محتار بين تويوتا يارس فل ابشن اتوماتيك و هيونداي النترا اتوماتك

[hazoma]

انا عاوز اجيب عربيه بس محتار بين تويوتا يارس فل ابشن اتوماتك وبين هيونداي النترا اتوماتك مع العلم ان السياراتين تقريبا بنفس السعر فاليارس 102000 اما الالنتر 104000 ارجو الافاده من فضلكم مع العلم ان كثير من الناس قالوا لي ان التويوتا افضل لانها ياباني وارجو العلم ايضا اني جديد جدا في السواقه ..............وشكرا جزيلا لمجهودكم

[أبو عبدالله]

الياريس 1300 سي سي
اما الألنترا 1600 سي سي

في فرق في الفئة
وفي استهلاك البنزين

فياريت تقول احتياجاتك بالظبط

[hazoma]

انا مش عارف والله اصلي جديد في عالم السواقه وكنت عاوز حد ينصحني ايهما افضل بس انا ميال للالنترا بس خايف من توكيل غبور وشكرا لاستجابتك السريعه سيدي الفاضل

[hazem_khidr]

لو اسرتك كبيره و محتاج عربيه كبيره و ناوي تغيرها بعد خمس سنين يبقي الالنترا .
اما لو عاوز عربيه اقتصاديه و تستحمل اسره من 4 افراد بكامل احتياجتهم يبقي الياريس.
.......................................
رايي الشخصي الياريس حلوه اينعم اسعارها غاليه و مبالغ فيها بس تويوتا و ياباني 100% و محتفظه بسعرها و توكيلها محترم .

[Chicco]

لو على الاسم ألانترا أحسن هيونداي بس تويوتا لا يعلى عليها .....لو عايزها للاستخدام داخل المدينة و ما بتسافرش كتير يبقى الاختيار محسوم لياريس لو عايز عربية ١٦٠٠ cc و تستحمل سقطات غبور ألالانترا كويسة.....
عن نفسي أفضل ياريس

[Mzeid]

خليك في الياريس أحسن ..
:):)

[bassam nagy]

زى ماقال حازم
لو هاتتحرك جوة البلد كتيير يبقى ياريس اقتصادية موتورها 1300 سى سى
لو بتسافر كتتير وبتبقى العربية محملة يبقى الانترا
وانا افضل الانترا عن الياريس

[hazoma]

شكرا لكم اصدقائي الاعزاء علي استجابتكم لي فالنا لست خبير في مجال القياده ده حتي انا العربيه الي كنت هجيبها دي كنت هتعلم عليها السواقه وانا نفسي في احسن عربيه من جميع الكماليات وجمال العربيه وشياكتها فمش عارف يارس ولا النترا عشان مش عارف الفرق بين 1300 و1600 انا كل الي اعرفه كماليات العربيه بس انا عارز عربيه تكون حلوه وتستحمل يعني اشتريها وانساها ............وشكرا

[hazem_khidr]

يبقي كده الياريس هيا افضل شئ بالنسبه لك .

[megane_man]

شكرا لكم اصدقائي الاعزاء علي استجابتكم لي فالنا لست خبير في مجال القياده ده حتي انا العربيه الي كنت هجيبها دي كنت هتعلم عليها السواقه وانا نفسي في احسن عربيه من جميع الكماليات وجمال العربيه وشياكتها فمش عارف يارس ولا النترا عشان مش عارف الفرق بين 1300 و1600 انا كل الي اعرفه كماليات العربيه بس انا عارز عربيه تكون حلوه وتستحمل يعني اشتريها وانساها ............وشكرا

حرام انك تتعلم السواقة علي عربية زيرو شوف عربية مستعملة أفضل وتكون أستعمال خفيف

[hazoma]

اقررت اني اجيب اتوماتك عشان لسه هتعلم السواقه عشان كتير قالولي ان كده هيبقي اسهل كتير بالنسبه ليا ايه رايكم ....وشكرأ

[hazem_khidr]

اقررت اني اجيب اتوماتك عشان لسه هتعلم السواقه عشان كتير قالولي ان كده هيبقي اسهل كتير بالنسبه ليا ايه رايكم ....وشكرأ

يبقي كده مش حتتعلم سواقه خالص!
اللي بيتعلم يتعلم علي مانيوال يعرف يسوق ساعتها مانيوال و اتوماتيك
انما لو اتعلمت علي اتوماتيك مش حتعرف تسوق مانيوال طول حياتك

[hazoma]

اصل المشكله اني خايف اني لوجبت مانيوال اخبط العربيه وهي لسه جديده عشان مستصعب النقل وخايف منه وانامش عندي القدره اني اجيب عربيه مستعمله وارجع ابيعها واجيب زيرو فانا بفكر اتعلم في مدرسه سواقه ايه رايكم تفتكروا هبقي متعلم كويس ولا زي قلتها وشكرا معلش انا بتقل عليكم

[hazem_khidr]

حتي لو جبت اتوماتيك تضمن منين انها مش تتخبط.
اللي عاوز يتعلم بيتعلم و مش بيخاف لانك لو خفت من شئ مش حتعرف تعمله.
بلنسبه لموضوع مدارس السواقه فبيساعدك بس في الرخصه انما مش بتبقي كويس الا مع كتر الممارسه

[ashrafE51]

انا من رايء اذا ناوي للزيرو - ممكن تجيب الاتوماتيك
وتذهب الي مكان لتتعمل السواقه فيه اولا علي المانيوال اي عربية لمدة اسبوعين او اسبوع ....
علي فكره الالنترا ماتور قوي ولكن سعره عالي قوي علي قدر الامكانيات الاتي به ( لايجود Abs او ايرباج -.... )