إعـــــــلان

**liquidator** · 14-04-2008, 08:28 PM

مجهود رائع يا بسام مشكور عليه و زي ما قال أخي بسام اللي عنده أي استفسار عن الدلوعه بتاعته يا ريت يسأل هنا و هنحاول نرد علي أد ما نقدر سواء احنا أو باقي الأعضاء بس يا ريت ماحدش يسأل سؤال اللا اذا كان السؤال اللي قبله اترد عليه خلاص عشان الموضوع يبقي ماشي بنظام و الدنيا كلها تبقي واضحه .. دا مجرد اقتراح متواضع ...
تحياتي لكم ..

**bassam nagy** · 15-04-2008, 12:15 AM

ربنا يخليك ياحمد
لما العربية بدورها الصبح بيبقى فى صوت تكتكة الصوت دة عادى وبيهدى مجرد ما العربية بتسخن ودة صوت التكيهات وبتظبط نفسها مع سخونة العربية ودة موجود فى الفيرنا 1600 والكوبية والانترا القديمة والجيتز لانهم موتور واحد
العربية زى مابيقول احمد محتاجة معاملة بالرحة وعدم الضغط على الموتور بمعنى ماتخلهاش تسحب بسرعة لان العربية وزنها تقيل العفشة بتحتاج للتربيط كل فترة
ونصيحة للعاوز يشترى العربية زيرو وهايشتريها من غبور يحاول ياخذها من غير انذار وهو يبقى يركبة عند عشم نوار ويختار ماركة كويسة احسن من الية غبور بيشترية منوا
وفية معلومة اتوقع ان فى ناس كتييرة مش عارفها ان فى خزنة او درج تحت الكنبة ممكن تشيل فية الاشياء الية خايف عليها

**Nile_Storm** · 15-04-2008, 01:18 AM

مبرووووووووووك ساحه الماتريكس و ساعود قريبا ببعض الاحصاءات و البيانات

**Nile_Storm** · 15-04-2008, 01:46 AM

الاشياء اللي تستلمها مع العربيه

اتأكد من رقم الشاسية والموتور الى مدهملك وطبقة بالمبايعة الى هيدهالك وورق الافراج الجمركى بتاعها ثانيا هى بيجى معاها استبن وكريك ومفتاح العجل ومفتاح الكريك ومفتاح 12 10 وكتاب التشغيل بتاعها والضمان بتخدة لما تيجى تروح تعمل صيانة الالف كيلو و الولاعة و الإريال و في بلاستكة صغيرة بيتقفل بيها مكان الإريال لما يتشال لازم تحافظ عليها علشان تركبها لما تغسل العربية و تشيل الإريال و تلف حول العربية و تشوف لو فيها أي تجريحات أو أي حاجة كدة ولا كدة و تجرب كل الأنوار قبل ماتمشي من الأجانس و تجرب الراديو و التكييف لمدة ثواني بس تتأكد إنة بيشتغل و اتاكد من فوانيس الشبورة سليمة و الزجاج الكهرباء

**Nile_Storm** · 15-04-2008, 01:49 AM

موضوع به تقييم الاعضاء عن الماتريكس

تقيم شامل للهيونداى ماتريكس من تجارب الاعضاء - نايل موتورز - NileMotors.net

http://www.nilemotors.net/Nile/showthread.php?t=13601&highlight=%E3%C7%CA%D1%ED%DF%D3

**Nile_Storm** · 15-04-2008, 01:53 AM

استهلاك البنزين " مقتبس من مشاركه للعضو sh_masry "

استهلاك السياره الماتركس بالنسبه للبنزين مضبوط و هو تقريبا ( 230 كيلو متر لكل 20 لتر ) على طريق السفر و العداد على 100 ..... لو هاتمشى نفس الطريق ولكن على سرعه 80 (230 كيلو متر لكل 11-15 لتر) و ممكن 9 لتر كمان
لو هو هو نفس الطريق بس العداد على 130 فما فوق (230 كيلومتر لكل 25-28 لتر)
لو داخل البلد (200 كيلو متر لكل 20 لتر) و طبعا ده كله تقريبى لأن بتختلف من سائق الى اخر و من سياره الى اخرى حتى و لو نفس الماركه .........

**Nile_Storm** · 15-04-2008, 01:57 AM

ملاحظتين يسأل عنهم بعض الاعضاء

الماتركس التركي لا تقل ابدا عن الكوري

الديفندرز للماتركس ممنوعه و هي اساسا خطر علي شاسيه العربيه و عفشتها
الماتركس مفيهاش ايه بي اس

**bassam nagy** · 15-04-2008, 02:26 AM

الفروقات بين الكورى والتركى
التركى بها لمبة للقراءة وجراب نظارة وفى الكورى موجود مخرج كهرباء فى الشنطة واتلغى فى التركى
مرايات التركى مختلفة عن الكورى
ضمان الماتريكس المقدم من غبور 60000 الف او ثلاث سنين ايهما اقرب
مقاس الاطارات r14/65/185 ودة المقاس الية بتنزل بية
وممكن تركب المقاسات دى
15/55/195
15/55/205
الزيوت الموصى بها وهذة الارقام بتبقى مكتوبة على جركن الزيت وفى الكاتالوج بيصح باستخدام شل
1-20w 5
2-20w 50
3-15w 40
4-10w 30
ويجب فحص زيت المحرك قبل القيام برحلة طويلة

**volcano12** · 15-04-2008, 02:33 AM

المشاركة الأصلية كتبت بواسطة bassam nagy مشاهدة المشاركة

الفروقات بين الكورى والتركى
التركى بها لمبة للقراءة وجراب نظارة وفى الكورى موجود مخرج كهرباء فى الشنطة واتلغى فى التركى
ويجب فحص زيت المحرك قبل القيام برحلة طويلة

لمبة القراءة موجوده عندنا فى فتحة السقف... كورى

**bassam nagy** · 15-04-2008, 02:35 AM

لا ماهى دى الفول اوبشن وانا عارف
لا انا بتكلم على العادية

**MEDO80** · 15-04-2008, 02:35 AM

تكتكة

صوت التكتكة بتاع الموتور دا بيزيد في الشتا و الصقيع لما الموتور بيكون بارد
لو حطيط زيت تخليقي خفيف موبيل1 او شيل الترا الصوت دا بيروح بسرعة عن تجربة
لان الزيوت الخفيفة بتتوزع و نتشر في الموتور بسرعة حتي لو بارد و بتمنع الاحتكاك و بالتالي الصوت و الذبذبات

**bassam nagy** · 15-04-2008, 02:37 AM

تمام كلام مظبوط الزيوت التخليقية بتهدى صوت الموتور

**volcano12** · 15-04-2008, 02:42 AM

المشاركة الأصلية كتبت بواسطة bassam nagy مشاهدة المشاركة

لا ماهى دى الفول اوبشن وانا عارف
لا انا بتكلم على العادية

ما أنا فاهم قصد حضرتك ... أنا باضيف حاجه صعيره على قدى مش بعدل كلام حضرتك عشان هو وافى... و أول مره أعرف الفروقات أصلا :)

**starpro** · 15-04-2008, 03:56 AM

اضيف معلومة عن الماتريكس التركى ان فنيش التبلوه و عجلة القيادة دون المستوى
بجانب ان هذا الموديل يحتوى على جهاز انذار ردىء جدا و ريموت منفصل عن المفتاح
و السيارة ينقصها اشياء كثيرة يعتبرها التوكيل غير ضرورية و رفاهية اكثر من اللازم للمصريين .

إعـــــــلان

.

دليل شامل عن الهيونداي ماتريكس بواسطه اسئله الاعضاء , قصة حب مع المصريين ..متجدد

دليل شامل عن الهيونداي ماتريكس بواسطه اسئله الاعضاء , قصة حب مع المصريين ..متجدد

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment