العربية مكتومة وبتبطل على السلانسية ؟؟!!

[Silenty]

السلام عليكم ورحمةالله وبركاتة

معلش الموضوع طويل شوية بس انا حختصر فية على اد ما اقدر

انا يا جماعة لسة مغيرعمود كامة (مش علوية ) يعنى حليت المكنة من تحت كلها واول ماخدت العربية من عند الميكانيكى لاحظت حاجتين اول حاجة العربية حاسس انها مكتومة كتمة غريبة كدة وحتى صوت الموتور بقى ناعم على السلانسية اة بس بيبقى خشن اوى امابكبس بنزين بحس انها بتنعر كدة وفى رعشة فى دواسةالبنزين والكرسى بتاعى زى ماتكون كهربا كدة
والعيب التانى ان اول اما العربية بتسخن بدووس فرامل العربية ترعش كدة اكنها هتبطل والاقى لمبة الزيت نورت وتطفى على طول اول ما ازود بنزين ولو كبست فرامل جامد تبطل

المهم رجعت للميكانيكى فصلى خرطوم من السيرفو وجربت لاقيتها مش بتبطل بس الفرامل محجرة تحجيرة سودة طبعا
المهم قالى دة عيب سيرفو عايز يتصلح وراح معليلى العربية عشان ماتبطلش منى وانا مروح
المهم روحت صلحت السرفو عملتلو طقية واويلسيلات وعيب التبطيل دة راح الحمد لله ساعتها وانا واقف عندو وانا بجربها فى الشارع اللى جنبو الحمد لله

المهم بعديها بيومين العيب دة رجع تانى بقت كل ما العربية تسخن بعد مشوار نص ساعة مثلا اجى اهدى بالفرامل الاقيها بترعش كدة اكنها هتبطل ولمبةالزيت تنور وتطفى لما ازود بنزين
المهم خدت العربية وقرصت عليها شوية فى صلاح سالم
لاقيت العيب دة اختفى تماما اكنو ماكانش موجود اصلا والعربية تسخن مهما تسخن ولاااااا حاسس بأى حاجة والكلام دة فضل لمدة حوالى اسبوع كدة وبعد كدة العيب دة ظهر تانى ؟!!!!! فجأة كدة لوحدو
وبعديها بيوم العيب دة رااااااااح ولا اكنو كان موجود ولا اثر لية حتى
مش عارف اعمل ايةيارجالة ولا دة عيب اية

وبالنسبة لخشونة الصوت اما باكبس بنزين هل دة ممكن يكون عيب شكمان اتسد مثلا اومخروم ولا مالوش علاقة بالشكمان
لانى حاسس ان صوت الخشونة دة مش فى المكنة اد مالصوت طالع من الشكمان
وبعدين سرعة العربية قلت معايا بقت اخرها100-110
وكانت بتجيب معايا 140 ياترى كل دة عيب اية ؟؟؟!!!!

[saadelden]

هو كدا قافل التاكيهات زياده عن اللزوم
فيه ميكانيكيه تقولك امشي بيها شويه و هي تريح لوحدها و دا كلام مش مظبوط
لان طالما العربيه مكتومه يبقى التاكيهات مش مظبوطه او عايزه تتفتح شويه

حكايه لمبه الزيت دي خليه يشوفلك الاسبراتير مظبوط ولا لا ؟
عشان الاسبراتير بيتظبط مع التقسيمه

[smsm_nabawy]

لا يسعني غير أني أدعي ربنا يسهل تصليحها و يكون في أسرع وقت ،، لأني بصراحة ،، عمال أقرا و انا مش فاهم حااجة !!

هو كدا قافل التاكيهات زياده عن اللزوم
فيه ميكانيكيه تقولك امشي بيها شويه و هي تريح لوحدها و دا كلام مش مظبوط
لان طالما العربيه مكتومه يبقى التاكيهات مش مظبوطه او عايزه تتفتح شويه

حكايه لمبه الزيت دي خليه يشوفلك الاسبراتير مظبوط ولا لا ؟
عشان الاسبراتير بيتظبط مع التقسيمه

يعنى التاكيهات ممكن تخلى العربية تبطل وتترجرج كدة على السلانسية ؟؟!!!
ولا ممكن لوالشكمان مكتوم يعمل الموضوع دة

وبالنسبة للمبة الزيت اعتقد انها كانت بتنور تحسبا لان الموتورحيبطل وبلحقها انا على طوول اما بكبس بنزين يبقى دة لية علاقة بالكهربا فعلا مش بيك سلانسية مثلا عايز ينضف ؟؟!!

[saadelden]

يا باشا قولتلك هو قافل ع التاكيهات بزياده و اما العربيه بتسخن او بعد التاكيهات بتفتح شويه
خليه يظبطلك التاكيهات و هيظبط معاها الكربراتير و الكهربا و ان شاء الله العربيه تتظبط
دا بالنسبه للكتمه و لمبه الزيت الي بتنور

و التاكيهات اما تتظبط هتلاقي العربيه بتسحب معاك كويس و يمكن احسن من الاول

[amrelsaqqa]

هو كدا قافل التاكيهات زياده عن اللزوم
فيه ميكانيكيه تقولك امشي بيها شويه و هي تريح لوحدها و دا كلام مش مظبوط
لان طالما العربيه مكتومه يبقى التاكيهات مش مظبوطه او عايزه تتفتح شويه

حكايه لمبه الزيت دي خليه يشوفلك الاسبراتير مظبوط ولا لا ؟
عشان الاسبراتير بيتظبط مع التقسيمه

يا باشا قولتلك هو قافل ع التاكيهات بزياده و اما العربيه بتسخن او بعد التاكيهات بتفتح شويه
خليه يظبطلك التاكيهات و هيظبط معاها الكربراتير و الكهربا و ان شاء الله العربيه تتظبط
دا بالنسبه للكتمه و لمبه الزيت الي بتنور

و التاكيهات اما تتظبط هتلاقي العربيه بتسحب معاك كويس و يمكن احسن من الاول

استااااااااااااذ