ارجوكم افيدوني في لادا ومعدل استهلاك البنزين

[douha_nour]

لعربيه لادا 2105 حالة الرعبية كويسه
المشكلة ان العربيه بتستهلك بنزين بمعدل اللتر بيعمل بالكتير 5 كيلو
يعني 100 كيلو في الصفيحة بس ده داخل البلد مش علي الطريق السريع
يعني بمشي علي الثاني والثالت
المهم مش عارف دا استهلاك كويس ولا لا
غيرت البكات لبكات اصغر مفرقتش معايا كتير يعني زودت حوالي نص كيلو ولا كيلو بالكتير اوي بس لقيت العربيه اتخنقت ومعدتش بتجي ولا تسحب حلو رجعت البكات القديمة بتاعه العربيه واتضبطت بس الاستهلاك زي ما هوة داخل البلد ممكن حد يفيدني ويقولي المعدل الطبيعي كام داخل البلد وخارج البلد وايه الحل ؟ بحط بنزين 80

[douha_nour]

محدش موجود هنا ولا ايه ؟

[douha_nour]

مفيش حد يفيدنا ولا ايه ؟

[M.FOUAD]

المعدل الطبيعي حوالي ب 180 كيلو في الصفيحة

[lada2010]

المشكلة عندك فى الكرباريتر عندك الاكس فية بوش ودى يودى الى استهلاك البنزين اطلع على العسكرى اللى فى جسر السويس هيظبط لك الكرباريتر وهتلقى الاستهلاك اتظبطت وشوف فية تسريب بيجى من المواسير ولو انت قريب من المعادى تعالى اشوف لك العربية لو عايز تعرف المشكلة من اية ودا رقمى 0189715466

انهي مواسير ؟؟

[graffittiii]

نصيحة لو الإستهلاك عالي وسط البلد بس ... لكن ف السفر عادي .. يبقي الأحسن ماتلعبش ف حاجة لان الأختراعات كتير زي مانت عارف .. ومعني انها ف السفر إستهلاكها مضبوط يبقي مافيش مشكلة وعلي فكرة الاستهلاك وسط البلد مش بيتقاس بالكيلومترات... (( مجرد راي والخيار يعود إليك )) .

[douha_nour]

امال وسط البلد بيتقاسباية يا باشا ؟ علوز لفهم

[smsm061274]

لا طبعا الاستهلاك عالى جدا واكيد عندك مشكله ولازم تكشف على الكاربيتير و مسار البنزين بالكامل

[douha_nour]

تم وضع منظف دورة البنزين الامريكي والغربية ان الاستهلاك قل باه 6.5 بدل 5 كيلو للتر يا تري ايه رايكو وكدا كويس ولا لسه وطبعا دا للدخلي
وعلي فكرة العربيه عالية شوية علي السلانسية عشان اتجنب مشكلة سحب الماتور لما بايد النور بس مش عالية قوي يعني
حاجه كمان دلوقتي لما ببطل العربيه مش بتدور الا لما بسند بنزيين وارجع ابطل وادور تدور علطول يمكن دا يكون بسبب المنظف ؟ ايه رايكو