شحط سنّ الكارتيرة

[midooz]

و أنا رايح أغير زيت .. الواد اللي بيغيرلي زيت بعد مفك الطبّة .. قاللي المرة الجاية لما تيجي تغير إبقى إشحط سنّ الكارتيرة ... يعني إيه عشان أنا مش فاهم ؟؟؟؟؟

[smsm_nabawy]

كنت تسأله !!لأن من الواضح أن مفيش أي حد فاهم المصطلح العجيب ده !!!

:)))

مش فاهم انا كمان

[dr.hazem]

مش لاعب!!!!

[smsm_nabawy]

مش لاعب!!!!

ههههههههه .. ولا انا ،، متفقناش على كده يا عم الحج !! :))

للأخ صاحب الموضوع !!

أنا الي أعرفه أن الكارتيرة دي هي البلاستيكه الي بتتحظ في تجويف الرفرف !! علشان الرملة و الزبظ و كده ميوسخش الرفرف و العفشة من جوا !! و الله اعلللم

هوا غالبا بيتكلم على كارتيرة الزيت اللى فى الموتور من تحت ودى بيكون فيها مسمار بيتفك علشان الزيت ينزل ممكن يكون قاصد ان السن اتاكل او انك تربط المسمار كويس الله

شحط يعنى بالعافية سن الكرتيرة اللى هو القلاووظ بتاع الطبة فى الغالب
بالتقريب كدة هايدق عليها علشان السن يقفل شوية والطبة تربط شحط علشان لو فى ترشيح ولا حاجة

[wlng76]

أعتقد ان فى حالات مشاكل فى السن أنك تعمل حاجة من التالى:
1- تغيير كارتيرة الزيت
2- عمل سن جديد للكارتيرة وده بيكون عند خراط وبتشترى طبة جديدة مقاس السن الجديد
3- بتلف تفلون بتاع السباكين علشان تحكم الرباط كويس وأعتقد ان اللى بيغير الزيت اكيد جرب المسالة دىز

نصيحة عامة تجنب تغيير الزيت فى محطات البنزين احيانا العامل مش مدرب فبيتسبب فى نعومة السن او فساده

[mohamed_e36]

انا متهيألي قصده تمشط سن الكرتيره يعني تروح لخراط ينعملك السن بتاع الطبه عشان تربط حلو لانها ممكن تكون بتنقط زيت (السن اللي بيربط فيه الطبه اللي بينزل منها الزيت القديم)

[fny81]

انا كان رأى تسأله فى وقتها يعنى ايه و تريح نفسك يا باشا