بولو 2000

**momomania22** · 07-04-2008 11:46 PM

السلام عليكم
اريد النصيحة من خبراء المنتدى
انتيمي يريد شراء بولو ولفينا ولقينا واحدة
موديل 2000 والف سي سي وعاملة 80 الف كيلو
لونها ازرق بحري وكاملة مانيوال وفرش جلد وساوند سيستم وفوجات شبورة اصلي
وفابريكة بره وجوه
اولا : السعر المطلوب 55 الف وعايز اعرف ده كتييير ولا مناسب
تانيا : عايز حد ليه خبرة مع الموديل ده يقولي ايه مميزاته وعيوبه واسعار قطع غياره وكده
عايز تقييم شامل وسريع من فضلكم
بس بسرعة عشان الناس مستعجلة عالبيع
بجد بسرعة
واسف للاطالة وتقلت عليكم

**momomania22** · 07-04-2008 11:47 PM

i'm waiting

**SEATLOVER** · 08-04-2008 12:34 AM

وعليكم السلام يا momomania22 وياريت متكررش سؤالك فى كذا مكان عشان دة بيشتت الناس فى الاجابة

بص يا سيدى العربية دى جامدة جداً و ركوبة رائعة بس قطع الغيار مرتفعة و احياناً بتبقى صعبة شوية تلاقيها دة غير توكيلها المعروف طبعاً .. عشان كدة العربية دى سعرها بينزل من فترة طويلة ...وهايستمر ينزل (عشان تبقى عارف) ..بالنسبة للعربية اللى قدام صاحبك البولو 2000 الكاملة بتبتدى للحالات الكويسة حالياً من 48 الى 52 على اقصى تقدير .. و بكدة السعر اللى قدامك كتير و متحمل على حساب (الساوند والفرش و الفوجات ) فإذا كانوا الفرق قصادهم مايهموش و الحالة مضمونة بعد الكشف و خصوصاً (الفتيش و كهربة العربية ) فايتوكل على الله فيها ... غير كدة الامر يرجعلة لآن السعر عالى .تمام

**momomania22** · 08-04-2008 04:40 AM

شكرا كتيييير
بس ليا سؤال ممكن اكشف عليها فييييييين
لأني من المنوفية
لو تقولي على مكان في القاهرة اروح عليه اكون شاكر لييييك جدا
وشكرا على ردك واهتمامك

**dr_3eshoo** · 08-04-2008 06:03 AM

انزل عند محمد سمير طبعا في جسر السويس ورا حديقه بدر
على فكره نزل شويه في السعر
العربيه دي هتكيف صاحبك اوي جامده حموله و تقيله بس الالف سي سي ممكن يزعلوه بس هيعود عليه

**SEATLOVER** · 08-04-2008 11:42 AM

المشاركة الأصلية كتبت بواسطة dr_3eshoo

انزل عند محمد سمير طبعا في جسر السويس ورا حديقه بدر
على فكره نزل شويه في السعر
العربيه دي هتكيف صاحبك اوي جامده حموله و تقيله بس الالف سي سي ممكن يزعلوه بس هيعود عليه

تمام كدة ذى ما قال 3eshoo باشا .. والالف سى سى بتوعها ب 1300 cc فى اى عربية تانية
وسحبها ناعم و تحفة ..بس مش بتاع حرق و قرص و الكلام دة ..لآن العربية دى مصممة انها تبقى
(Elegance use) اكتر .

**mohamed ibiza** · 08-04-2008 02:17 PM

كلام سيات لوفر ما بعده كلام العربية لازم سعرها ينزل شوية 52 حلو اوي اوي و العربية ممتازة و زي الفل و لو احتاجت اي مساعدة في قطع الغيار الاصلية كلمني علي الخاص بس في القاهرة مش المنوفية:) و اللي فيه الخير يقدمه ربنا..................

Ibiiiiiiiiiiiiiiiiiiiiiiiiiiiiiiiiiiiiiiiizzzzzzzz zzzzzzzzzzzzaaaaaaaaaaaaaaaa For Ever

**momomania22** · 09-04-2008 04:08 AM

شكرا ليكم كلكم والله مش عارف من غير المنتدى كنا هنعمل ايه
ونا جربت العربية النهاردة
حاجة تحفة
واتفقنا على 53 اخر كلام وفيها رخصة 3 سنين وكاوتش وبطارية جداد
وربنا يسهل بكرة هنكشف عليها
ويارب اقوله مبرووك عشان فعلا حبيت العربية
وشكرا مرة تانية