صدقونى انخفاض السيفيك ميزه و ليس عيبا

[mrgmm]

السلام عليكم
اول مشاركه لى بالمنتدى الرائع
باختصار انا مالك لكورولا 2007 و انقلبت بيا على طريق شرم الشيخ-القاهره
و مستعد اوريكو الصور بصراحه الكورولا مهزله بعد 120 كم بسبب ارتفاعها و عدم اتزانها و كانك على الهوا
زميلى انقلبت به السياره على نفس الطريق كورولا 2007 ايضا و كان سب الانقلاب هو سرعة الرياح مع انه كان ماشى بسرعة 100
بصراحه الكورولا مهزله بكل المقاييس
انا حجزت السيفيك 2008 و مبسوط جدا من انخفاضها على الارض

[m7md_hany2]

أولا : الحمد لله علي سلامتك و فداك العربية .... امهم أنت سليم بس
ثانيا : أنا بحترم الكرولا وسط البلد .. يعني مريحة في سواقتها ... بتجري كتسارع يعني كويسة .... كدة يعني .... انما أني أركبها و أسافر بيها و سرعات .... لأ أبدا ملهاش في السكة دي ... أصلا في ( معهد تكنولوجي العاشر من رمضان ) ولاد خالتي هناك .... المهم أنهم عندهم قسم السيارات ممتاز جدا و بيطلعوا ممتازين ما شاء الله ... المهم أنهم بيدرسوا علي الكرولا أن تصميمها من ناحية الثبات و مقاوة الهواء أنه تصميم غلط و أن الهوا بيدخل من حتت كتصميم بيفقد العربية تماسكها خالص ....

أنما السيفيك .... مفيش كلام عليها من الناحية دي خالص .... تصممها هو التصميم المثل لموضوع مقاومة الهوا و كدة ... غير أنها عفشتها ورا (multi link ( و ده تصميم معين لعفشة يطول شرحه بس المهم أنه فعلا بيعالج مشاكل كتير من ناحية الثبات و التماسك .... و ربنا يباركلك فيها ان شاء الله
بقلك الكلام ده عن تجربة للعربيتين

[mrgmm]

انا بصراحه و بدون تحامل لا انصح احد بشراء التويوتا نهائيا
و مشكور على الرد اخى هانى

[cazanova555]

مبروك السيفيك وبنا يباركلك فيها

[aif]

انا بصراحه و بدون تحامل لا انصح احد بشراء التويوتا نهائيا
و مشكور على الرد اخى هانى

اختلف معك تماما .... يمكن التويوتا علي الطريق مش ثابتة بعد ال120 .... ده صحيح تماما
لكن التويوتا داخل البلد ... لا تبارى .... فعلا سيارة محترمة جدا داخل البلد ... مالهاش حل
وكل واحد بيجيب السيارة اللي تلبي احتياجاتة ... فيه ناس نادرا ما بتسافر علي طريق ... وكل استعماله داخل البلد ... اعتقد ان الكورولا يبقي مناسبة له جدا .
.. وكذلك الناس اللي مش بتزود عن 100 كم / ساعة ... مش بتوع جري يعني ..
اما اللي بيحب السرعة وبيسافر كتير .... هنا بقي يبقي الكلام بتاع سيادتك مظبوط
انا طبعا ما اقدرش احكم علي الهوندا لأني ما سوقتهاش .... لكن الهوندا مش محتاجة رأيي المتواضع ... لأن شهرتها سابقاها ... وكفاية رأي الزملاء وشكرهم فيها
اما بالنسبة للكورولا .... فدة رأيي ... ولو اختلف عن رأي بعض الزملاء
ولولا اختلاف الاذواق ... لركدت البضائع

وسواء كانت كورولا او هوندا او اي حاجة ... الحمد لله علي سلامتك يا اخ mrgmm وفداك 100 عربية

[SEATLOVER]

الف حمدالله على سلامتك وسلامة زميلك
بس معلش لو حضرتك السفر عندك كان لة الاولوية ..كان لازم تدور على الثبات اول شىء
ودة لايعيب الكرولا فى شىء لكن بيجعل هناك اختيارات افضل فى الثبات لمثل هذة الطرق
ومش شرط كمان انها تكون السيفيك

العربية هى مجموعة من المعادلات بتحل احتياجاتك
والارتفاع و الانخفاض عن الارض ليس هو العامل الوحيد فى الثبات


الف حمد الله على سلامتك مرة تانية

[mrgmm]

ربنا يخليك اخى aif لكن كلنا معرضون للسفر ولا بد تكون السياره اللى تمتلكها مجهزه لأى ظروف

[HISHAM80]

السلام عليكم
اول مشاركه لى بالمنتدى الرائع
باختصار انا مالك لكورولا 2007 و انقلبت بيا على طريق شرم الشيخ-القاهره
و مستعد اوريكو الصور بصراحه الكورولا مهزله بعد 120 كم بسبب ارتفاعها و عدم اتزانها و كانك على الهوا
زميلى انقلبت به السياره على نفس الطريق كورولا 2007 ايضا و كان سب الانقلاب هو سرعة الرياح مع انه كان ماشى بسرعة 100
بصراحه الكورولا مهزله بكل المقاييس
انا حجزت السيفيك 2008 و مبسوط جدا من انخفاضها على الارض

the same accident happened to one of my friends the corolla is not stable at all of course compare to another brands in the same category

[mrgmm]

Thank you Hisham
It is really bad car

[HISHAM80]

by the way I have Accord 2008 and it is fantastic much better than camry

[mrgmm]

so you are not in Egypt ???

[Hisham_ElFeky]

وقعت في المحظور



يا رب شريف شاكر ميشفش الموضوع ويقولك العربية دي زبالة

[1.8Tee]

فين أيام ال double wishbone suspension ....

[fahd_628]

الف مبروووووووووووك يا باشا و حمد لله على سلامتك

[HISHAM80]

so you are not in Egypt ???

Yes I am in saudi Arabia