استمارة استشارة فى الشراء

[SEATLOVER]

بسم اللة الرحمن الحيم

الحقيقة فى كتير من الاعضاء و خصوصاً الاعضاء الجداد و المقبلين على شراء سيارة جديدة او مستعملة بيبقوا فى حيرة فى الاختيار و بيطلبوا مشورى وراى الاعضاء فى اختيار العربية الامثل و الافضل
ودة بيبقى من اهم الاسئلة المطروحة لأن فية تحديد لمصير عربية ممكن تستمر معاك لفترة طويلة من الوقت ...
خاص بنايل موتورز فقط
وبالرغم من اهمية الموضوع إلا انة بيتحط فى اسواء صيغة لة
انا عايز اجيب عربية - اشترى اية - معايا كذا اجيب بيهم اية -.....
النوع دة من الاسئلة لا يؤدى الى النتيجة المرجوة من السؤال و بينتهى فى الاغلب
- طرح اختيارات عديدة ..و تبقى متاهة و صاحب السؤال يحتار اكتر
- او ظهور معلومات جديدة اثناء مناقشة الموضوع و بيتحول الموضوع بعد فترة من الوقت لإتجاة تانى خالص
- او بينتهى بصرف نظر صاحب السؤال عن التفكير فى الشراء فى الوقت الحالى لعدم رغبتة فى اى من الترشيحات المذكورة

هنحاول فى السطور اللى جاية نحط شبة (استمارة ) للآستشارة فى طلب الشراء و اللى من خلالها يقدر اللى بيقوم بترشيح عربية معينة من اختيار الافضل لصاحب السؤال بناءاً على المعلومات الموجودة ...

لأن السيارة ليست مجرد مبلغ من المال المتاح او ماركة معينة و خلاص العربية حل لمعادلة من الاحتياجات و الاولويات لصاحب السؤال ,و يوجد العشرات من الاختيارات التى قد تكون ممتازة جداً لإحتياجات السائل و لكن لم يُلتفت النظر لها لقلة المعلومات المتاحة او غموض السؤال .

يا ريت (رجاء) من الاخوة الاعضاء طالبى المشورى فى شراء عربية
ملىء تلك الاستمارة
عن طريق نسخها و وضعها فى موضوعك
و تغيير الكلمات او الاختيارات اللى باللون (الرمادى ) فقط
و إضافة اى ملاحظات ليك فى اخر الاستمارة تحت بند ملاحظات
وذلك إذا كنت تريد طرح افضل الاختيارات ووضعها امامك
و الحصول على النتيجة القصوى لسؤالك

نـــــص الاستمـــــــــارة :
خاص بنايل موتورز فقط

-----------------------------------------------------------------

المبلغ المتاح / يفضل (كذا) - اقصى حد (كذا)
نوع العربية / يفضل زيرو - مستعمل - مش فارقة
إمكانية التقسيط فى حالة الزيرو / يفضل بدون تقسيط - إمكانية تقسيط - مش فارقة
خبرتك فى السواقة وسكك الصيانة / جديد - متوسط - خبرة
شكل العربية / هاتش باك - سيدان - مش فارقة
الموديل / فوق ال 2000 - تسعينات - مش فارقة
إستخدام السيارة فى الاغلب / داخل المدينة - خارج المدينة فى سفريات - الاتنين
انتقالاتك بالعربية / فى الاغلب لوحدك - دايماً معاك ناس - الاتنين
الكماليات المرجوة / جميع الكماليات - المهم التكييف - مش فارقة
إستهلاك البنزين / يفضل قليل - مش فارقة
قطع الغيار / رخيصة و عمرها قصير - غالية و عمرها طويل - فى المعقول - مش فارقة
اماكن الصيانة / يفضل توكيل - ممكن ميكانيكية - يفضل الاتنين
التفرغ لأعمال الصيانة / عندك وقت - ممكن تتدبر - ماعندكش وقت خالص
الاستمرار بالعربية لفترة / احتمال تغير العربية قريب - هاتستمر بيها فترة طويلة - مش فارقة
سعر إعادة البيع / مش عايز تخسر كتير - خسارة معقولة - مش فارقة
اهم حاجات بتدور فيها على العربية /
- قوة تحمل
- قلة اعطال
- الشكل الحلو
- ............
ملاحظات اخرى / .........(اكتب اى شىء تراة هاما اة معلومات متعلقة بالموضوع)
خاص بنايل موتورز فقط

-----------------------------------------------------------------

اعمل كوبى لنص الاستمارة دى - مع تغيير الكلمات او الاختيارات اللى ( بالون الرمادى ) و ضعها فى موضوعك - وضيف اى ملاحظات ليك
وبعدين سمى بقى الموضوع بأى اسم تحبة ...
عايز اشترى عربية - اشترى اية - معايا كذا ...

وانتظر إن شاء الله افضل الترشيحات من الاعضاء الكرام
مع اطيب التمنيات بالتوفيق فى الاختيار ..والف مبروك مقدماً







هذا الموضوع للمساعدة فقط و ليس مُلزم لصاحب السؤال إنما هو للحصول على افضل الترشيحات و الحصول على النتيجة القصوى من طرح السؤال .
خاص بنايل موتورز فقط

[Ahmed Samy]

لالا
انا كده هابلغ عنك محكمة مجرمي الحرب
هاااااااايل
فكلرة ممتازة علشان كل موضوع من دول لازم الناس تسأل كام سؤال كده .
موضوعك ده هايوفر مشاركات كتيرة

[ows212]

فكرة حلوة جدا ومتهيالى هاتوفر وقت وانتتظار كتيير يعنى بعد ما تتملى الأستمارة الناس فى المنتدى ترد وكل واحد يرشح له عربية

[Sharky]

كالعادة متألق فى مواضيع البيع و الشراء

[Karim_Monir]

مهندس عمرو متالق كعادتي بيك
الله ينور بجد
اطالبلك الادارة بتثبيت ايه ولا ايه
نعمل موضوع مثبت يضم مواضيعك المهم بقي;)

[ASD peugeot]

الله ينور بجد موضوعاتك مفيده جدا

[SEATLOVER]

مهندس عمرو متالق كعادتي بيك
الله ينور بجد
اطالبلك الادارة بتثبيت ايه ولا ايه
نعمل موضوع مثبت يضم مواضيعك المهم بقي;)

ربنا يخليك يا كريم يا باشا
و بالكلمتين الحلوين دوول يبقى الموضوع اتثبت خلاص
ويا سيدى مش مهم التثبيت ولا حاجة المهم الرسالة توصل
ونطور من منتدانا عشان يبقى منتدى المحترفين اللى بيضم اكتر ناس فاهمة عربيات فى مصر إن شاء الله ..دى امنيتى

[hazem_khidr]

ايه الكلام الجامد دا يا عمور
بجد فكره جميله
تستحق اني ارفع لك القبعه تحيه ليك :)

[ابو سيف]

هههههههههههههههه هنفضل نشكرك على المواضيع دي كتير كدة؟؟؟ مفيش مواضيع تعبانه يا عم ننقدك عليها و لا نطنش الموضوع و لا ايه :d

[SEATLOVER]

هههههههههههههههه هنفضل نشكرك على المواضيع دي كتير كدة؟؟؟ مفيش مواضيع تعبانه يا عم ننقدك عليها و لا نطنش الموضوع و لا ايه :d

ابو سيف حبيبى ..عامل اية يا باشا
دة بعض من ذوقكم يا جميل
يا عم دى حاجة بسيطة كدة الاسبوع دة ...اصبر التقل جاى ورا :D

[sss]

هو ده الشغل يا بشمهندس
جزاكم الله خيرا و مستنين التقيل:D:D:D

[Chicco]

الله ينور عليك يا باشا ....في إنتظار المزيد :)

[fahd_628]

الف شكر يا باشا بجد موضوع جامد جدا

[Dr_Smart]

الله ينور يا بشمهندس عمرو على الفكرة الجامده دي

بس يا ريت ملء الاستمارة يكون في موضوع منفصل عشان الطلبات ماتدخلش في بعضها :)

[SEATLOVER]

الله ينور يا بشمهندس عمرو على الفكرة الجامده دي

بس يا ريت ملء الاستمارة يكون في موضوع منفصل عشان الطلبات ماتدخلش في بعضها :)

ما احنا بنقول كدة والله يا دكتور ...بس الناس لسة ماخدتش على الموقف
ايدك معانا و نبى