت النهارده الساعه 10 وانا ماعرفش المفروض اعمل ايه....محدش بيريح حد ..ولا حد بيخلص ..على اساس بقى ان احنا فاضيين
اسال ده يقولى هناك اسال هناك يقولى مش عارف فين

لازم الإنسان المصري و هو حة في أي مصلحة حكومية لازم يكون معمر الجيب و يا ويله يا سواد ليله لو راح و هو معهوش فلوس مش هيعرف حتى يخلص طابع بوسطة

المهم بعد معاناه عرفت انى لازم اجيب ملف ...اوكى
كشك كده مالوش لازمه خارج اداره المرور عليه طابور ولا طابور العيش ..ساعه ..يطلع ان اللى قاللى قالى على المكان الغلط
ساعه تانيه ..لحد ماجبت الملف

صحصحوا معايا يا ولاد إنتوا إيه هتناموا لسة بدري
من الحقائق الكونية ايضاَ إن مصر أكبر دولة في العالم فيها كمية ورق و كل ورقة لازززم يكون عليها إمضاء 2 موظفين دة غير الشعار بيطير كل شوية اسمه النسر يعني لو رايح تشرب مية من ثلاجة بتكم لازم يكون معاك ورقة من هيئة المساحة و ورقة ثانية من شركة المياة دة غير ورقة ثالثة من شركة الكهرباء مع ملاحظة أن دول العالم العاشر - خلوا بالكوا مش الثالث - بيتعملوا بين بعض بإختراع كدة غريب لسة طالع إمبارح الساعة 6 الصبح اسمه تقريباَ الكومبيوتر

طلعت عند اللى بيياخدوا الملف ..موظفه واحده بس وقدامها امه لا الله الا الله وخناق وقرف ومناهده .بعد ساعه وشويه ..تمام
ادتنى اذن دفع انزل ادفعه فى الخزنه

قوم يا واد عرف لي يعني إيه مصر ؟! ...... مش عارف طيب اقعد أنا بقى أعرف لكم يعني إيه مصر ... كلمة مصر دي يا ولاد معناها طابور ... منين ما تلاقي طابور هتعرف يعني إيه مصر يا سلام هتعيش و تموت و أنت في طابور في المدرسة طابور الصباح .. في الكلية طابور دفع المصاريف و إستلام الكتب .. حتى بعد ما تتخرج على طول هتطلع على طابور العيش ...... دة مصر دي من غير طابور متبقاش مصر تبقى خصر أو جسر أو كسر أو حتى نسر

....هوووب جرى قبل ما الخزنه تقفل ..مش عارف خزنه ايه اللى تقفل الساعه 1 استعباط وروتين
ماعلينا
رحت الخزنه ..لقيت الست اللى فيها استغفر الله العظيم ضاربه حته بوز....وبتقولى ..مفيش خزنه يابابا بكره وكنت حاسس انها عايزه تاخدنى قلمين

الحاجة الثانية النهاردة هي إيه ...؟! طبعاَ هي إن مصر هي البلد الوحيدة اللي تعرف حاجة اسمها المنطق و بقيت العالم طبعاَ ميعرفش حاجة اسمها المنطق .... اصبر على رزقك انا عارف إنك هتقولي إيه الدليل بص يا سيدي الدليل إن سعدتك لما تروح أي مصلحة حكومية تخلص حاجة و طبعا معظمهم بيخلصوا الساعة 3 بس إيه بقى يا سيدي ....؟! الخزنة بتقفل الساعة 12 متقوليش إزاي هتجبها كدة ...هتجبها كدة هي كدة غلاسة المنطق هنا بقى فين .. المنطق إنك لازم تيجي الصبح بدري علشان تدفع في الخزنة و بعدين تخلص ورقك بس لازم تدفع الصبح علشان تلحق الخزنة طبعاَ انت هتقولي أدفع إيه و إزاي و من غير ورق كدة ... معرفش لازم تدفع و خلاص قبل الخزنة ما تقفل

طبعا كده اليوم ضاع ويا عالم بكره هيحصل ايه..ده لسه فيه حوارات كتيييير.والواحد اعصابه تعبت وماعدش له نفس يعمل اي حاجه
والميدتيرم اللى الاسبوع الجاى ...يلا مش مهم ..
ده طبعا غير المعامله والكلام الزباله من اى موظف او امين شرطه
معلش وجعتلكوا دماغكم بس انا كنت مضايق وعايز افضفض

آخر حقيقة النهاردة يا ولاد هي إنك أعصابك بايظة .. متوتر .... العسكري و لا الموظف بيعاملك و حش برصه هتلف تلف و ترجع لحبيبتك .... مصر أم الدنيا مع إن مصر ماشية عكس الدنيا خالص أيوة علشان الدنيا نازاة من بطن امها اللي هي مصر بعد 8 شهور من الحمل .

و بكدة يكون المحاضرة بتاعت النهاردة خلصت يا أولاد .


;);););););););)

[mokhtar]

هههههههههههه
camaro انت بجد فظيع ضحكتنى وانا مضايق

..mokhtar..

[Mzeid]

هههههههههههه
camaro انت بجد فظيع ضحكتنى وانا مضايق

..mokhtar..

الدنيا كلها هموم فدعنا نضحك يا صديقي . :D:):o;);)

[mokhtar]

على رايك يا camaro الدنيا كلها هموم
بس قوللى ايه حكايه camaro دى مالها الموستانج يعنى

..mokhtar..

[mokhtar]

ماتقلقيش يا مدام علا ...ان شاء الله ربنا هيسهلها وتطلعى الرخصه فى ثانيه لا مش ثانيه فى فسوه يعنى فيمتوثانيه
ماتقلقيش انا برضه كنت قلقان كده وحاسس انى مش هطلعها فى سنتى وعلى فكره انا لسه بسوق جديد بس لقيت الموضوع ماشى تمام ..طبعا فى الامتحان مش فى الاجراءات ..انما الاجراءات يدينا ويديكم طول العمر..

..mokhtar..

[Mzeid]

على رايك يا camaro الدنيا كلها هموم
بس قوللى ايه حكايه camaro دى مالها الموستانج يعنى

لأن ال CAMARO أحلى بكتير من ال MUSTANG مش كدة و لا إيه ؟ :):):):)

ماتقلقيش يا مدام علا ...ان شاء الله ربنا هيسهلها وتطلعى الرخصه فى ثانيه لا مش ثانيه فى فسوه يعنى فيمتوثانيه
ماتقلقيش انا برضه كنت قلقان كده وحاسس انى مش هطلعها فى سنتى وعلى فكره انا لسه بسوق جديد بس لقيت الموضوع ماشى تمام ..طبعا فى الامتحان مش فى الاجراءات ..انما الاجراءات يدينا ويديكم طول العمر..

مظنش دة طبعاَ بسبب البروتين الحيواني وووووبببببب آسف البروتين الحكومي في بلدنا بس قولي أنت عملت إيه في الإختبار العملي عديت إزاي ؟!