مشكلة فى باسات 99

[dr_radioooooo]

السلام عليكم ورحمة الله وبركاته
الموضوع باختصار ان اللمبة التحذيرية بتاعة الحرارة بتنور عندى فى التابلوه
اول ما بدور العربية اللمض كلها بتاعة التشيك بتنور لمدة 3 او ربع ثوانى و بعدين بتطفى
الا اللمبة دى بتعد تنور وتطفى لغاية لما درجة حرارة العربية توصل 90 و بعدين تطفى
و العربية بتتدينى صفارة تلات مرات
المهم بصيت فى الكتالوج لقيته بيقول على الصفارة التلات مرات دى ان لازم تقف حالا لان فى مشكلة فى التبريد
وان اللمبة دى بتنور لو المية ناقصة او العربية سخنة او فيوز المروحة عاوز يتغير او اسباب تانية
المهم لاحظت ان العربية صيف شتا مشغل التكييف او طفيه مسافر او فى عز الزحمة درجة الحرارة 90 و مش بتزيد
العربية مبتسخنش الحمد لله و المية مش بتنقص بزودها بتاع كباية كل شهر
ملحوظة
مالك العربية اللى قبلى كان بيحطلها مية من الحنفية بس لما اخدتها منه نظفت الدورة فى البنزينة و حطيت بتاع اربع ازايز مية مركزة و خففتها , الكلام ده الصيف اللى فات و المية لحد دلوقتى لونها اخضر زى ما هى
ممكن حد يدلنى على حد يكون امين و بيفهم فى الباسات و يكون مبيفتحش شغل و خلاص عشان اكشف على العربية عندو ....... و يا ترى بكام كشف الكمبيوتر
تقبلوا تحياتى و شكرا مقدما لكل اللى هيرد على استفسارى

[elewey]

يا باشا لازم تحط العربية على السكانر عشان تعرف المشكله ايه ممكن يكون حساس مهنج او حاجة يعنى لازم تروح لمركز او التوكيل