Tweet
من فضلكم دلونى بأمانة و بحيادية و بالتفصيل عن الفروق بين جين 2 اتوماتيك و لانسر 1300 اوتوماتيك خليجى من حيث المميزات و العيوب لان قرار الشراء صعب جدا.
-
-
السلام عليكم
بص يا باشا انا رأى جين 2 اقولك لية
كماليات اعلى بكتيير
شكل جديد
ثبات افضل من الانسر
محرك اقوى من الانسر و بالتالى تسارع و سرعة اكبر من الانسر
العربية انتشارها معقول جدا مش منتشرة زى الانسر و مش قليلة زى الألفا روميو يعنى دية فى رأى ميزة علشان دلوقتى كل الناس راكبين لانسر
سعر الجين 2 ممتاز جدا اما سعر الانسر فا رأى انة غالى جدا على امكانياتها
الجين 2 حيبقى ليها ضمان انما الانسر حسب ما حتشتريها منين ممكن بضمان او بدون ( ضمان الجين 2 3 سنين او 60000 الف كم على السيارة ككل و 5 سنين او 100 الف كم على المحرك و الجيربوكس و 10 سنين على الطلاء )
الانسر تتفوق من ناحية
توافر قطع الغيار خارج التوكيل ( على فكرة العربيتين قطع غيارهم متوفرين فى التوكيل و الجين 2 متوفرين برضة خارج التوكيل ولكن مش زى الانسر )
الوسع الداخلى للانسر افضل
اعادة البيع للانسر افضل
الانسر حتبقى اكثر توفيرا فى البنزين و دة لأن العربية 1300 بينما الجين 2 1600
و فى النهاية االقرار يرجعلك[CENTER]الحمد لله[/CENTER]
[CENTER] [/CENTER]
[CENTER][sor2]http://farm3.static.flickr.com/2639/3939929853_4547d6e150.jpg[/sor2][/CENTER] -
لو هتقارن جين 2 1600 اتوماتيك ولانسر 1300 اتوماتيك ارشح بلا تردد جين 2 لان النسر 1300 اتوماتيك سحبها ضعيف وخصوصا مع التكيف بس المشكله في الجين سعر اعاده البيع وقطع الغيار الغاليه جدا ومش موجوده غير في التوكيل واستهلاك للبنزين اعلي وصوت الموتور عالي بس مش وحش ومحرك الجين معقد يعني محدش هيشتغل فيها غيير التوكيل بس دا امر طبيعي.....في المقابل سحبها ممتاز ثبات غير عادي كماليات ممتازه مقارنه بالنسر في حدود السعر....بس عفشتها خشنه
.....النسر 1300 مانيوال ممتازه انا معايا العربيه دي خليجي وبصراحه زي الفل في كل حاجه سحب...ثبات...قطع غيار متوفره بكثره وبجميع الاسعار خارج التوكيل...وفي ميكانيكه كتير بيفهمو فيها اوي لان محركها مش معقد بالاضافه انها منتشره من زمان واخيرا سعر اعاده اللبيع ممتاز وبسموها التجار الجنيه الدهب..يارب اكون عرفت افيدك[CENTER][B][I][FONT=Impact][SIZE=7]ALFA[/SIZE][/FONT][/I][/B][/CENTER]
[CENTER][B][I][FONT=Impact][SIZE=5]CAR CARE[/SIZE][/FONT][/I][/B][/CENTER]
[CENTER][B][I][FONT=Palatino Linotype][SIZE=4][COLOR=purple]العنايه الفائقه بسيارتك مسئوليتنا[/COLOR][/SIZE][/FONT][/I][/B][/CENTER]Comment
-
الله ينور يافهد باشا انا لسه شايف ردك دلواقتي ولو كنت شوفته قبل ما اكتب رسالتي مكنتش كتبتها لان رايك هو راي تماما[CENTER][B][I][FONT=Impact][SIZE=7]ALFA[/SIZE][/FONT][/I][/B][/CENTER]
[CENTER][B][I][FONT=Impact][SIZE=5]CAR CARE[/SIZE][/FONT][/I][/B][/CENTER]
[CENTER][B][I][FONT=Palatino Linotype][SIZE=4][COLOR=purple]العنايه الفائقه بسيارتك مسئوليتنا[/COLOR][/SIZE][/FONT][/I][/B][/CENTER]Comment
-
المشاركة الأصلية كتبت بواسطة timo_crosswind مشاهدة المشاركة
رد فهد فيه الخلاصة
بس أنا ليا رأي في كلام حضرتك يا أستاذ تيمو كروس ويند
حضرتك بتقول
قطع الغيار الغالية جدا ............ و أستهلاك البنزين العالي .......... و صوت موتور عالي و بتقول العفشة خشنة
طيب تسمح لي أرد علا كلام حضرتك و بالتجربة
قطع الغيار تُباع في التوكيل و خارجه و أسعار عادية جدا ( مش رخصية و مش غالية ) و مش منتشرة زي اللانسر و لكنها موجودة خارج التوكيل و مش غالية قوي زي ما حضرتك بتقول
استهلاك البنزين ...... ممكن حضرتك ترجع لهذا الموضوع و تشوف استهلاك البنزين بتاع الجين 2 عامل ازاي ........... و أكيد اللانسر 1300 أقل في الاستهلاك
و إليك رابط الموضوع
صوت موتور عالي
صوت الموتور مش عالي .......... صوت الموتور صوت زئير و صوت قوة مش زي العربيات اللي بتنعر من غير قوة
و كل اللي ركب معايا كان تعليقه على صوت الجين 2 ......... " صوت العربية دي زي عربيات السباق بالظبط "
العفشة مش خشنة إطلاقا .......... بل هي متوسطة
--------------------------------------------------------
الحاجة بقى اللي ما بتعجبنيش في اللانسر هي السعر المبالغ فيه جدا جدا جدا[img2]http://i59.tinypic.com/2vxpukz.jpg[/img2]Comment
-
علي فكره انا رشحت ليه الجين تو وده معناه ان واثق في قدرات السياره ومرحب بيها جدا ومش معني ان صوت الموتور العالي للعربيه ان ده عيب او حتي ميزه اذا كان صوتها العالي انت بتبرر انه صوت زئير مش صوت مستفز ده مش معناه انه ميزه لان مش كل كل الناس بتحب تسمع صوت الموتور العالي مهما كان نغمته حلوه انا عن نفسي بحب جدا لما اكون جوا العربيه مسمعش صوت المكنه وفي ناااااااااااااس كتير كدا ...انا حبيت بس اوضح ليه موضوع الصوت ده لمجرد المعرفه يمكن لما يعرف ميتقبلش ويمكن يحبها اكتر وفي تلك الحالتين هتسعده اكتر في الاختيار ...اما موضوع قطع الغيار ده مع احترامي الشديد ليك ممكن يكون متوفر في اماكن معينه في القاهره يعني انا مثلا من اسماعيليه تفتكر هلاقي قطع غيرها متوفره هنا ؟؟؟؟او في اي محافظه تانيه؟؟؟ لكن اللنسر موجوده في كل حته فيكي يامصر وبكل الاسعار اللي ممكن تحتاجه بمعني انا مش مرتبط بقعه غيار اصليه ممكن اوي امشي حالي بقطعه كوري او حتي صيني لحد مقدر اشتري الاصلي.........موضوع الانتشار موضوع منتهي اكيد مش هنتكلم فيه....بس عاوز اسئلك لو الجين انتشرت بسرعه والكل حبها زي النسر تفتكر هيفضل سعرها هو هو؟؟؟ ولو غليت هتغلي حاجه بسيطه ولاهتفتح زي النسر؟؟؟صدقني سعر النسر انا معاك انه مبالغ فيه جدا بس العيب مش منها المشكله ان الاقبال عليها كبير جدا وده اللي بيشجع التجار ان يغلو السعر بدون اي مبرر..وانا بكرر لو الجين اخذت فرصتها زي النسر هيتكرر نفس السيناريو في الاسعار...واخيرا موضوع البنزين ده بردو مع احترامي الشديد استهلاكه مش زي اي مكنه 1600 .........اسف جدا اني طولت عليك ياقائد[CENTER][B][I][FONT=Impact][SIZE=7]ALFA[/SIZE][/FONT][/I][/B][/CENTER]
[CENTER][B][I][FONT=Impact][SIZE=5]CAR CARE[/SIZE][/FONT][/I][/B][/CENTER]
[CENTER][B][I][FONT=Palatino Linotype][SIZE=4][COLOR=purple]العنايه الفائقه بسيارتك مسئوليتنا[/COLOR][/SIZE][/FONT][/I][/B][/CENTER]Comment
-
انا رأيي الجين 2 اولا عربية انا مش هحكم عليها انها ممتازة بس هي بقالها بتاع 3 سنين بدون مشاكل جوهرية 1600 سي سي 148 نيوتن 110 حصان تصميم الموتور لوتس العربية جراية و ثباتها تحفة لحسن من لانسر ال 1300 هتقرفك مع الاوتوماتيك و 92 حصان الجين 2 100 حصان مش هتكلم علي الشكل لان الجين تكسب و نص و3\4 هههههه العمر الافتراضي انا شفت لانسر فلة مفيهاش الهوا لسة تكاد تكون جديدة بتعمل شغل عفشة معرفش ازاي بس كانت 1600 سوبر اكشن بس انا لو مكاك هجيب جين 2.................
Ibiiiiiiiiiiiiiiiiiiiiiiiiiiiiiiiizzzzzzzzzzzzzzzz zzzzzzzzzaaaaaaaaaaaaaaa For EverComment
-
اللانسير اللي معايا 2007 اوتوماتيك خليجي 1300 (1299 علشان اكون دقيق معاك)
السحب بتاعها مصيبه ... من 0 - 100 خلال فتره زمنيه قياسيه ... 21 ثانيه
استهلاك البنزين ... الخزان من اول ما تعبيه فل تانك لحد ما اللمبه تنور بتمشي 270 كيلو جوا المدينه و 400 برا المدينه (طبعا من غير مكيف) ...
مع المكيف التسارع بيزيد مدته كمان 4 ثواني و استهلاك البنزين بيزيد حوالي 50 كيلو جوا المدينه (يعني تمشي 220 كيلو) و على الطريق السريع مش هيقل كتير
السياره مش عمليه في السحب او الغرز
ولو محمل معاك ناس في العربيه فموضوع التسارع ده تنساه خااااااااااالص
الجير الاول فيها بيخلص على 40
التاني على 80
التالت على 120
الرابع على 160 ... (سرعه العربيه القصوى فعليا) 155 ... لو الارض منحدره ممكن توصل لـ 160 بس مش اكتر من كدا
ثبات العربيه مش اوي ... اتزحلقت مني على سرعه 50 في ملف مع ان فيها Abs
علشان تضبط العربيه في الشركه هيقولك هنركب لك تيربو بـ 6000 درهم و هناخد 500 درهم على كل ساعه عمل (هياخد حوالي 4 ساعات ) يعني التيربو هيقف بـ 8000 درهم اجمالا و طبعا هيكون متركب في التوكيل
العربيه نوعا ما ورقه ... اقل خبطه هتلاقي الشاسيه هوا اللي شال الصدمه كلها
مقارنه مع الجين ... قوتها اكبر بكتير وناوي اشتريها ان شاء الله بعد ما اخلص من الاخت التانيه
سرعتها و ثباتها كويس
ومقارنه مع سعرها في فرق تقريبا حوالي 30 الف جنيه لصالح الجين
الجين 2 سعرها بيبدأ من 85000 للاوتوماتيك (كاش)
اللانسير 1600 سعرها بيبدأ من 115000 للاوتوماتيك (كاش)
اعتقد ان بالفارق ده ممكن تجيب جين و تركب لها اللي انتا عايزة ... جنوط - سبويلر - زينون - تلفزيون - كراسي رياضيه - سماعات محترمه (مع ان اللي جواها كويسه) .... وكل ده تكلفته مش هتجيب 30 الف
الجين افضل بكتير ... مش عن تجربه ... ولكن ناس كتير جدا بتشكر فيها ... لكن اللانسير 1300 ... انسى
تحياتي[CENTER][IMG]http://img502.imageshack.us/img502/750/do3a3mm3.gif[/IMG]
[IMG]http://img134.imageshack.us/img134/5892/bmwfanbywearwolfaaxx6.gif[/IMG] [IMG]http://img134.imageshack.us/img134/1016/medicalstampbydrgmqc3.gif[/IMG]
[FONT=Arial Black][SIZE=6][COLOR=Navy]Dr.GM[/COLOR][/SIZE][/FONT]
[/CENTER]Comment
-
ياراجل بتقارن اللانسر بالجين 2 دي الانسر تخسر قدامها
الجــــــــــــيـــــــــــــــــــــــــن 2[CENTER][SIGPIC][/SIGPIC][/CENTER]Comment
-
انا معاك تماما بس فين دي جين2 أتوماتيك ب 85000 بسس معقوله !!!!المشاركة الأصلية كتبت بواسطة pendodo2002 مشاهدة المشاركة
في النهايه الاختيار يتم حسب لأحتياجات للعربية .
بالتوفيق و ماتنساش الأستخارةComment
-
الاخ الفاضل whiterose
انا شايف ان الناس كلها مع الجين 2 و الكل افادك و القرار فى ايديك ( و ياريت الاستخارة )
و الردود ماشاء الله كتيرة اهوه انت عملت نفس الموضوع فى قسم الميتسوبيشى ماحدش رد عليك غير اخ واحد فاضل و كلمك على الكيا السيرتو و اختيا تانى موش فاكره
المهم احب اوضحلك انا كنت فى نفس الحيرة و الاختيارات كتير
- فئة الـ 1600 نيسان صنى و الاوبترا
- فئة الـ 1300 هوندا سيتى و لانسر و اليارس
و مع ذلك الجين تكسب مستريح بلا اى تعب و عموما انا جربت المانيوال و الاوتوماتيك و طبعا الاخوة الافاضل هنا كانوا متعاونين جدا و بيتكلموا عن فهم و تجربة
اشترى العربية و انت مطمئن و مستريح و سيبك من قصة سعر اعادة البيع لانك موش هاتبيعها اصلا و لو بعتها هايبقى بعد فترة و اكيد طبعا هاتبقى خسران لانك اشتريت زيرو و بتبيع مستعمل ماتفكرش بمنطق انك تجيب عربية للى هايشتريها من بعدك
اركب العربية اللى انت نفسك بيها و خد خيرها و اتمتع بيها[CENTER][SIZE="6"]لا اله الا انت سبحانك انى كنت من الظالمين[/SIZE][/CENTER]Comment
-
معلش هيا فرقت 5000 جنيه ... مع اني كنت واثق اني قرأتها 85 الف ....المشاركة الأصلية كتبت بواسطة Bubbles مشاهدة المشاركة
سعر العربيه هو 89900 جنيه عند كونتاكت كار ...
وآسف على الخطأ غير المقصود[CENTER][IMG]http://img502.imageshack.us/img502/750/do3a3mm3.gif[/IMG]
[IMG]http://img134.imageshack.us/img134/5892/bmwfanbywearwolfaaxx6.gif[/IMG] [IMG]http://img134.imageshack.us/img134/1016/medicalstampbydrgmqc3.gif[/IMG]
[FONT=Arial Black][SIZE=6][COLOR=Navy]Dr.GM[/COLOR][/SIZE][/FONT]
[/CENTER]Comment
-
اشكركم شكرا جزيلا على الردود الوافية و أرحب باى اضافاتComment
-
[CENTER]
[/CENTER]Comment
-
معلش انا رايى مختلف تماما
و لا دى و لا دى
بعد رفع سعر اللانسر بالشكل المباغ فيه جدااااا دا لا انصح نهائيا باللانسر
و بسبب ردائة صنع الجين 2 بشدة منصحش بيها برده
شوف الياريس او الصنىComment
Comment