إعـــــــلان

Collapse

.

,
See more
See less

*كيا بيكانتو* صيانة ال40000 * Eit

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    *كيا بيكانتو* صيانة ال40000 * Eit

    أول ما استلمت العربية كانت عاملة 35000 كم و قررت انها أول ما تتم ال40000 هوديها التوكيل يعمل كل المطلوب ....بس عند ال38000 قلت أروح و خلاص....

    كنت قاريت الاعلان في أهرام الجمعة من شهر كده عن التوكيل بتاع محمد نصير EIT اللي في أبو رواش...و قررت ان هو ده اللي هاروحه...و فعلا روحت و كانت اول مرة أروح أبو رواش و تهنا توهة محترمة لأنه في اخر أبو رواش خااالص:o

    دخلنا و من حسن حظنا انه كان فاضي تماما مكانش فيه غيرنا واقفين بالعربية....جه مهندس الاستقبال و قلنالوه عايزين نعمل صيانة ال40000 و قلتله علي شوية ملحظات في العربية و كتبها في الجوب...و قال ان صيانة ال40000 هتكلف 750 جنية و بالحاجات اللي انتم طالبنها ممكن توصل ل1000...و هتاخد 3 ساعات شغل...قلنا اشتغل يا باشمهندس...

    دخلنا الأول اتفرجنا في صالة العرض و شوفنا البيكانتو الجديدة...الشيئ اللي عجابني قوي فيها هو اللون الاسود عشان كان بيلمع بطريقة غريبة عكس عندي خالص...لأن اللون عندي بقي بهتان و مش منور كده...بس ده الطبيعي في شوارع مصر:)

    نزلنل بعد كده علي قاعة الانتظار...واسعة و فيها شاشة كبيرة و فيلم علي روتانا:D....و جميع انواع مجلات السيارات ...قعادنا شوية و شربنا الشاي...و نده علينا المهندس قالنا لاقينا انها محتاجة طنابير و تيل أمامي (التيل أنا عارف انه محتاج تغيير لكن الطنابير كانت كويسة) و محتاجة بطارية كمان (كانت كويسة برده من يوم ما خدت العربية بس شكلها كان يقرف و مملحة)

    و بما ان والدي كان معايا(الفلوس يعني:D) قاله غير الطنابير و التيل بس خلي البطارية احنا هانغيرها و قالنا اه بلاش عندنا عشان ب 750:D:D

    بعدها بساعة بالظبط نده علينا تاني و قالنا خلاص العربية جاهزة..(و فعلا قعدت 3 ساعات بالظبط زي ما قال)

    لاقينا العربية مغسولة و الموتور و العفشة مغسولين و زي الفل مع اني ماطلبتش...و قالي غيرنالك كام حاجة قولتله فعلا انا كنت نسيت أقولك عليهم(لمض و فلتر التكيف).....و بيدوك كل حاجة قديمة اتغيرت في العربية

    و جاء وقت الحسااااب...اليكم قائمة باسعار قطع الغيار و الصيانة اللي دفعتها:

    عدد 2 طنبورة أمامي 410
    تيل أمامي 201
    فلتر بنزين 65
    فلتر زيت 25
    فلتر هواء 25
    عدد 4 بوجيهات 60
    فلتر تكيف 80
    زيت شل هيليكس ألترا 205
    زيت فرامل 11
    زيت فتيس 35
    مبرد رادياتير شل 38
    لمبة أمامية 60
    لمبة شبورة امامية 29
    (الأسعار غير شاملة ضريبة المبيعات)

    تكلفة مصنعية صيانة ال40000: 137
    حل و تركيب عدد 2طنبورة مع تيل الفرامل: 82
    أعمال ميكانيكا: 27

    المجموع شامل ضريبة المبيعات: 1652

    طبعا الاسعار عالية بس مش في كل حاجة...بس أحنا كنا مقررين ان هنوديها المرة دي بس عشان نبقي متطمنين 100100 من العربية....

    بس الناس محترمة جدا و مش مهملين و كنت سايب حاجات غالية في العربية و باينة (موابيل لسة في علبتة و سماعة بلوتوث) و محدش قرب منهم...

    و احنا ماشيين جيت ادور ما كانتش عيزة تدور... هيه أصلا عمرها معملت معايا كده...قولت اكيد بوظوا حاجة او المية بوظت حاجة جوة الموتور.....ندهت المهندس و قالي يا فندم البطارية و انا الفار بيلعب في عبي و قعد يحلف و انا مش مقتنع برده...فا قالي طب استني...و راح جاب عامل معاه تونجر و ربطة في البطارية و راحت دايرة...شكلي كان وحش طبعا بس ارتحت:)

    بالنسبة للعربية بعد الصيانة اكتشفت ان مكنتش المفروض ابقي مبسوط بيها قبل الصيانة:D...رغم انها كانت زي الفل و مابشتكيش من اي حاجة...بس السحب و صوت العفشة اختلفوا تماما و التكيف اكتر حاجة بسطاني...بقي رهييييييب علي 1 و ببقي هاتلج و اول ما أطلع علطول مابيخدش وقت يسقع

    روحت بعد كده علي بتاع البطاريات بتاعنا و شافها قالي دي جايبة ربع...قلتله ارمي و هات جديد قالي الجافة AC Delco ب 330 ...و السائلة ب 270 و القديمة بيخدها ب30 جنيه...هات الDelco يا عم....و ركب و دارت زي الفل :).....و علي فكرة اسعار البطاريات نزلت تاني و بقت شبه طبيعية

    ديه تقريبا كل حاجةعملتها اليوم ده...اينعم صرفت كتير بس كده العربية امنة تماما و يتسافر بيها مستريح من غير مشاكل ان شاء الله..
    ____

    اللي عنده أي استفسار انا جاهز

    يارب اكون افدتكم و وضحت حاجات كانت مبهمة
    [CENTER][SIGPIC][/SIGPIC][/CENTER]
    الكلمات الدلالية (Tags): 20, 40, 400, 50, bmw, eit, أبو رواش, أسعار, ابن, احنا, اداء, استلمت, اسعار, اسعار قطع الغيار, الأولى, التو, التوكيل, الجديدة, الصيانة, اللي, الي, ام, بنزين, بيع, بيكانتو, تركيب, تغيير, تكيف, توكيل, تيل, جنوط, حساس, زيت, سعة, سول, سيارات, صوت, صيانات, صيانة, صيانه, طالب, طريقة, طنابير, عايز, عربية, عرض, عفشة, عليهم, عن, غالية, غيار, فتيس, فرامل, فلتر, فلتر بنزين, فلتر تكيف, فلتر هواء, في, قائمة, قطع, قطع الغيار, كل, كيا, كيا بيكانتو, مشاكل, مصر, مع, معلومات, من, مواضيع, موتور, نور, هنا, هي, وكيل
  • #2
    ممتااااااز
    جدا

    ده معناه ان كيا فعلا أصبحت في يد أمينة
    الف مبروك على الصيانة

    بس أنا زعلت ان البطاريات رخصت (لسة شاري واحدة من أسبوع AC Delco ب 500 بندق)
    [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

    Comment

    • #3
      هايل يا استاذ نادر...بص انا لسه من يومين جايب عربية نسخة من اللى معاك بس 2004 عامله33 الف كم ...ياريت تقولى ايه المطلوب اعمله كصيانة..هى الحاجه الوحيدة اللى قالولى ساعه الكشف انها حتتعمل اويسيل الكرنك و ده كان مسرب ووقف تسريب بس لازم يتغير..لكن غير كده مش عارف اعمل ايه...ليا سؤال..هو الباور ستيرنج بتاع العربية دى فعلا خفيف اوى اوى كده ولا انا اللى عندى مشكلة معلش انا كنت راكب 3 عربيات باور قبل كده ملقتش حاجه بالمنظر ده
      [CENTER][FONT=Tahoma][COLOR=blue]لا إله إلا انت سبحانك إنى كنت من الظالمين[/COLOR][/FONT][/CENTER]

      Comment

      • #4
        أول ما تتم ال 35 روح اعمل صيانة ال 35000 و ديه عبارة عن الكشف علي جميع أجزاء العربية و تربيط و تغيير ما يلزم و هايقولك محتاجة ايه و هيعملو الاويل سيل ده كمان....

        الباور فعلا خفيف جدا...أنا عندي رغم ان فيه جنوط عريضة الا انه خفيف جدا في المناورات...و بيثيت علي السرعات...مبيلعبش خالص...و أي استفسار انا تحت أمرك
        [CENTER][SIGPIC][/SIGPIC][/CENTER]

        Comment

        • #5
          شكرا على ردك..انا حروح ان شاء الله و عالله ميطلعش فى حاجه تانية مستخبية..وكويس ان موضوع الباور ده بيثبت على السرعات لانه كان حيبقى مشكلة.
          [CENTER][FONT=Tahoma][COLOR=blue]لا إله إلا انت سبحانك إنى كنت من الظالمين[/COLOR][/FONT][/CENTER]

          Comment

          • #6
            مبروك الصيانة يا نادر وعقبال صيانة ال 400 الف
            انت هاتقولي على نصير
            ناس زي الفل وفاهمين شغلهم جدا
            الاسعار مش غالية
            بس لكل حاجة لوحدها وانت تعرف
            بس المشكلة انت عملت صيانة ال 40
            ومعروف ان صيانة ال 40 و 80 بيبقي فيهم تغيير حاجات كتير
            وكمان طنابير
            واضح ان اللي قبلك سواقتة وحشة
            ربنا يباركلك فيها
            ورح للتوكيل كل 10 او 20 الف

            جروب ورشة نايل موتورز علي الفيس بوك

            صفحة ورشة نايل موتورز على الفيس بوك

            Comment

            • #7
              المشاركة الأصلية كتبت بواسطة karim_monir مشاهدة المشاركة
              مبروك الصيانة يا نادر وعقبال صيانة ال 400 الف
              انت هاتقولي على نصير
              ناس زي الفل وفاهمين شغلهم جدا
              الاسعار مش غالية
              بس لكل حاجة لوحدها وانت تعرف
              بس المشكلة انت عملت صيانة ال 40
              ومعروف ان صيانة ال 40 و 80 بيبقي فيهم تغيير حاجات كتير
              وكمان طنابير
              واضح ان اللي قبلك سواقتة وحشة
              ربنا يباركلك فيها
              ورح للتوكيل كل 10 او 20 الف

              الله يبارك فيك يا كريم:)

              علي فكرة الطنابير أما بصيت عليه كانت كويسة جدا ...لو اتخرطت هترجع زي الفل لأن مكانش متاكل منها غير حوالي نص ميللي...و لاقيت حتة جواها متعضعضة غالبا كان فيه زلطة بين التيل و الطنبورة و داس عليها فرامل...بس الواحد كده ارتاح و ريح باله
              [CENTER][SIGPIC][/SIGPIC][/CENTER]

              Comment

              • #8
                مبروووك علييييك البيكانتو العروسة بعد ما اتظبتت :)


                نااادر نااااااااادر

                شفت السيراتوووووووو ؟؟؟؟؟؟؟؟؟؟؟ ايه رأيك فيها ؟؟؟
                [SIZE="2"]i'll miss everyone[/SIZE]

                Comment

                • #9
                  مبروك يا نادر صيانة ال 40 و عقبال ال 400 ان شاء الله
                  والاسعار انا مش شايفها فارقة كتير عن برة
                  بس ماتسبش العربية كتير كدة من غير رعاية عشان متوهش منك
                  وكل حاجة مهما كانت صغيرة بتفرق كتير و خصوصاً لما بتكون حساس لأداء العربية
                  و ربنا يباركلك فيها

                  Comment

                  • #10
                    معلش انا مش شايف تمن الطنابير غاللي
                    ولما بتخرط بتنزل نص مللي عن المقاس الاصلي
                    وبيفرق في اداء العربية عشان مشوار زيت الباكم وحساس لمة الفرامل لما الكنترول يوني يديها اشارة لما التيل يتاكل
                    كدة افضل بكتير
                    العربية برضه لسه ماكملتش 5 سنين

                    جروب ورشة نايل موتورز علي الفيس بوك

                    صفحة ورشة نايل موتورز على الفيس بوك

                    Comment

                    • #11
                      المشاركة الأصلية كتبت بواسطة NaderNabil مشاهدة المشاركة
                      روحت بعد كده علي بتاع البطاريات بتاعنا و شافها قالي دي جايبة ربع...قلتله ارمي و هات جديد قالي الجافة AC Delco ب 330 ...و السائلة ب 270 و القديمة بيخدها ب30 جنيه...هات الDelco يا عم....و ركب و دارت زي الفل :).....و علي فكرة اسعار البطاريات نزلت تاني و بقت شبه طبيعية
                      ألف مبروك يا نادر وعقبال الـ 400 ألف
                      بس قوللي صحيح
                      هي البطاريات رخصت؟؟
                      انا كنت سامع أرقام بعد الـ 500 بكتير
                      [CENTER]Me on Twitter
                      @aliabutaleb[/CENTER]

                      Comment

                      • #12
                        الف مبروووووك يا نادر و عقبال صيانة ال 200 الف كم لما تخلصها نبقى ندعيلك لل 400 الف :p:p:p:p:p:p:p:p:p:p:p:p:p
                        [CENTER]الحمد لله[/CENTER]
                        [CENTER] [/CENTER]
                        [CENTER][sor2]http://farm3.static.flickr.com/2639/3939929853_4547d6e150.jpg[/sor2][/CENTER]

                        Comment

                        • #13
                          ألف شكر يا جماعة....ربنا يبارك فيكم:)

                          المشاركة الأصلية كتبت بواسطة karim_monir مشاهدة المشاركة
                          معلش انا مش شايف تمن الطنابير غاللي
                          ولما بتخرط بتنزل نص مللي عن المقاس الاصلي
                          وبيفرق في اداء العربية عشان مشوار زيت الباكم وحساس لمة الفرامل لما الكنترول يوني يديها اشارة لما التيل يتاكل
                          كدة افضل بكتير
                          العربية برضه لسه ماكملتش 5 سنين
                          علي فكرة...اللمبة كانت بتنور أصلا لما ادوس فرامل جامد:D...و بعد ما غيرنا اكتشفت ان الفرامل اللي كانت في الأول شبة ال127:D

                          ألف مبروك يا نادر وعقبال الـ 400 ألف
                          بس قوللي صحيح
                          هي البطاريات رخصت؟؟
                          انا كنت سامع أرقام بعد الـ 500 بكتير

                          ربنا يبارك فيك:)
                          أنا بتاعتي 40 امبير الصغيرة ب 300 جنيه!

                          و قاللي اللي انا أخدتها منه لل127 من 3 شهور اللي كانت ب 450 باقت ب 360 دلوقتي...و بيقوللي انه خسران حوالي 8000 جنيه في البطاريات المستعملة عشان كانوا بياخدوها غالية و سعرها نزل في يوم و ليلة
                          [CENTER][SIGPIC][/SIGPIC][/CENTER]

                          Comment

                          • #14
                            الف مبروك نادر باشا علي صيانة ال 40الف
                            وربنا يباركلك فيها
                            [COLOR="Red"][URL="http://www.7abamix.com/2minutes.htm"][SIZE="6"]سبحان الله وبحمده[/SIZE][/URL][/COLOR]

                            Comment

                            • #15
                              المشاركة الأصلية كتبت بواسطة onna مشاهدة المشاركة
                              مبروووك علييييك البيكانتو العروسة بعد ما اتظبتت :)


                              نااادر نااااااااادر

                              شفت السيراتوووووووو ؟؟؟؟؟؟؟؟؟؟؟ ايه رأيك فيها ؟؟؟

                              الله يبارك فيكي يا نهي:)

                              و طبعا شفت التحفة السيراتو....و عجبتني جدااااا...و الريو كمان داخلة دماغي قوي...ممكن أفكر فيها كمان 4 سنين ولا حاجة:D
                              [CENTER][SIGPIC][/SIGPIC][/CENTER]

                              Comment

                              السابق 1 2 template التالي
                              Working...
                              X