لكل من تعامل مع مهندس طارق زويل ارجو الدخول!!!

[basom]

السلام عليكم اخوتى فى الله
ترددت كثيرا قبل ما اكتب هذا الموضوع لانى مش عارف اشكر بابا نويل كل الانسراوية ازاى
الراجل دة يا جماعة بيتعب اوى جدا علشان خاطر المنتدى دة والله انا كنت عندة كان عندى مشاكل فى العربية و انا ضيف جديد فى هذا المنتدى و قابلنى احسن مقابلة و عرفنى بمهندس الصيانة فى التوكيل
و تحس اول ما تشوفوة ان انت تعرفة من زماااااان اوى من مقابلتة و استضافنى فى مكتبة من 10 صباحا حتى2 بعد الضهر رغم انشغالة بهموم كثيرة جدا فى شغلة انما فاتح صفحة المنتدى امامة و كلما وجد فرصة و لو دقائق معدودة يدخل و يشوف اية الاخبار و يرد و يرجع يكمل شغلة يا جماعه انا ولله ما ببالغ لكن الراجل دة فعلا محترم جداااااااااا يا ريت نردلة حقة كل من تعامل معاة يدخل و يقول كلمة رد جميل و شكرا على تعونكم معنا

[Sharky]

فعلا م / طارق من الشخصيات المحترمة جدا فى المنتدى

[kimo-nubira]

انا ماتعملتش معاه بس هو فعلا باين من كل مواضيعه انه بيتعب فعلا من اجل المنتدي

وباين انه شخص محترم جدا وانا كمان بشكره علي تعبه ده وربنا يجزيه كل خير

[Noha.M]

Rabena yegazeh kher we yedeh 3la ad neyeto ,isa my twin brother hayeb2a lancerawy orayeb :p

[islamaboelnaga]

راجل محترم جداااااااااااااااااااااااااااااااااااااااااااااااا ااااااااااا

[elpasha009]

أنا تقريبا كنت أول واحد إتعامل معاه من أول معرفت إنه شغال في التوكيل:)ورحت التوكيل 3 مرات من بعدها لدرجة إني المرة الأخيرة مردتش أطلعله غير لما أخلص العربية علشان متعبوش معايا:)
بجد مهما قلت مش هيكفي ولا يوفي جمايله علي وعلى كل ملاك الانسر.
بس ياريت مننساش الأستاذ محمد اللي شغال مع المهندس طارق في مكتبه.الإنسان ده بجد أحسن مثال لمعنى الجندي المجهول:)أصل هو مش مشترك في المنتدى ومع ذلك تقريبا يعرف كل حاجة عن المنتدى والموضيع اللي فيه ومش بيتأخر على أي حاجة ولا أي حد.

[ahmed_gamal]

بصراحة شخص محترم جدا و خدوم جدا وانا بصراحة يشرفني اني عرفت شخص زي الاستاذ طارق

[Dr.SherifMansy]

بصراحة انا لا شفته و لا قابلته و لا اتعاملت معاه انما كفاية سرعة تلبيته لأسئلتنا و كل ما سألت سؤال يسارع بالرد عليه على اسرع و اكمل و ادق وجه و لا يخفى معلومة او يبخل بنصيحة
الرجل يستحق منا كل تقدير و اجلال و احترام ، و بصراحة نفسى اقابله علشان اشكره بس
:D
مع تحياتى
د/ شريف

[Ayman2007]

انا بصراحة ما اتعاملتش معاه لأن عربيتي خليجي (لانسر 2007) و مركز صيانة قليوب أو جسر السويس بيديك ميعاد بعد شهر و بصراحة عملت صيانة 10000 عند الرواس إللى في قليوب جنب مصرية بس بصراحة الباش مهندس طارق من أكثر الناس احتراما في المنتدى و ربنا يجزيه كل خير عن كل اللانسراوية و يعينه على المجهود الكبير إللي بيبذله في متابعة رسائل المنتدى لوجه الله

[مصراوي جدا]

صباح الخير يا جماعة

ايه يا عم باسم الموضوع ده ..شكرا يا باشا ليكم كلكم ولذوقكم .. ربنا يديم المعروف بينا

واشوفكم بكره باذن الله في اجتماع المنتدى في الربوة ..

[mrekaby]

المهندس طارق زويل و الاستاذ محمد عبدالعال رجالة بمعنى الكلمة و حقيقى يتساهلوا كل خير

[mazen86]

كفاية بس انه لما حد بيعرض عليه مشكلة بيجبلها الحل

شكرا م\طارق زويل

[mada121977]

انا كنت لسه هاعمل موضوع عن تقديرى للباشمهندس طارق وشكرى له على اهتمامه فى كل مره اروح فيها لصيانه العربيه (سبقتنى يا استاذ باسم :) )
انا كنت عند الباشمهندس طارق النهارده علشان صيانه ال 20 الف كم والحمدلله خلصت على خير.... وطبعا ومن غير كلام كفايه اهتمام الباشمهندس طارق ومتابعته سير العمل فى العربيه وسؤاله للفنيين اكتر من مره على الشغل المعمول فى العربيه وكان نفسى اشوف المهندس محمد عبدالعال النهارده بس هوا كان فى معرض الشركه فى رمسيس فله منى خالص التحيه ايضا وللباشمهندس طارق خالص الاحترام والتقدير والحفاوه وهوا فعلا زى ماقال استاذ باسم اول ما تتكلم معاه تحس انك تعرفه من زمان :) ... وربنا يقدرنا ونرد جمايله وذوقه الكبير ده :)

[basom]

انا كنت لسه هاعمل موضوع عن تقديرى للباشمهندس طارق وشكرى له على اهتمامه فى كل مره اروح فيها لصيانه العربيه (سبقتنى يا استاذ باسم :) )
انا كنت عند الباشمهندس طارق النهارده علشان صيانه ال 20 الف كم والحمدلله خلصت على خير.... وطبعا ومن غير كلام كفايه اهتمام الباشمهندس طارق ومتابعته سير العمل فى العربيه وسؤاله للفنيين اكتر من مره على الشغل المعمول فى العربيه وكان نفسى اشوف المهندس محمد عبدالعال النهارده بس هوا كان فى معرض الشركه فى رمسيس فله منى خالص التحيه ايضا وللباشمهندس طارق خالص الاحترام والتقدير والحفاوه وهوا فعلا زى ماقال استاذ باسم اول ما تتكلم معاه تحس انك تعرفه من زمان :) ... وربنا يقدرنا ونرد جمايله وذوقه الكبير ده :)

اخى فى الله احمد
مش مهم مين الى سبق و فتح الموضوع دة المهم انة كان لازم يتفتح علشان ندى الراجل دة حقة الى مهما عملنا مش هندهولوا و يعم خيرها فى غيرها و على فكرة انا شفتك انهارة عندة بس انت مش واخد باللك و يا ريت تقولى دفعت كام فى صيانة20 علشان انا على وشك و شكراااااا على تفاعلكم معنا

[shahinbasha]

بصراحة انا لا شفته و لا قابلته و لا اتعاملت معاه انما كفاية سرعة تلبيته لأسئلتنا و كل ما سألت سؤال يسارع بالرد عليه على اسرع و اكمل و ادق وجه و لا يخفى معلومة او يبخل بنصيحة
الرجل يستحق منا كل تقدير و اجلال و احترام ، و بصراحة نفسى اقابله علشان اشكره بس

وانا بتفق مع حضرتك فعلا الباشمهندس طارق يستحق كل احترام وتقدير وجزاه الله خيرا