إعـــــــلان

Collapse

.

,
See more
See less

كيفية تلميع السيارة...بالصور!

Collapse
This is a sticky topic.
X
X
Collapse
 
  • Page of 17
  • Filter
  • الوقت
  • Show
Clear All
new posts
السابق 1 2 3 4 5 6 7 11 17 template التالي
  • #1

    كيفية تلميع السيارة...بالصور!

    من يوم ما جبت العربية و انا مش راضي عن لونها البهتان...عشان كده قررت اني المعها و احاول أرجع الاسود يلمع تاني...كنت ناوي اعملها عند واحد بس قلت اعملها بنفسي احسن...

    حاجة مهمة قبل ما تبدأ تشميع انك تكون مديها وش بوليش و تغسلها كويس...انا استعجلت و شمعتها علطول من غير البوليش...عشان كده النتيجة المفروض تطلع احسن...

    اتأكد انك هاتشتغل في مكان مظلل و بعيد عن اشعة الشمس المباشرة و التراب..

    الأدوات المستخدمة:

    كيس قطن طبي


    كومباوند لازالة الخدوش :


    واكس Armor-All صناعة امريكية من كارفور...تمنه 30 جنيه


    سبراي WD-40



    و فوطة قطنية ناعمة

    و كاسيت و تشغل فيه حاجة تسليك:)

    _________________________
    أول حاجة هتغسل العربية كويس من التراب اللي عليها

    تاني حاجة هنبدأ نشوف الخدوش الصغيرة اللي في العربية و هنحاول علي قد ما نقدر نشيلها بالكومباوند..(ما تنتظرش نتيجة وهمية)

    تاخد شوية من الكوماوند في صوابعك و تبدا تدعك بيهم الخدش








    و بعدين تجيب قطعة من القطن الطبي و تبتدي تدعك الكومباوند في شكل دائري بيها لحد ما يطلع خالص



    و خد باللك لازم تغير حتة القطنة علطول اول ما تحس انها مش بتشيل حاجة...يعني متوفرش فيهم...الكيس كله ب 2 جنيه و نص:D

    خلصنا ازالة الخدوش...دلوقتي جت مرحلة وش البوليش....اللي للاسف انا معملتهوش

    لازم تدي العربية كلها وش بولش كامل قبل التشميع

    نيجي لمرحلة التشميع:

    الشمع جاي معاه سفنجه...هيه دي اللي هنوزع بيها الشمع علي العربية


    هنغمز في العلبة كأننا بنغمز في طبق الفول


    هنبدأ نوزعه علي العربية في شكل دائري




    هتسيبه 5 دقائق و تمسح بعد كده بالفوطة الناعمة..

    يمكنكم ملاحظة الفرق:


    اكتشفت ان الدهان بتاع العلابية طلع ميتاليك:D

    كمل بقى باقي اجزاء العربية بنفس المنوال ولشتغل في كل جزء لوحده...يعني باب باب...كده يعني

    و انا شغال قلت اجرب اعمل علي الفوانيس....لاقيتها عملت شغل جامد جدا:D و الفونيس هسه كمان رجعت تلمع...


    بالمره بقي عملت الزجاج الامامي و الخلفي....هما كمان بقوا يلمعوا:D

    خلصت مرحلة التشميع...نيجي لمرحلة تلميع البلاستيك و الفبر الخارجي:

    هنجيب عبوة الWD-40 و نرشها علي حته قطن كبيرة....بس ماترشش كتير:



    هنلمع بيها الأجزاء البلاستيكية اللي مش مدهونة...زي المرايات و الباكيتات و مقابض الابواب و الشبكة....




    طبعا كلاحظين الفرق كبير قد ايه....بس طبعا اوعي تسيب المنظر كده...احنا مش عايزين المراية يبقي لونها بني من التراب...هاتجيب القماشة الناعمة اللي اشتغلنا بيها في التشميع و هنمسح كويس الWD-40 ...هتلاقي المراية بقي لونها اسود مطفي جميل...و مش ملزق...كأنها خارجة من المصنع....ميزته بقي انه مش هيلم تراب نهائيا

    و اخيرا بعد 4 ساعات شغل....ديه كانت النتيجة:





    طبعا ملحقتش اتهني بالللمعة الجميلة ديه...مفيش يومين و العربية بقت زي الزفت من الشوارع بتاعتنا:D:D:D:D:D

    _____________________________

    اتمني اني اكون افدتكم....و اخيرا عملت الموضوع اللي بقاللي شهر عايز انزله علي المنتدي:D

    _____________________________________
    تم تثبيت الموضوع مؤقتاً تمهيداً لاضافتة لقائمة المواضيع المميزة بالقسم التعليمي.

    مشـرف القـسم.
    [CENTER][SIGPIC][/SIGPIC][/CENTER]
    الكلمات الدلالية (Tags): 127, 20, 323, 40, 50, font, momo, oil, wd40, احنا, السيارةبالصور, الشمس, اللي, الي, بدون, برافو, بكرة, بنزين, تلميع, تلميع السيارة, خدمة, دوكو, رائع, ريس, زيت, سيارات, سيارة, صور, طريقة, عايز, عربية, عرض, عمة, عن, فرش, فرق, فوانيس, في, فيديو, قائمة, قطع, قطعة, كارفور, كاسيت, كبوت, كل, كيفية, لانوس, لانوس 2, محلات, مراكز, مشاكل, مصر, مع, معلومات, ملاك, من, مواضيع, ميدو, مين, نوبيرا, هي, ورش, ورشة
    • تثبيت
  • #2
    شكراَ يا ندورا على الموضوع الجميل دة اللي بيفيد كل ملاك السيارات ..
    شكراَ يا نادر ..
    :):)
    [SIGPIC]http://imageshack.com/a/img838/5746/61n6.jpg[/SIGPIC]

    Comment

    • #3
      ياه يا نادر موضوع جامد والله و انا برضه زيك من الناس المهوسيين بنضافة العربيه و احبها دايما كده تكون بتلمع بس بعيد عنك الالوان الغامقه ديه عايزه نضافه كل 5 دقايق
      [CENTER][CENTER][img2]http://cdn-img1.imagechef.com/w/110921/sampe24f53992f6e9e21.jpg[/img2] [/CENTER]
      [/CENTER]

      Comment

      • #4
        الله ينور بس التلميع ده بيروح من مشوار واحد بالعربيه ولاا بيفضل شويه
        [COLOR=RED] [CENTER][SIGPIC][/SIGPIC]

        [/CENTER]
        [/COLOR]

        Comment

        • #5
          في الظروف العادية بيقعد من شهرين ل 3 شهور

          اهم حاجة انك تغسل العربية كل كام يوم عشان التراب مايلززقش عليها
          [CENTER][SIGPIC][/SIGPIC][/CENTER]

          Comment

          • #6
            بس إيه دة يا نادر أنت ملاكي الغربية .. ؟!:)
            يعني طلعنا حبايب ..
            :):)
            [SIGPIC]http://imageshack.com/a/img838/5746/61n6.jpg[/SIGPIC]

            Comment

            • #7
              الف شكر على الموضوع الجميل دا يا نادر
              [CENTER][SIZE="4"][B][CENTER][SIGPIC][/SIGPIC][/CENTER]
              My lil Baby xD [/B][/SIZE][/CENTER]

              Comment

              • #8
                ممكن تقولنا الفوطة الناعمة زى اية؟
                وهو انا بستخدم الواكس على الاكصدامات لو كانت بلون العربية واللا لأ؟

                Comment

                • #9
                  الف شكر يا نادر على الموضوع الممتاز ده

                  بس سؤالين:

                  1- Wd-40 استخدمه على المرايات البلاستيك, و لا عادى مع المرايات اللى بلون العربية

                  2- البولش نوعه ايه؟
                  [CENTER][SIZE="5"][COLOR="YellowGreen"]إن لم تستح ..... فأصنع ما شئت[/COLOR][/SIZE][/CENTER]

                  Comment

                  • #10
                    أنا استخدمت الفوطة اللي انت شايفها ديه...هي تعتبر فوطة مطبخ بس ناعمة...و كانت اول مره تستخدم


                    و طبعا ممكن تستخدمه علي الاكصدمات عادي جدا مافيش أي مشاكل:)
                    [CENTER][SIGPIC][/SIGPIC][/CENTER]

                    Comment

                    • #11
                      الف شكر يا نادر باشا علي الموضوع الجميل :)
                      [URL="http://www.postimage.org/image.php?v=aV1YY7F0"]
                      [/URL]

                      Comment

                      • #12
                        المشاركة الأصلية كتبت بواسطة معاذ الشرباصى مشاهدة المشاركة
                        الف شكر يا نادر على الموضوع الممتاز ده

                        بس سؤالين:

                        1- Wd-40 استخدمه على المرايات البلاستيك, و لا عادى مع المرايات اللى بلون العربية

                        2- البولش نوعه ايه؟
                        الWD-40 علي المرايات البلاسيتك فقطططططططططط....متحطهوش علي اي حاجة مدهونه خالص...و الا هتلاقي الدهان ليط و بقي كله بقع:D

                        البولش هو نفس العلبة الدهبي بتاعة الكومباوند بس لونها برتقالي و الغطاء بتاعها احمر
                        و الاتنين موجودين عند بتوع الدهنات ب 5 جنيه للعلبة
                        [CENTER][SIGPIC][/SIGPIC][/CENTER]

                        Comment

                        • #13
                          سؤال مهم انا عملت زيك من كام يوم والنتيجه كويسه جدا لكن تانى يوم مسحت العربيه زى كل يوم بفوطه زفره جديده عملتها بنفسى قام الزيت والجاز اللى عليها ضيعو اللمعه اللى تعبت فيها
                          فعايز اعرف هو الواحد ممكن يمسح التراب من على العربيه ازاى كل يوم وهل يوجد شىء يلم التراب من على العربيه غير الفوطه الزفره اصل عربيتى لانوس سوداء وربنا ما يحكم عليكم باللون الاسود وقرف اللون الاسود
                          (لاَ تَكُنْ حَكِيمًا فِي عَيْنَيْ نَفْسِكَ. اتَّقِ الرَّبَّ وَابْعُدْ عَنِ الشَّرِّ)
                          (5تَوَكَّلْ عَلَى الرَّبِّ بِكُلِّ قَلْبِكَ، وَعَلَى فَهْمِكَ لاَ تَعْتَمِدْ. 6فِي كُلِّ طُرُقِكَ اعْرِفْهُ، وَهُوَ يُقَوِّمُ سُبُلَكَ.)
                          (ماذا ينتفع الانسان لو ربح العالم كله وخسر نفسه )
                          من اقوال ابينا سليمان الحكيم فى سفر الامثال

                          Comment

                          • #14
                            نادر... انت متأكد انه لازم بولش على العربيه كلها الأول؟ البولش بيشيل طبقه رقيقه من الدهان... اظن المفروض تستعمله على الأمكان اللي فيها اثار (حكه) فقط.. لكن مش على العربيه كلها.
                            Thanks
                            Ahmed Hassan
                            [I][SIZE=3][SIZE=2]When all you have is a hammer, everything looks like a nail

                            [/SIZE][/SIZE][/I][CENTER][SIGPIC][/SIGPIC][/CENTER]

                            Comment

                            • #15
                              موضوع جميل يا نادوور:)

                              بس خلي بالك على ايدك من الكومباوند انا عمل لي حرق

                              قبل كدة وانا بدهن العربية بايدي.


                              وبالمناسبة مبروك التثبيت:)
                              [CENTER][COLOR=Red]لأي استفسار أو شكوى بخصوص الإدارة والإشراف والدعم الفني، يرجى المراسلة على:[/COLOR]
                              [/CENTER]


                              [RIGHT][CENTER][COLOR=Navy][B][EMAIL="nilemotors.all@gmail.com"]Nilemotors.all@gmail.com[/EMAIL][/B][/COLOR][/CENTER]
                              [/RIGHT]

                              Comment

                              السابق 1 2 3 4 5 6 7 11 17 template التالي
                              Working...
                              X