لمبة الحرارة ؟

[wahba87]

السلام عليكم

عندى فى الاونو الحرارة ليها لمبة مش مؤشر , حصل معايا موقف غريب جدا كذا مرة

ابطل العربية و ارجع ادورها تانى الاقى لمبة الحرارة تنور !! , مع انها مكنتش منورة قبل ما ابطل !! , اسيبها شوية تبرد و ادور تبقى تمام

اكيد العربية مش بتسخن و هى مبطلة , و الموضوع ده حصل كذا مرة

حد عنده فكرة ايه المشكلة دى

[maka]

المروحة بشتغل مع الكونتاكت و لا ديركت من البطارية

[wahba87]

المروحة بشتغل مع الكونتاكت و لا ديركت من البطارية

انا مش فاهم سؤالك اوى , بس المرحة بتشتغل لما العربية تسخن , و حتى لو بطلت بتفضل شغالة لحد لما العربية تبرد (المفروض يعنى)

لما بحاول ادور تانى و الاقيها سخنة , تقريبا بتكون المروحة مش شغالة مش عارف ليه

[Bahaaeldin]

طبيعى ان الحرارة تظهر امامك فى مؤشر الحرارة انها عالية لو قفلت العربية وشغلتها بعدها بلحظات لأن دورة التبريد وقفت أثناء ما العربية بطلت وبالتالى ظلت المياه الساخنة داخل الموتور وده اللى خلى مؤشر الحرارى يكون فى العالى. ولما بتشغل العربية تانى تبدأ الدورة تمر والمروحة تشتغل والحرارة تقل ..وعشان كده تلاحظ ان معظم السائقين المتمرسين مش بيبطلوا عربياتهم مرة واحدة لما يكونوا حيشغلوها بعد فترة قصيرة مثلا ولكن اللى بيحصل أنهم بيتركوها لغاية ما الحراة تهدأ (بفعل جريان دورة مياه التبريد ودوران المروحة) وبعدين يبطلوا العربية حتى لا تظل المياه ساخنة داخل الموتور. فالموضوع بالنسبة لك مش مقلق أبدا وده الطبيعى فى أى عربية