نصيحه لكونتاكت العربيه

**mrghost** · 10-04-2011 10:28 PM

السلام عليكم ورحمة الله
حبيت بس انقل تجربتى
الكونتاكت بتاع الشاهين بقاله فتره المفتاح كان بيدخل الكونتاكت عادى بس ميرضاش يلف غير بعد محاولات كتير اوى واى لحد مازهقت منه وفكرت اصلحه
رحت لبتاع ابواب قالى مش هعرف افكه روح لكهربائى يفكه وتعالى
المهم رحت للكهربائى لان فى ميزه (اول مره الاقى فى العربيه ميزه كويسه) الكونتاكت راكب بمسامير من غير راس (دماغ ) يعنى متعرفش تفك الكونتاكت غير بسمبك وشاكوش علشان لو فى حد بيسرق العربيه لو حتى قطع الضفيره ميعرفش يفك مسوجر الدركسيون
المهم رحت للكهربائى برضه معرفش يفكه
رحت لخراط قالى روح لبتاع ابواب!!!!!!!!!!
امال دى لو عربيه تانيه(لانسر ولا بى ام ) هيعملوا ايه؟
روحت البيت زعلان ووالدى قالى جرب تحط زيت باكم
غمست المفتاح فى خزنه الزيت الباكم وركبته فى الكونتاكت الكونتاكت الحمد لله اشتغل تمام
نصيحه كل فتره اعملوا كده علشان البلى بتاع الكونتاكت ميقفش

**swimmer25** · 11-04-2011 09:51 PM

ياراجل طبعا اسهل حاجة زيت الباكم
ممكن كمان تجيب wd-40 وترش رشة حلوة جوا فتحة الكونتاكت وحوالين الاجزاء المتحركة وهتلاقي الدنيا دي نضفت خالص
كل الحكاية التراب بيتجمع مع بخار المية وكمان يعمل صدا ففعلا لازم يتنضف تنضيفة حلوة
والله الناس بتوع زمان دول خبرة

**aymangalal510** · 12-04-2011 07:25 PM

والله انا كنت هزعل عشانك ......
بس بعدكده فرحت لك

**mrghost** · 12-04-2011 11:31 PM

شكرا على الردود وانا كنت زعلان لانى لو كنت هفك الكونتاكت كان هيبقى بعد كده سهل فك الكوناكت انما دلوقتى صعب حد يفكه بسهوله الحمد لله

**amro1965** · 13-04-2011 12:00 PM

علشان كده
نصيحة لكل الاعضاء قبل ماتعمل شىء فى سيارتك حاول تكتب مشكلتك لعل الحل مع الاعضاء

اسأل استشير

**Elawany13** · 12-09-2011 10:20 PM

حصلى نفس المشكلة
للأسف الكهربائى الغبى فورلى الكونتاكت بالسومبك والشاكوش
وجبت كونتاكت تايوانى ومعجبنيش
وديت الكونتاكت الاصلى لبتاع كوالين وصلحه بـ 10 جنيه
وركبته تانى طبعا بمسامير عادية للأسف
ورجعت التايوانى

حصلت نفس المشكلة فى كونتاكت تانى
من كام شهر
وحجر تحجيره ما يعلم بيها الا ربنا
وبرشه جريئة من wd-40
اشتغل زى الفل وبقاله شهور

كل شهر برش رشه من wd-40 فى الكونتاكت كإجراء إحترازى