عيب فنى قاتل فى السيارة نيو اكسنت

[lanos2]

عيب فنى قاتل فى السيارة نيو اكسنت
قرات فى اكثر من موقع على النت ان هناك عيب فنى قاتل فى نيو اكسنت و هو ان عجلة القيادة تغلق اثناء السير و ان هذه السيارة تختلف عن مثيلاتها فى تجهيز البور الخاص بعجلة القيادة بأنه ليس هيدرولك و لكن يعمل بنظام جديد عن طريق الكهرباء .
و ان هذه السيارة تسببت فى حوادث قاتلة مما ادى الى تغير 60 مقود لها فى توكيل دولة عربية منعا لهذا العيب.
و لذا نرجو من خبراء هيونداى بالمنتدى توضيح ما هو نظام البور الكهربائى الجديد فى النيو اكسنت و هل من الواجب تحذير المصرين من هذا العيب ام نكبر دماغنا و كل واحد و نصيبه .

[bassam nagy]

ممكن حضرتك تجيب مصادر للمعلومة دى

[fahd_628]

انا فعلا قرأت الموضوع دة قبل كدة و مش عارف مدى صحتة

بس المشكلة مش لأن الباور كهرباء لأن الباور دة موجود فى عربيات كتيير دلوقتى

[Nile_Storm]

انا قرأت عنه برضه و كان في سوريا
و الباور الكهربا ده موجود في كل العربيات الجديده تقريبا
و اللي عرفته ان توكيل هيونداي السوري بعد الحادث جاب كل العربيات و فحصها

و الكلام ده من سنه او اكتر

[lanos2]

[liquidator]

يا جماعه النيو أكسنت الباور بتاعها كهرباء MDPS أو Motor Driven Power Steering و للأسف ثبت انه في مشكله طبعا عالجوها بعد كده في باور النيو الانترا اللي هو كهرباء برده ... المشكله هو ان الدريكسيون علي السرعه العاليه ما كنش بيتقل زي الباور الهايدروليك و ده طبعا كان بيسبب حوادث كتير و عشان كده باور النيو الانترا خللوه بيتقل كل ما سرعتك تزيد عشان يتفادوا المشكله دي .. كل النيو أكسنت الجديد الزيرو دلوقتي الباور بتاعه هايدروليك و ده من مصدر موثوق في التوكيل ..

[Hussein_Ramdan]

اعوذب الله حادثة جامدة جدا الواحد لما بشوف الحوادث دى بيكرة السواقة والعربيات كلها

[kimo-nubira]

فعلا عيب قاتل وربنا يحفظنا جميعا من شر العيوب ديه .....

[Kisho]

الخبر صحيح لكن تفاصيله غير صحيحه

الحكايه ان الباور بعد سرعه معينه بيقفل (يتلغى) و ده علشان السلامه
و لما السرعه تقل يرجع يشتغل تانى
كل الى حصل ان الباور كان بيفصل و بعدين مايرضاش يشتغل تانى لما السرعه تقل يعنى العربيه
بتبقى كأن مافيهاش باور خالص
و ده عموما شىء مش خطير
و اللينك بتاع الموضوع اهه

http://fannat.com/Magazine.aspx?NewsID=265

[lanos2]

كل الى حصل ان الباور كان بيفصل و بعدين مايرضاش يشتغل تانى لما السرعه تقل يعنى العربيه
بتبقى كأن مافيهاش باور خالص
و ده عموما شىء مش خطير

ههههههههههه مش خطير خالص مالصصصصصصص :D

[kimo-nubira]

الخبر صحيح لكن تفاصيله غير صحيحه

الحكايه ان الباور بعد سرعه معينه بيقفل (يتلغى) و ده علشان السلامه
و لما السرعه تقل يرجع يشتغل تانى
كل الى حصل ان الباور كان بيفصل و بعدين مايرضاش يشتغل تانى لما السرعه تقل يعنى العربيه
بتبقى كأن مافيهاش باور خالص
و ده عموما شىء مش خطير
و اللينك بتاع الموضوع اهه

http://fannat.com/Magazine.aspx?NewsID=265

صحيح ازاي مش عيب خطــــير لما تكون واخد علي ان الدركسيون فيه باور وممكن فجاه يفصل هل تحكمك في الطاره هاتبقي نفس التحكم لما يكون الباور موجود ؟؟؟

[أبومعاذ]

هو على حسب كلام كهربائي اعرفه ان دا عيب من عيوب الباورستيرنج الكهربا كله لانه بيفصل على السرعة العالية و بيشتغل على السرعة القليلة و بيعتمد على فيوز في الفصل و التشغيل و الفيوز ده ممكن يضرب و بالتالي الباور يفصل و ميشتغلش تاني و لا قدر الله لو حصل كدا و جيت تحرك الدريكسيون عشان تتفادى حادثة مش هتعرف عشان هتلاقي الدركسيون كانه قافش و بيتحرك بالعافية

[Nile_Storm]

يا شباب انتو بتتكلموا في احداث تاريخيه
الموضوع ده قديم و تم اصلاحه و خلصت المسأله حتي مصدر الخبر - راجع الرابط - يقول ان شركات كبري تعرضت للموقف ده برضه و تم سحب العربيات و اصلاحها

[lanos2]

يا شباب انتو بتتكلموا في احداث تاريخيه
الموضوع ده قديم و تم اصلاحه و خلصت المسأله حتي مصدر الخبر - راجع الرابط - يقول ان شركات كبري تعرضت للموقف ده برضه و تم سحب العربيات و اصلاحها

يا اخى لا داعى لهذا الكلام المرسل انها ارواح ناس و لابد ان يتنبهوا جيدا لهذا العيب و يكشفوا على سيارتهم فورا و يتأكدوا انها ليست من ضمن هذه الشحنة الفاسدة .
فهل لديك دليل واضح على ان السيارات النيو اكسنت اللى موجودة فى مصر كلها فلتت من هذه المشكلة و ليس بها هذا العيب مع العلم ان هذا الموديل نزل مصر ايضا فى نفس التوقيت اللى نزل فى سوريا و هم اكتشفوا المشكلة سريعا و فضحوها بسبب تكرارها و لكن هنا طبعا محدش دريان و فى تعتيم على بلاوى كتير و ربنا يستر على كل اصحاب هذا الموديل و مايكونوش من ضمن اللى الباور بتاعهم بيقفش .

[Nader]

يا اخى لا داعى لهذا الكلام المرسل انها ارواح ناس و لابد ان يتنبهوا جيدا لهذا العيب و يكشفوا على سيارتهم فورا و يتأكدوا انها ليست من ضمن هذه الشحنة الفاسدة .
فهل لديك دليل واضح على ان السيارات النيو اكسنت اللى موجودة فى مصر كلها فلتت من هذه المشكلة و ليس بها هذا العيب مع العلم ان هذا الموديل نزل مصر ايضا فى نفس التوقيت اللى نزل فى سوريا و هم اكتشفوا المشكلة سريعا و فضحوها بسبب تكرارها و لكن هنا طبعا محدش دريان و فى تعتيم على بلاوى كتير و ربنا يستر على كل اصحاب هذا الموديل و مايكونوش من ضمن اللى الباور بتاعهم بيقفش .

هل حضرتك تعرف حد في مصر عمل حادث بسبب هذه المشكلة؟؟

او هل حضرتك تعرف حد واجة المشكلة حتى بدون حادث؟؟!

هل لديك دليل واضح على ذلك؟؟!

ام هو كلام مرسل؟!!