ميحان 2: أنها حقاً سيارة محترمة

[Ahmed Selim]

السلام عليكم يا شباب

أنا لسة راجع من شرم الشيخ و حصل معايا موقف لازم تعرفوه

أنا كنت رايح يوم السبت الفجر لوحدى وطبعاً سواقة 500 كم وانت لوحدك فى العربية ممكن تجبلك هسهس :-)

المهم أنا كنت ماشى طول الطريق على 160 \ 170 و جبت قبل شرم ب 200 كم كنت على أخرى من الزهق المهم بدأت أجرى شوية 180\190 وساعات 200 و بعدين أهدى تانى و بعد نص ساعة كنت مثبت 190 \200 وبعد نص ساعة كمان على السرعة دى لقيت لمبة ال Service نورت والشاشة كتبت Gearbox Overheating أو ما معناه أن زيت الفتيس حرارته عليت زيادة عن العادى
طبعاً أنا قلبى وقع فى رجلى و بدأت العن اليوم اللى جبت فيه الميجان
المهم وقفت على اليمين و مرضتش أبطل العربية لحسن متدورش تانى وأنا لسة فاضلى 120 كم
كلمت رقم ال Call Center 16202 الساعة 8:30 صباحاً ردو عليا على طول وحولونى لمختص
حكيتلو القصة و وأنا بحكيلو اللمبة طفت لوحدها
الرجل قللى باللفظ " أنت ماشى فوق ال 160 لمدة طويلة صح ؟ "
قلتلو صح قالى أنزل بالسرعة لحد 130 شوية و هاتلاقى اللمبة طفت لوحدها
قولتله فعلاً هى لسة طافية حالاً قالى خلاص كمل عادى بي متفضلش ماشى كتير فوق ال 160 170
قولتله طب أروح أشيك على العربية أول لما أوصل شرم قاللى لأ مفيش مشكلة بس لو ظهرت معاك تانى روح

أنا طبعاً لميت نفسي و كملت باقى الطريق بين 130 وال 150 و الحمد لله مفيش حاجة حصلت
و أنا راجع النهاردة فضات ماشى أول 200 كم ما بين 170 و 180 واحمد لله برضه مفيش حاجة.


أنا شايف انها لو كانت عربية تانية مش بالتكنولوجيا دى كان زمان الفتيس فى الباىباى

أيه رأيكم ؟

الحمد لله أنها عدت على خير

[Ahmed Selim]

الحمد لله

شكراً يا كابو

السلام عليكم ورحمة الله وبركاته.
هي فعلا سياره محترمه جدا وبجد والله اعجابي بيزيد بيها يوم عن يوم ............ صحيح انا فنيا ماعرفش ايه ضرر اني امشي فتره طويله على سرعه عاليه او بالأحرى هي اقصى سرعه للعربيه لكن اللي جيه في دماغي اول ما قرأت التحذير اللي طلع لحضرتك هو ان معاك واحد فاهم في العربيه بيقولك كل حاجه :) ودي تكنولوجيا محموده بأي حال من الأحوال مهما كان بقى هايطلع اشاعه رقم 100000000000 ان زيت فتيس الميجان 2 وحش وبيسخن ولا حاجه :D برضه يكفي ان معمول حساب كل صغيره وكبيره في العربيه دي وانا شخصيا منتظر المزيد من نفحات هذه المركبه ذات الاربع عجلات تيوبلس ...........اعذروني اصلي فرحان بيها بجد مش عارف ليه فيه حاله من العشق والهيام بيني وبينها :p ربنا يديم المحبه دي وماقومش الصبح الاقي حاجه كده ولا كده :D بهزر طبعاً شكرا على مشاركتنا التجربه يا استاذ احمد وحمد لله على سلامتك و أوصيك خيراً بلاش السرعات الكتير دي وربنا يكفينا جميعاً شر الطرق يا رب .

[Ahmed Selim]

شكراً يا رامى

معلش أصل الطريق طووووووووووويل أوى وأنا ممكن أنام فى طريق زى ده الا لو كنت بجرى :-)

و الله العربية دي تحححححفة

[Sharky]

لما الكمبيوتر بتاع الميجان بيحس أول بأول بحالة العربية و يديك تقرير بيه قبل الخطر هو دا قمة التكنولوجيا فى نظرى و هى دى أهم حاجة الواحد محتاجة من التكنولوجيا الجديدة لإنه بيحافظ على إستقرار العربية قبل ما يحصل مشاكل فيها .

معنى سواقتك لمسافة 300 كم على سرعة لا تقل عن 160 كم/ساعة و زادت لمسافة 100 كم أخرى لسرعة لا تقل عن 190كم/ساعة كم متواصل و تيجى العربية تنبهك إن حرارة زيت الفتيس إرتفعت و تيجى بعد كده تكمل لمسافة 120كم على سرعة 150كم/ساعة دا ما يعيبش فتيس الميجان بالعكس بيثبت كفاءته و إن كان فيها عيب كان الفتيس حصله حاجة و كان و إنت راجع لما مشيت لمسافة 200 كم على سرعة 180كم/ساعة كان نورت تانى أو حصله حاجة فى الفتيس

من الأخر مازلت الميجان تحصد مزيد من الإحترام و التقدير من ملاكها الذين بينهم و بينها حالة من العشق و الإعجاب لا توصف

[Ahmed Selim]

من الأخر مازلت الميجان تحصد مزيد من الإحترام و التقدير من ملاكها الذين بينهم و بينها حالة من العشق و الإعجاب لا توصف

+1111111111111

عربية ممتازة فعلا والتكنولوجيا اللى فيها دى بيزود لامان وينبهك بالخطر
وحرام اللى بيتعمل فى الميجان عند اعادة بيعها بتنزل نزلة متستاهلش كده خالص
والحمد لله ان هى عدت على خير
وحمدا لله على سلامتك

[Sharky]

من الحاجت إللى عجبتنى فى الموضوع دا التوكيل

المهندسين إللى فى التوكيل عارفين كل صغيرة و كبيرة فيها
بمجرد ما قلتلوا يا أحمد على المشكلة عالطول قالك حصلت إزاى و حلها إيه

من الأخر
سيارة محتـــرمة+توكيل ممتاز و فاهم تكنولوجيا العربية صح = إطمئنان ملاكها