مشكلة مع الفرامل ...ممكن المساعدة

[M.ABDEEN]

السلام عليكم ورحمة الله وبركاته

من فترة قريبة بلاحظ لما ادوس على الفرامل بقوة عند سرعة 110 او 80 بيحصل رعشة وارتجاج في الطارة بتاعت الدركسيون ولما اضغط براحة مبيحصلش هذا الكلام المهم محطيتش في دماغي ومن كام يوم ركبت جنوط اسبور وزي الفل والحمد لله بس برده نفس الظاهرة مع الفرامل المهم الوسواس لعب في دماغي وقلت ممكن تكون الجنوط فروحت لواحد بتاع كاوتش واكدلي ان الجنوط كويسة وبرده لما فكرت قلت طيب ما ده كان بيحصل مع الجنوط العادية طيب ايه السبب هل الطنابير كده شكرا بس بصيت عليها انا ظاهريا وحسيت انها كويسة طيب التيل ممكن يعمل كده مفيش تزييق ولا تصفيير طيب الجنوط تعمل كده ؟؟؟ مش عارف ياريت حد يدلني واروح لمين كويس لو كده يفدني العربية سيراتو الشكل القديم ولكم جزيل الشكر

[eslamspirit]

اغلب الظن ان الطنابير هي المشكلة
و انتظر رد الخبراء

[elshimy]

مشكلة طنابير ممكن تخرطهم او الافضل تغيرهم

[Strong]

طالما التيل والطنابير حالتهم مقبولة والفرملة البسيطة مش بترعش الطارة
يبقى المشكلة في الغالب هيكون في الزوايا

[mody100]

طنابير يا باشا لو لسة كويسين يعنى ماخرطهمش قبل كده يبقى روح فكهم ووديهم لخراط حايعملهملك و انت واقف معاه هى الفكرة بس ان الطنابير فى عالى وواطى و ده سببة ان حضرتك ركبت تيل وحش الموضوع بسيط يعنى

[ahmed_su]

الرعشة مع الفرملة غالبا بتبقى من الطنابير

مبروك الجنوط يا باشا

المشكلة دى كانت عندى ولسة عملها
دى مشكلة فى الطنابير فيها ريجة ومحتاجة مسة على المخرطة
يعنى بيعملها مسحة على المخرطة بيشيل بيها الريجة
ونصيحة منى غير كمان التيل لن ممكن يكون نوع التيل مش كويس فيه نسبة نحاس هوة اللى عملك كدة
فى الطنابير

[a_hmed]

المشكلة دى كانت عندى ولسة عملها
دى مشكلة فى الطنابير فيها ريجة ومحتاجة مسة على المخرطة
يعنى بيعملها مسحة على المخرطة بيشيل بيها الريجة
ونصيحة منى غير كمان التيل لن ممكن يكون نوع التيل مش كويس فيه نسبة نحاس هوة اللى عملك كدة
فى الطنابير

الخراطة ديه بتاخد وقت اد ايه و بكام ؟؟

[M.ABDEEN]

شكرا ليكم كلكم ولسه باتكلم مع واحد صاحبي عمل دكتوراة في طنابير النوبيرا بتاعته قللي اخرطهم وغير تيل بالمرة فباشكركم على مساعتدكم وانا كنت خايف ان الجنوط هي المشكلة

احمد بيك اسماعيل الله يبارك فيك وتسلم يا غالي ونورت الموضوع

[smsm_nabawy]

الخوة الأعضاء هنا سبقوني و ماشاء الله غطو كل حاجة :) !!

و انا برده زيهم برجح الاول أظبط زوايا .. و بعد كده أكشف على الطنابير .. حتلاقي فيها عالي و واطي :)