ما رأيكم في أوبل 2003 فيكترا 1600 سي سي

[magedqwert]

السلام عليكم ورحمة الله وبركاته

إخوتي الكرام عاوز رأيكم في سيارة أوبل فيكترا 2003 أوتوماتيك 1600 سي سي عايز أعرف مميزاتها وعيوبها
وهل الكراسي كهربة ولا لا
وهل المرايات بتقفل بالكهربة ولا لا
وعدادها 220 ولا 240
وجزاكم الله خيرا

[magedqwert]

عذرا وهل فيها مثبت سرعة ولا لا

[magedqwert]

فينكم يا شباب دي أول مشاركة مني
فين ردودكم ما تبخلوش عاوز اعرف اكثر معلومات عن الأوبل 2003 لإن في وحده معروضه عليه بس للأسف ما شفتهاش لإني لازم اسافر لها
المهم عايز اعرف معلومات عنها واذا عجبتني اسافر واخلص فيها ان شاء الله

[Mustafa_Farouk]

ربنا معاك، أنا مش عارف حاجة عن الفيكترا بس استنا، أكيد حيرد عليك ناس زي السكر وحافظين الفيكترا :) .

[M.Mokhtar]

ياريت توضح هى GLS ولا CD ولا CDX
بس اعتقد ال CDX بتبقى 2000cc بس
يبقى انت قدامك حاجة من الاتنين اللى فى الاول

gls كراسى مش كهربا والمرايات كهربا لكن مش ضم كهربا عداد 220 ومفيهاش مثبت وفرش قماش

CD مش متأكد ال 2003 اتغير عن ال 2000 ولا لأ

[magedqwert]

أنا اتصلت بصاحبها قالي انها GLS وفرشها جلد
المهم أنا عايز دلوقتى استفسر عن ال 2000 cc هل هيا بتاكل بنزين جامد
وكمان عايز اعرف ال 1600 cc اللي هيا CD أيه مميزاتها عن ال GLS

[ENG\AHMED]

GLS---->1.6(المانيوال موتور كامة واحدة والاتوماتيك كامتين ايكوتيك)
CD---->2.0
CDX---->2.0 بس بكماليات اعلى
زى ماقال mimysheckles الكراسى عادية والمرايات مش بتقفل بالكهرباء
اقل استهلاك للبنزين هو ال 1.6 الايكوتيك (الموجود فى العربية دى) اقل من ال 2.0 الايكوتيك حوالى 4L\100KM مش فاكر كام بالضبط (دى ارقام كتالوج)
العربية هتلاقى فيه:
-زجاج كهربا امامى
-مرايات كهرباء
-تكييف
-ABS
-مفتاح ريموت +ايموبلايزر
-درج التابلوة مبرد
-وحدات رفع للزجاج

المميزات: زى الالمانى
ثبات على السرعات العالية , امان (صاج وشاسية محترم) , مريحة فى السفر وواسعة , الشنطة واسعة , قطع الغيار معمرة , heavy duty .
- سيبك من اللى بيقولك بتسخن وفى مشاكل فى التكييف لو العربية نضيفة وانت محافظ عليها وقطع غيار اصلى مش هتلاقى مشاكل (العربية درجة حراراة التشغيل الطبيعية بتاعتها عالية يعنى معمول حسابها فى التصميم ومفيش مشكلة) --الالمان مش اغبياء--
- هتسمع اللى يقولك مشاكل فى الكهربا واللمبات بتتحرق بسرعة اشترى اللمبات الاصلى (osram) وشوف هتتحرق بسرعو ولا لأ :)
عموما العربية حلوة بس مش بتاعت استرخاص واى حد يمد ايدة فيها

العيوب:
-ال 1.6 هتحس الطلعة ضعيفة شوية لأن العربية وزنها تقيل انما بعد كدة مفيش مشاكل (فى فرق بين العربية تقيلة مهكعة مش قادرة تجرى و بين تقيلة بس بتجيب معاك مش مخنوقة ) ودة ميعتبرش عيب فيها لأن عربيات كتير كدة زى الجيتا والباسات وزن تقيل وقوانين بلدنا!!!
-التقفيل المصرى بس هتلاقيها فى الدهان , الفرش(الاجزاء المصرى منة) , مش حاجات اساسية يعنى (مفيش عربية اتقفلت فى مصر مطلعش فيها مشاكل لحد المرسيدس وال bmw )
-ممكن تحس ان العفشة ناشفة شوية (غير اليابانى) بس مش لادا يعنى :) -بس دة على حساب الثبات

لو فى حاجة تانية اسال :)

[M.Mokhtar]

GLS---->1.6(المانيوال موتور كامة واحدة والاتوماتيك كامتين ايكوتيك)
CD---->2.0
CDX---->2.0 بس بكماليات اعلى
زى ماقال mimysheckles الكراسى عادية والمرايات مش بتقفل بالكهرباء
اقل استهلاك للبنزين هو ال 1.6 الايكوتيك (الموجود فى العربية دى) اقل من ال 2.0 الايكوتيك حوالى 4L\100KM مش فاكر كام بالضبط (دى ارقام كتالوج)
العربية هتلاقى فيه:
-زجاج كهربا امامى
-مرايات كهرباء
-تكييف
-ABS
-مفتاح ريموت +ايموبلايزر
-درج التابلوة مبرد
-وحدات رفع للزجاج

المميزات: زى الالمانى
ثبات على السرعات العالية , امان (صاج وشاسية محترم) , مريحة فى السفر وواسعة , الشنطة واسعة , قطع الغيار معمرة , heavy duty .
- سيبك من اللى بيقولك بتسخن وفى مشاكل فى التكييف لو العربية نضيفة وانت محافظ عليها وقطع غيار اصلى مش هتلاقى مشاكل (العربية درجة حراراة التشغيل الطبيعية بتاعتها عالية يعنى معمول حسابها فى التصميم ومفيش مشكلة) --الالمان مش اغبياء--
- هتسمع اللى يقولك مشاكل فى الكهربا واللمبات بتتحرق بسرعة اشترى اللمبات الاصلى (osram) وشوف هتتحرق بسرعو ولا لأ :)
عموما العربية حلوة بس مش بتاعت استرخاص واى حد يمد ايدة فيها

العيوب:
-ال 1.6 هتحس الطلعة ضعيفة شوية لأن العربية وزنها تقيل انما بعد كدة مفيش مشاكل (فى فرق بين العربية تقيلة مهكعة مش قادرة تجرى و بين تقيلة بس بتجيب معاك مش مخنوقة ) ودة ميعتبرش عيب فيها لأن عربيات كتير كدة زى الجيتا والباسات وزن تقيل وقوانين بلدنا!!!
-التقفيل المصرى بس هتلاقيها فى الدهان , الفرش(الاجزاء المصرى منة) , مش حاجات اساسية يعنى (مفيش عربية اتقفلت فى مصر مطلعش فيها مشاكل لحد المرسيدس وال bmw )
-ممكن تحس ان العفشة ناشفة شوية (غير اليابانى) بس مش لادا يعنى :) -بس دة على حساب الثبات

لو فى حاجة تانية اسال :)

رد وافى
انا مع الباشا فى كل كلامه بس انا مش متأكد من موضوع درج التابلوه مبرد فى ال gls ولا لأ

[ENG\AHMED]

انت مش عربيتك كانت Gls افتح التابلوة هتلاقى جوة فى الوش سويتش اسود بيفتح ويقفل مخرج التكييف ;)

[M.Mokhtar]

بس انا موديل 2000 ومفيش سوتشان جوه درج التابلوه فعلا فى فتحات فى الوش مقفلوه بغطاء بلاستك وطبعا اخوك استخدمها عشان ركبت ال cd changer فى الدرج ;)

[ENG\AHMED]

ماهو دة غطاء اسود بلاستيك مستطيل وفية فتحة على شكل دائرة فى الجنب بيتحرك يمين وشمال علشان تفتح وتقفل :)

[M.Mokhtar]

ههههههههههه
بموت فيك والله
انت ديما بتشككنى فى نفسى ليه كده
هتخلينى انزل اشوف اللى بتقول عليه ده دلوقتى
العربيه بقالها معايا اكتر سنتين ومش اخدت بالى؟ تفتكر !!!!
ياعم لأ ماتجننيش

[ENG\AHMED]

:):):) اى خدعة ;)
العربية دى فيها خبايا كتير عايزة اللى يدعبس :) يعنى مثلا وحدات الرفع اللى بالمفتاح ومرايات العربية اللى بتتقفل فى ناس معاه العربية بقالها سنيييين وميعرفوش وموضوع درج التابلوة دة بردة والظريف انك لو عايز تركب اى حاجة مبتقولش لأ وبتلاقى الفيش موجودة

فى حاجة تانية بس مش متأكد منها هى موجودة برة بس هنا مهندسين التوكيل يقولك لأ مش موجود مع ان الظاهر بيقول غير كدة :) -لاحظ وانت ماشى ان قوة الفرامل (مشوار دواسة الفرامل) بيختلف على حسب السرعة و شدة الضغطة نفسها يعنى مثلا لما تهدى غير لما تدوس بسرعة--انا بقول ان العربية فيها BA brake assistant بس فى التوكيل يقولى لأ , اقولة اومال دة اية يقولى يمكن علشان التيل عايز يتغير اقولة ومال التيل باللى بيحصل دة يقولى عاادى !!! شكلها سوبر مش عادى فانفطلة :) بس فعلا لقيت على النت برة فى عربيات فيها

وفى حاجة تانية كمان ;) لو التيل محتاج يتغير بتلاقى لمبة ABS بتنور بعد 140

[magedqwert]

NoNaMe و memysheckles
جزاكم الله خيرا على التوضيح والإفادة

شوفو انا قدامي دلوقتي أوبل 1600 موديل 2003عاملة حوالي 95 ألف كيلو متر وسعرها حوالي 75 ألف
وفي وحدة 2000 cc وهيا CDX موديل 2002 وعاملة 200 ألف كيلو متر وسعرها 75 ألف
فأيه رأيكم لو كنتم مكاني هتختاروا أنهي ؟ وليه ؟

[M.Mokhtar]

:):):) اى خدعة ;)
العربية دى فيها خبايا كتير عايزة اللى يدعبس :) يعنى مثلا وحدات الرفع اللى بالمفتاح ومرايات العربية اللى بتتقفل فى ناس معاه العربية بقالها سنيييين وميعرفوش وموضوع درج التابلوة دة بردة والظريف انك لو عايز تركب اى حاجة مبتقولش لأ وبتلاقى الفيش موجودة

فى حاجة تانية بس مش متأكد منها هى موجودة برة بس هنا مهندسين التوكيل يقولك لأ مش موجود مع ان الظاهر بيقول غير كدة :) -لاحظ وانت ماشى ان قوة الفرامل (مشوار دواسة الفرامل) بيختلف على حسب السرعة و شدة الضغطة نفسها يعنى مثلا لما تهدى غير لما تدوس بسرعة--انا بقول ان العربية فيها BA brake assistant بس فى التوكيل يقولى لأ , اقولة اومال دة اية يقولى يمكن علشان التيل عايز يتغير اقولة ومال التيل باللى بيحصل دة يقولى عاادى !!! شكلها سوبر مش عادى فانفطلة :) بس فعلا لقيت على النت برة فى عربيات فيها

وفى حاجة تانية كمان ;) لو التيل محتاج يتغير بتلاقى لمبة ABS بتنور بعد 140

فعلا كله حاجة لو مش موجوده هتلاقى فيشيتها جاهزة مجرد انت توصل وبس
موضوع لمبة ال ABS انا عندى الكمبيوتر نفسه بيقولى تيل الفرامل محتاج يتغير

NoNaMe و memysheckles
جزاكم الله خيرا على التوضيح والإفادة

شوفو انا قدامي دلوقتي أوبل 1600 موديل 2003عاملة حوالي 95 ألف كيلو متر وسعرها حوالي 75 ألف
وفي وحدة 2000 cc وهيا CDX موديل 2002 وعاملة 200 ألف كيلو متر وسعرها 75 ألف
فأيه رأيكم لو كنتم مكاني هتختاروا أنهي ؟ وليه ؟

اعتقد ان 200 الف كم كتير اوى بس هى اصلا CDX ولا متعدله ل CDX ؟