اللباد وتبريد الموتور

[Ashraf_Ibrahim]

ازيكم يا شباب
اخباركم ايه
في الحقيقة انا معايا فيرنا 2010
المهم العربية كبوتها كبوت على الموتور فقط لا غير
زمان كان معانا عربية تويوتا كرسيدا وكان فيه طبقة زي اللباد ما بين الكابوت والموتور ودي كانت بتعزل الصوت اكتر وكمان بتحافظ على الكبوت عشان بتعمل عازل حراري بين الموتور والكبوت
دلوقتي السؤال
هل لو ركبت الطبقة دي في كابوت العربية من جوا بحيث تكون بين الموتور والكبوت يكون فيها مشكلة من حيث تبريد الموتور؟!
انا يهمني صوت الموتور وحماية الكبوت بس في المقام الأول يهمني تبريد الموتور يكون في أفضل حالاته
منتظر آراؤكم يا شباب !

موضوع ممتاز اوى ويستحق التنفيذ
انا نفسى اعملها اوى فى الاكسيل ومنتظر رد الشباب يفيدونا

[MMamdouh]

الموضوع ملوش دعوة بتبريد الموتور

MMamdouh

زمان كان معانا عربية تويوتا كرسيدا وكان فيه طبقة زي اللباد ما بين الكابوت والموتور ودي كانت بتعزل الصوت اكتر وكمان بتحافظ على الكبوت عشان بتعمل عازل حراري بين الموتور والكبوت
!

أموووت أنــا

انته كده جيت عالجرح

الكرسيدا بردو رغم انها قديمه لكن فيها حاجات منها الي اثبت جدارتو منها الي ملوش لازمه

لكن كل عربيه وليها تصميم ومتنساش ان الكرسيدا 2000 سي سي يعني موتور محتاج جو خاص

تقدر تبص عالكبوت بتاعك هل مثلا الحراره خليتو اتعوج او ظهر فيه تعرجات ؟ او فيه رشح عليه من اي نوع ؟

ولو لقيت ليها لازمه ممكن تتشتريها وتركبها لو هتفيد الكبوت

[Ashraf_Ibrahim]

موضوع ممتاز اوى ويستحق التنفيذ
انا نفسى اعملها اوى فى الاكسيل ومنتظر رد الشباب يفيدونا

كلنا هذا الرجل :d

الموضوع ملوش دعوة بتبريد الموتور

mmamdouh

هو معلوماتي بتقول ان اللباد عازل حراري !

أموووت أنــا

انته كده جيت عالجرح

الكرسيدا بردو رغم انها قديمه لكن فيها حاجات منها الي اثبت جدارتو منها الي ملوش لازمه

لكن كل عربيه وليها تصميم ومتنساش ان الكرسيدا 2000 سي سي يعني موتور محتاج جو خاص

تقدر تبص عالكبوت بتاعك هل مثلا الحراره خليتو اتعوج او ظهر فيه تعرجات ؟ او فيه رشح عليه من اي نوع ؟

ولو لقيت ليها لازمه ممكن تتشتريها وتركبها لو هتفيد الكبوت

انا بعشق الكروسيدا جدا بكل موديلاتها اساسا
واتعلمت على الاستيشن بتاعتها السواقة عربية ضخمة جدا بس رائعة جدا
وطبعا عارف ان موتورها 2000 سي سي ودا كان بيديني ثقة غير عادية فيها
يكفي اننا كنا بنيجي بيها من الخليج والعربية زي الفل الحقيقة
ربنا يباركلك فيها

ربنا يباركلك انته كمان يا كبير

وزي ما قلتلك شوف لو الكبوت في تعرجات من الحراره مثلا او الموتور ماثر عليه ولازم يتعزل عن الموتو عشان لو بيرشح عليه ساعات ممكن يصدي او كده

لكن لو حاسس ان كل حاجه تمام وانو مش محتاجها فحاجه يبقى بلاش احسن لان ممكن تركبها وتعمل مشاكل اكتر ما تفيدك لانك ممكن تجيب نوعيه مستحملش الحراره وتزيد الحراره مثلا او تتحرق بسهوله ( فخلي بالك )

وتقبل وجهة نظري المتواضعه ( تحتمل الخطأ طبعا )

[smsm_nabawy]

مش لتبريد الموتور اللباد ده !!

اللباد عازل للحرارة والصوت وليس له علاقة بالتبريد على ما اعتقد

[amrelsaqqa]

يا جماعة هو مش يقصد ان اللباد بيبرد الموتور

هو قصده انه هيكتم الموتور
يعنى مش هيخلى فيه تبادل حرارى بين حوض العربية والجو الخارجى
(كأن حوض العربية بقى ترمس شاي ، لما يسخن يفضل سخن )


يعنى السؤال هل الموتور هيسخن وهيتكتم من تركيب اللباد ولا يركب اللباد ويتكل على الله ؟

[فادى محمد]

بص ياباشا...اللباد مالوش دعوه بحراره الموتور تبريد الموتور بيتم عن طريق دوره التبريد -المراوح-الهواء المقابل للسياره-الزيت . هو مجرد عازل بيحمي الكبوت من حراره الموتور في العربيات اللي بتسخن ولي تجربه مع الموضوع ده ..عندي نقره صغيره في الكبوت فيها معجون ..لاحظت انها بتوسع متاثره بحراره الموتور لان الالماني من العربيات اللي بتشتغل عند درجه حراره عاليه وكانت برده لما الدنيا تمطر الاحظ في الاول صهد طالع من الكبوت فخفت علي البويه فركبت فرش اللباد اللي اصلا بينزل اوريجنال مع الفيكترا ال2000 سي سي لان زي ماقلتلك حراره موتورها عاليه والنتيجه ان فعلا اللباد عزل الحراره عن الكبوت ..تحياتي