كباس تكييف لكورسا1200

[engamrnour80]

السلام عليكم و رحمة الله و بركاتة
انا عندى تكييف فى اوبل كورسا 94 1200cc
و الكباس بتاعه باظ و عاوز اشترى كباس تانى لو فى حد يعرف اجيبة منين
و شكرا

[Ahmad Allawy]

باشمهندس عمرو..
انا بصراحة ماعرفش حد حاليا.بس هاسأل الراجل اللي باتعامل معاه..
وكمان اعرف واحد بس بصراحة معرفتي بيه مش جامدة قوي..
في المنيل بيبيع الحاجات دي مستعمله.. و الحاجة بتاخدها بضمان تشغيل شوية كده ولو مش مظبوطة بترجعها..
والراجل ده معرفة المهندس اللي باصلح عنده عربيتي..
لو حبيت اسأل مكان المحل بتاعه فين بالظبط.. و نروحله مع بعض..
بس انا عندي سؤال..
هو التكييف اللي راكب عندك جي ام الاصلي ولاا ساندن الياباني..؟؟

[Ahmad Allawy]

صحيح..
الراجل ده بيبيع الحاجات دي استيراد..
ولو حبيت تشتريه جديد في مقار في مدينة نصر عمارات الجيش اللي قدام باب ارض المعارض..
وده كويس جدا و شغله في منتهي النضافة..واحد صاحبي مركب عنده من اكتر من سنة وزي الفل مفيش اي مشاكل.. بس بصراحة انا ماعرفش تمنه جديد في حدود كام.
بس التكييف كله جديد ساندن تمنه بالتركيب 3300 تقريبا..
يعني لو جيبته جديد مش هيقل عن 1000 جنيه.. وومكن يزيد كمان..

[modux]

احمد باشا هوا في مقار في مدنية نصر !!!!

فين بلضبط ممكن تشرحلي ؟
في من كوبري الفنجري

[Ahmad Allawy]

محمد بك..
عامل ايه يا باشا..
انا مش عارف المكان بالظبط فين.. بس انا عارف انه في عمارات القوات المسلحة اللي قدام باب الاستاد و ارض المعغارض..و ليهم فرع تاني في المعادي عند اللاسلكي..
ودول مش مقار بتاع الصيانة.. لأ دول متخصصين في التكييفات و غفاليا الجي ام اكتر شغلهم..
ودول معاهم توكيل ساندون ياباني.. و سألت عندهم علي الجي ام الاصلي بتاع الاوبل مش موجود خالص في مصر جديد..و قاللي ممكن تجيبه استيراد لو حبيت.,.,
المهم انا عشان مش عارف المكان بالظبط.. مس هاقدر اسيبك كده..
انا معايا نمر التليفونات.. بس مش عارف انهي فيهم المعادي وانهي مدينة نصر..
ممكن تكلمهم و تسأل المكان فين بالظبط,,
25198167
24011349

[engamrnour80]

احمد باشا ازيك يا باشا
التكييف عندى ساندن يابانى
و يا ريت تاسالى تمنة كام عشان انا نازل مصر يوم التلات
و الف شكر يا باشا

[Ahmad Allawy]

يا رب افتكر بس اتصل بيهم بكرة ان شاء الله و اسألهم..
انت تأمر يا كبير.. بس يا رب افتكر..
و لو انا مقولتلكش لما تنزل اتصل بيهم شغالين من 10 الصبح تقريبا
وبالتوفيق ان شاء الله..
لا شكر علي واجب يا باشا.. احنا اخوات يا محمد بك..

[modux]

احمد باشا

ربنا يخليك بس انا كنت مفكرو فرع صيانة

بس خير هنيقي نبص عليه

و ربنا يخليك ليااااا

[Ahmad Allawy]

محمد بك..
احب اعرف سعاتك ان التوكيل اللي هو مقار او منصور مش بيعملوا اي حاجة في التكييف..
يعني مقار مش بيصلحوا تكييفات..
لو في حاجة في العربية في التكييف غالبا بيعملوها برة..
واللي انا عارفه ان منصور بيعملوا شغل التكيفات بتاعتهم في ديافيا..
لو حبيت اجيبلك نمر تليفوناتهم

[modux]

لا انا كنت عايز اتعامل معاهم علي اسا س انهم مركز صيانة اروح ابص علي حالة العربية

بدل ما بنزل كل مرة الحرفيين و انتا عارف بقي اعلان " الحساب 573 قووووول 700 بس ابقي راضي الرجالة "



ههههههههههههههه


اروح اكشف كشف نضيف علي نور حبيبه قلبي

[Ahmad Allawy]

ممكن تروح مقار الدقي بقي..
تظبط الكشف المتين علي العربية..
وبعدين تبقي تروح علي مقار اللي قولتلك عليه او علي ديافيا ودي بياناتها..
17, Ismail Bek St., Kobry El-Qobba
Hadayek El-Qobba,Cairo, Cairo
Egypt
Phone : +20 2 22570850
Fax : +20 2 22570850(Tel & Fax)
وعشان تبص علي حالة العربية هتصرف فعلا بتاع 180 جنيه عشان تكشف علي كل حاجة بس بدون تغيير اي حاجة..
عموما لو حبيت اخدك عند مركز الخدمة اللي باتعامل معاه..في المعادي الجديدة..

[Ahmad Allawy]

باشمهندز محمد..
انا اتصلت بمقار دلوقتي..
و سألت علي كوبريسور التكييف دلوقتي..
ساندن ياباني تمنه 1500 جنيه..

[engamrnour80]

الف شكر للجميع
thanxxxxx ahmad allawy

[Ahmad Allawy]

اهلا بيك في اي وقت ييا باشا..
ولو احتجت اي حاجة للعربية في اي وقت.. الاوبل يعني..
انا تحت امرك..
اجي اخد العربية من عند البيت.. اصلحهالك و اجيبها لحد عندك معززة مكرمة..
:)

[engamrnour80]

الف شكراااااااااااااااااااااااا

:oيا باشا كلك زوء والله :oيا باشا كلك زوء والله
وكفايا ان العربية دى عرفتنى بناس محترمين زيك و ان اشاء الله لازم لما انزل مصر تانى اتعرف عليكم كلكم