ســــر حــب مالكـــــي الميجـــــان لهذة السيـــــارة

**momo10000** · 07-05-2008 03:54 PM

اصدقائي ....

انا فعلا عايز اعرف سر حب مالكي الميجان بالذات لهذة السيارة................

خاصة اني واحد من هؤلاء و ركبت عربيات كتير ومحترمة وسعرها فوق ال 100.000 جنية

واكيد اي عربية فيها مشاكل وتفاوت في اسعار قطع الغيار وكلام كتييييييير ولكن .......

لمــــــــــــــــاذا كل هذا الحب للميـــــجان .....

ممكن الشكل المختلف والمميز جدا للميجان.

ممكن الكم الهائل من المميزات الشيك اللي بتخلي راكب الميجان بيشعر برفاهية شديدة.

ممكن التسارع الرهيب اللي بيبدأ بعد الغيار التاني وحتي سرعة 220 .

ممكن ثبات العربية في السرعات العالية و قوة الفرامل وشعور مالكها بالامان الشديد وطبيعي كل شي بأمر الله.

ممكن قوة الوكيل وروعة خدمة العملاء.

ممكن كل الحاجات دي وممكن في حاجات مش علي بالي ....

ياريت اسمع منكم ردود

تحياتي ....

ايمن محمود

**Sharky** · 07-05-2008 04:06 PM

كل الحاجات دى طبعا

من الأخر العربية بتدينى كل إللى أنا عايزه من رفاهية و أمان و جوده وتسارع و ثبات و شكل مميز و اوبشن سابق فئتها بسعر معقول جدا و غير مغالى فيه + توكيلها الذى يعتبر أحسن توكيل فى مصر

**momo10000** · 07-05-2008 04:12 PM

دايما كلامك سليم ومقنع يا شاركي

شكرا

**medohai510** · 08-05-2008 04:07 PM

أنا معاكم في كل الكلام دة وأنا رأي أن من أول ما نزلت الرينو الكليو الهاتش باك وبعد ذلك الرينبو وشركة رينو (eim) عملت لنفسها برستيج جامد قوي علي يد السيد/ محمد نصير ومساعدية، وده غير أن الميجان شكلها الصراحة الكل معجب بها جداً

**Mustafa_Farouk** · 08-05-2008 04:18 PM

أنا كمان بحب العربية دي، مش عارف ليه ؟؟ :(
بس بحب الاوبل أكتر :)

**Hassanelrafe** · 23-05-2008 01:58 AM

انا بحب رينو كماركه محترمه و بعد كده ميجان
أولا عربيه يعتمد عليها و شيك و قويه و قطع غيارها معمره - ده غير الامان و ثباتها علي الطريق

و غير كده توكيل محترم

أخوكم حسن الرافعي

**Ahmed Selim** · 23-05-2008 02:05 AM

المشاركة التالية ( مشاركة شاركى بعد أذنه طبعاً :) ) توضح أحد أهم الأسباب اللى بتخلى مالكى الميجان يحبوها

http://www.nilemotors.net/Nile/showp...6&postcount=19

هو ملاك الميجان مش حيبطلوا إكتشافات فيها و الميجان مش حتبطل أوبشن بقى !!
العربية دى كل شوية ملاكها بيكتشفوا حاجة جديدة و مميزة كالعادة فيها

أنا متهيألى إننا حنفضل كده لحد مانبيعها و برضه حنكون ماكتشفناش فيها كل حاجة !!!

و بكده الميجان بقى فيها ميزة جديدة
إنها كل فترة بتكشف لملاكها مزايا جديدة تجعله يزيد تعلقه و إنبهاره بها
يعنى كأنها كل ما تحس إن مالكها بعد عنها شويه تقوم جيه رمياله أوبشن جديد لكى يزيد من حبه لها

فعلا علاقة ملاك الميجان بالعربية لن تجدها فى سيارة أخرى