لمبة الزيت بتنور ؟؟

[Silenty]

ياجماعة انا لسة عامل طقم سبيكة ومغير طرمبة الزيت مابقاليش 10 ايام
ومن يومين كدة لاقيت لمبة الزيت نورت وانا ماشى ولاحظت انها بتنور اما ادوس فرامل جامد والموضوع دة زاد لغاية امبارح لما مشيت مشوارطويل شوية بالعربية والعربية سخنت حاجة بسيطة اوى فوق النص بحاجة بسيطة كدة يعنى لقيت اللمبة بتنور على السلانسية وبمجرد ما بلمس البنزين اللمبة بتطفى

المهم سئلت فى الحوار دة ناس قالتلى الطرمبة اللى جبتها بايظة وناس قالتلى دة عيب زيت وناس قالتلى ممكن يكون الفلتر مسدود غير زيت وفلتر

وانا عشان اريح دماغى روحت مغير زيت وفلتر ولاحظت الحمد لله اللمبة مابقتش تنورخالص ولا على سلانسية ولا مع فرامل

المهم انا اما عملت السبيكة وطرمبةالزيت غيرت زيت بس نسيت اغير الفلتر والفلتر دة قعد معايا غيارين زيت نوعين مختلفين وزيادة زيت نوعين مختلفين

يعنى تقريبا الفلتر دة كان فية مزيج من زيت ايسو وشل الاحمر والتعاون الاحمر وزيت سايب
فهل ممكن المزيج دة يكون كان مأثر على كفائة الزيت ؟؟؟؟ ودة اللى خلى اللمبة تنور ؟؟؟؟

وفى حاجة كمان
اما الميكانيكى غيرلى الزيت حط 3 ونص كيلو بس بالرغم انى على طول بحط 4 كيلو فهل دةكان ممكن برضو يكون سبب ان اللمبة تنور ؟؟؟

انا بينى وبينكم ماجربتش العربية مشوار طويل عشان اعرف اللمبة حتنور تانى ولا لا بس انا حاسس ان المكنة صوتها ارتاح شوية اما غيرت زيت وفلتر افيدونى ربنا يباركلكو

[Ashraf_Ibrahim]

انا مش هقدر افيدك غير في الكمية بتاعة الزيت اللي حطهالك الميكانيكي
بالفعل بيحط 3.5 لتر لما مبتغيرش فلتر الزيت لأن الفلتر بيكون جواه كمية من الزيت طبعا
لكن لما بتغير الفلتر مع تغيير الزيت تقريبا بيتحط ما بين 3.75 الى 4 لتر يا عزيزي
ننتظر الاخوة بقا يفيدوك في النقاط الباقية
ومبروك عليك تجديدات العربية يا عزيزي