اخر النتائج عن الريسورس

[peranha]

سبق واخبرتكم عن استعمالي للريسورس واني منتظر حتي اكمل ال10000 كيلومتر .اكملت المطلوب.
اول امس قلت اتكل علي الله وسافرت للساحل الشمالي وكنت سايق علي سرعة 100كيلو/ساعه ولقيت الزيت نقص معايا عند العوده امس وكملت كيلو زيت وكنت في منتهي الحزن لان كان املي في الريسورس كبير قوي ...وطار عليا 300 جنيه ثمن ال 3 عبوات اللي اشتريتهم
العوض علي الله..

[Moh.Fahmy]

ربنا يعوض عليك و اعتبر نفسك ما خسرتش حاجة لانك افدت ناس كتير ما كانوش يعرفوا
و في النهاية المنطق هو اللي كسب لان الكلام اللي بيعلنوه عن الريسورس غير منطقي بالمرة و المفروض تروحلهم و تعملهم مشكلة كبيرة علي النصب بتاعهم ده


محمد فهمي

[bassam nagy]

ربنا يعوض عليك

[furp]

معلش ياباشا

ربنا يعوض عليك

بس يابختك ياسيدي هتاخد حسنات علي كل الي هيقرا الموضوع وهتعلم منه ومش هيدبس في شراء الريسورس

وربنا يوفقك

[chihab18]

هو الريسورس ده فائده ايه بالضبط؟

[Karim_Monir]

معلش انت بتقول العلبة ب 100
انا كنت جايبة من سنتين تقريبا الواحدة ب 50 جنية من التوفيقية
ومعملش اي حاجة فعلا كنت سبقت وقولت الكلام ده هنا

[MMamdouh]

معلش

دايما بيبقى فيه شخص هو اللى بيتحمل تكلفة التجربة و لو نجحت بيبقى له ثواب كل الناس اللى افادها و لو فشلت بيبقى له ثواب كل الناس اللى كانت حتجرب نفس التجربة و تدبس فيها... اجرك عند الله لا يضيع

MMamdouh

[chihab18]

هو الريسورس ده فائده ايه بالضبط؟

[sab3aawy]

على فكرة، انا بجرب الريسوس حاليا فى الريجاتا وعملت 3 آلاف كيلومتر ولحد ديلوقتى معنديش حكم نهائى

لكن فيه ملحوظة هامة جدا وهى انهم كاتبين فى النشرة اللى جوة العلبة ان عمر الخدمة بالنسبة للريسورس هو 15 ألف كيلومتر ، يعنى 15 ألف وهتحتاج تكرره تانى، او على الأقل تديها علبة واحدة

يعنى المصنع مكذبش على المستهلك، لكن اللى كذب على المستهلك هو المعلن

[eng_mkhalaf]

يا جماعة فى واحد صاحبى حاطة فى مازدا 323 ومبسوط بية قوى وعامل بية دلوقتى 1000 كيلو وهو أشترى فعلا 3 عبوات من التوكيل إللى فى الهرم وحطهم بالتتابع وبيشكر فى الداء بتاع العربية قوى
وكمان قالى دة فى أنواع كتيرة قوى وهما بيكشفوا على العربية الأول قبل ما يقولك أنت تحط إى واحد - دة قالى أنى فى واحد للفتيس وواحد للعربيات الكسر زيرو وأنواع كتير تانية

[mhDeeb]

لا تحزن يا اخى واعتبر ان الــ 300 جنية اخذت بيهم 10000 كيلو متر وعوضك على الله وكما افاد سبعاوى الشركة لم تكذب ولكن المعلن هو الى بيذوق السلعة

[chihab18]

هو الريسورس ده فائده ايه بالضبط؟

[SEATLOVER]

مالوش اى فايدة يا شهاب ماهو واضح اهو
بنقول للراجل الله يعوض عليك
دة مخلوط من العرق سوس و منقوع الخروب ..بس درجة نقاوة عالية شوية

[peranha]

هو الريسورس ده فائده ايه بالضبط؟

ده يا سيدي سائل قالوا انه بيملأالفراغات التي تأكلت داخل سليندرات الموتور وبالتالي يبقي بديل للعمره والعربيه متستهلكش زيت لكن طلع كله بكش

[chihab18]

مالوش اى فايدة يا شهاب ماهو واضح اهو
بنقول للراجل الله يعوض عليك
دة مخلوط من العرق سوس و منقوع الخروب ..بس درجة نقاوة عالية شوية

والله انت ظريف ياسيات
وكلامك سكر
لاتقول سورس ولاحاجه دا كلامك السكر ممكن يتعبي في علب ويكتبوا عليه
سوبرسيات سورس لفر

والي اللقاء ومتحرمناش من سورس كلامك