العربيات القديمة مش هتتسحب

[ابوهاشم]

ياجماعة اتا ملاحظ ان لسه فى ناس بتتكلم عن ان الحكومة هتسحب الغربيات القديمة وتمنع ترخيصها
مع ان مجلس الشعب خلاص اقر قانون المرور الجديد الاسبوع الماضى وحسم الموضوع ده واعلنوه فى الجرايد والتليفزيون
وكانت بنود القانون كالتالى
عدم الترخيص نهائيا لاى مقطورةوالتنبيه على مالكى المقطورات بتعديل السيارات ومنع سير المقطورات
عدم الترخيص لاى سيارة ( اجرة ) مر عليها 20 سنة والتسهيل لمالكها بشراء سيارة جديده بنفس النمر وبيع القديمة ملاكى
عدم تحويل سيارة ملاكى الى اجرة وقد مر عليها 10 اعوام من الموديل
مضاعفة غرامات المخالفات وتغيير بعض المخالفات الى غرامة وحبس ومنها
السير فى طريق عكسى حبس وغرامة
تجاوز السرعة فى الطرق غرامة وحبس
القيادة بدون رخصة والقياده لمن هم دون ال18 سنة غرامة وحبس
والسيارات القديمة او الجديده يتم فحصها فنيا فى المرور لتجديد ترخيصها
الف مبروك لكل ملاك السيارات القديمة على التخلص من القلق اللى كان هيجننهم من سحب سيارتهم وانا اولهم
وياريت ماحدش يصدق اى كلام فى الموضوع ده تانى لان اى موضوع بينشروه الاخوة الاعضاء عنه بيكون منشور قديم

[thegoodhacker]

الله ينور عليك يا باشا........ الناس لغاية دلوقتي متصورة ان العربيات اللي مر عليها اكتر من 25 سنة حتتسحب مع ان خلاص تم اقرار قانون المرور الجديد ومالوش دعوة بالملاكي خالص .......... تحديد العمر الافتراضي ده للاجرة بس

[hamedo0]

شكرا" يا باشا بس كده اسعار القديم لسه عالي ولا ايه الاخبار

[Xpert]

يا باشا احنا عارفين انه مش هايحصل ... مش ممكن يحصل ... بس هايشدُوا علي الفحص جامد ....
الكلام ده يتم نشره لاغراض في السوق السيارات علشان التجار يشتروا العربيات اللي اصحابها مقتنعه انها هاتتلغي بسعر واقع و اعاده بيعها بسعر عالي ...

[talent]

شكرا على المعلومات

[Karim_Monir]

انا اعرف تاكسيات بيجو 504 اتباعت عشان تتعمل ملاكي ب 20 و 25 الف بس
تخيلو والله حرام دي كانت بتعد 70 الف مستريح

[ابوهاشم]

هما بس كانو عاوزين يشغلو البنوك القطاع العام اللى الفلوس راقده فيها
وفى نفس الوقت يشغلو مصانع السيارات المحلية واحنا اللى نحاسب
لكن الحمد لله المحاولة فشلت

[ahmedezzat78]

انا اعرف تاكسيات بيجو 504 اتباعت عشان تتعمل ملاكي ب 20 و 25 الف بس
تخيلو والله حرام دي كانت بتعد 70 الف مستريح

اعتقد 70 عشان رخصة الأجرة
لكن 25 ده تمن عربيه بيجو هلكانة و ده منطقى

[muslem]

هو البيجو فعلا اللى اتظلم فى الحكاية دي بس يعتبر فرصة للى عايز يشتريه و كان غالى عليه قبل ما التجار يسحبوها ليهم و يغلوها علينا تانى
بالمناسبة محدش يعرف حد عايز يبيع بيجوا استشن اللى بيسموها النعش الطائر :d

[muslem]

لكن 25 ده تمن عربيه بيجو هلكانة و ده منطقى

لا مش بتبقي هلاكنة ولة حاجة بل اصحابها كانوا بيصرفوا عليها بال10.000 جنيه علشان كده كانت رايح جي من غير شكوى لانها عفية و الا ما كانت استمرت اصلا
انا عندى جارى بيشتغل على تاكسي اشترى دايو بدل البيجو بس اللى هى قديمة اوى اللى فيات مقلداها

[ابوهاشم]

وفى الللى اكتر من البيجو
عندك المرسيدس 200 او 230 موديلات سبعينات واسعارهم بتوصل ل 60000 اصحابهم بقى كانو هيلطمو

[Mzeid]

و الله حرام اللي بيحصل فينا دة .. لازم يسحبوا العربيات اللي فات عليها 10 سنين مش 25 سنة مع إن إحنا عندنا عربية قديمة 1978 - الهمفي ال 128 - بس أنا مع سحب العربيات بشدة و زي ما قلت اللي من 10 سنين مش 25 سنة لأنها بتضرنا أكتر ما بتفيدنا و بتستهلك بنزين على الفاضي دة بالإضافة إلى إن شكلها مش حضاري بالمرة خالص و مسوءة شكل البلد هي و التاكسيات القديمة قدام السياح الأجانب اللي بيزوروا مصر .. أنا مش عارف الناس ليه خايفة من موضوع سحب العربيات دة دة المفروض يشجعوه مش يرفضوه ..
نقطة ثانية .. أنا أحب أن أوضح إن القانون تم الموافقة عليه في مجلس الشورى و لسة مجلس الشعب ..

[amrhussein123]

الف شكر علي ابضاحك

وياريت الموضوع يتثبت عشان الجميع يستفيد

[ramexs]

ya3ny ya gama3a ana 3ayez ashtary el yomeen dolaa

bmw e30 model 1987

ashtary walla a3mel ahh ana mesh 3araaf ahh akher kalam at2al fel 7ewar dahh we el 3arabeya mesh rekheesaa ya3ny 50,000 genaah we el sara7a testaheeeel .

ahh ra2yoko ya gama3aaaaaaaaaaaaaaaaaaaaaaaa !!!!!!

[ahmed1981]

بالمناسبة محدش يعرف حد عايز يبيع بيجوا استشن اللى بيسموها النعش الطائر :d

قصدك البيجو ال 404 ولا ال 504