ملو اسطوانة الدبرياج .. هل ينفع؟

[kar!m]

السلام عليكم

من كام يوم كنت عند الميكانيكي بغير زيت و كده .. و بعدين بنتكلم على عربيتى و ان قطع غيارها غالية .. و بقول له ان اسطوانة الدبرياج بتاعتها ب 1000 جنية تقريبا .. فقال لى انها ممكن تتملى.

قلت له طب و دى تبقى كويسه؟ .. قال لى اه .. هنبعتك لواحد يملاها و يساويها و قال لى على كام حاجه كده كمان بتتعمل .. قلت له و الديسك؟ قال لى هيفضل زى ما هو.

المهم سألت واحد صاحبى .. قال لى أنه عملها فى عربيتة (هيونداى اكسل) و اشتغلت كويس .. والراجل خيره بين كذا نوع من التيل اللى بيملا بيه .. أغلاهم ب 80 جنية .. بس هو غير الديسك.

فأنا عاوز أعرف هل الموضوع ده مجدى ولا لأ .. وهل تلف الاسطوانة بيكون تيل بس .. ولا فى حاجات بتبوظ مع التيل زى السوست مثلا .. و برضه ازاى أعرف ايه أعراض تلف البلية قبل ما الموتور يتفك.

[MOUSTAFA_SAAD]

مش حتعيش

[mrghost]

انا كنت عند واحد بيملى تيل فرامل وشوفته فعلا بيملى اسطوانات بس مش عارف اذا كانت بتعيش ولا لا

[smsm_nabawy]

متابع

[yoko]

في التيل في العربيات القديمة ممكن دبرياج لأ إلا برده لو قديمة لإن كده كده الموجود بيبقى مضروب (قديم يعني ال128 و127 وكده)

في التيل في العربيات القديمة ممكن دبرياج لأ إلا برده لو قديمة لإن كده كده الموجود بيبقى مضروب (قديم يعني ال128 و127 وكده)

ماهو لو ينفع للقديمة .. يبقى ينفع للجديدة عشان المبدأ واحد.

[gebreel]

ماهو لو ينفع للقديمة .. يبقى ينفع للجديدة عشان المبدأ واحد.

هو يوكو يقصد ان حتى لو جبت جديد هيبقى مضروب و مش هيعيش فخليك في الارخص

[yoko]

ماهو لو ينفع للقديمة .. يبقى ينفع للجديدة عشان المبدأ واحد.

لأ طبعا مش واحد لإن المواتير الجديدة عزمها شديد ولو الخامه أي كلام الإسطوانة مش هتمسك أصلا وكإنك معملتش حاجة والعربيه جايبة ديسك برده

هو يوكو يقصد ان حتى لو جبت جديد هيبقى مضروب و مش هيعيش فخليك في الارخص

بالظبط كده

حوااار الملو ده فاشل اخر حاجة

ومفيش اسطوانة ب1000 جنيه على حد علمى امال الدسك يبقى بكام اذا كانت الاسطوانة ب1000 !!
هات جديد احسن ويستحسن تغير الطقم كله على بعضه يا اما دلوقتى او تصبر عليه لحد ما يجيب اخره

موضوع غير مجزى بالمرة