تغيير النقشه بين الفرديتن

[ابو سيف]

السلام عليكم
معلش كنت عايز اسأل ضروري على مدى تأثير اني اغير فردة واحدة بنوع مغاير للفرد اللى راكبه
هل التأثير هيكون كبير؟؟؟؟ و لا هيكون في مشكله
و لا لازم اغير بنفس الفردة القديمه او اني اغير فردتين نفس النوع و النقشه يكونوا جمب بعض

لأن عندي فردة باظط و عايز اغيرها بفردو جديدة بريدجستون في حين ان باقي الفرد المفروض لسه بدري على تغييرها (مشيت 10 الالف بس )
فهل دة فيه مشكله كبيرة و لا عادي؟؟؟ لأن المهندس هناك قالي انه طبعا الافضل اني اغير الفردتين و ان دة هيأثر على المشي و الفرامل و حاجات كتير !! فمش عارف بصراحه محتاج اخد قرار سريع عشان انزل اشوف لو هينفع و اغير واحدة و لا الموضوع فعلا هيبقا مؤثر و هحس بيه في المشي و السفر و المناورة و اغير الفردتين و خلاص؟؟؟؟

[ابو سيف]

يعني انا دلوقتي اودامي خيار من تلاته
1-اغير الفردة الواحدة دي بواحدة تانيه بريدجستون
2-اغير فردتين ببريدجستون
3-اغير الفردة دي بنفس النوع اللى موجود فيها اصلا و هوا بريللي
طبعا هتقول غير بنفس النوع و خلاص انا الفكرة كلها اني سمعت ان البريدجستون افضل بكتير و كمان ارخص
فردة البريللي بحوالي 650 او اكتر (دة لو لاقيتها ) لكن البريدجستون ب 400 و نوع تاني ب 500 بس طبعا لو تغيير فردة واحدة مش هينفع يبقا اني اغير بواحدة بس بريللي هيبقا بردو افضل
بس مش عارف هل البريدجستون فارقه كتير و لا البريللي بردو كويسه المفروض انها اسم كويس بس انا حاسس انها ناشفه و البريدجستون احسن كتير !!!


يا ريت تفيدوني لأني لازم اخد القرار دة خلال اليوم عشان لو كدة هغير انهاردة ان شاء الله

[MMamdouh]

انت مش عايز تجيب بريللى عشان غالى و ب650... لكن حتجيب 2 بريدجستون ب 800... مش منطقى خالص

هات فردة بردجستون اعملها استبن و نزل الاستبن بدل الفردة اللى باظت (بفرض ان الاستبن بريللى زى اللى شغالين)

MMamdouh

يا باشمهندس مهو اكيد لو الاستبن شغال كنت نزلته
الفكرة ان في عندي فردتين بايظين استعن بالاستبن بدل واحدة من اللى باظوا و فصل واحدة كنت عايز اغيرها لوحدها بس سمعت عن انها هتبقا مش كويسه و هحس بتأثير سلبي اثناء القيادة و الفرامل

دلوقتي هل فعلا الكلام دة صح؟؟؟ و غلط اني اغير فردة واحدة مغايرة؟؟؟ يبقا كدة مش اودامي غير اني يا اما اجيب فردتين بريدجستون او اجيب فردة بريللي ؟؟

و لا مفيش مشكله من تغيير فردة واحدة؟؟؟و مش هيكون فيه تأثير سلبي؟؟؟

و لو هوا خلاص الاختيار الامثل اني اجيب فردة واحدة بريللي زي اللى موجودين يا ريت لو تقولي مكان توكيل بريللي او مكان مضمون اجيب منه الفردة يكون معلوم طريقه التخزين عندهم و تاريخ الانتاج مش بعيد و يكون في مدينه نصر لو امكن
شكرا على ردك و اسف على كثرة الاسئله !!

[MMamdouh]

يعنى انت ماشى من غير استبن و الا ايه؟... انا مش فاهم

طيب خلينا نرجع شوية لورا... هى الفرد البريللى اللى عندك عاملة كام الف و بقالها كام سنة؟

اصل ان فردة تبوظ و قبل منها فردة كانت بايظه اساسا يبقى كدة مؤشر ان البريللى بيجيب اخرة تماما و حيبقى الافضل انك تجيب 4 فرد جداد بدل ما كل 6 شهور تلاقى فردة ماتت و تدور على واحدة اخت اللى راكبة و كدة

كلام المهندس صح... الافضل يبقى الاربع فرد زى بعض و اضعف الايمان يبقى فردتين قدام زى بعض و ورا زى بعض و غلط ان الفردة اليمين متبقاش زى الشمال فى اى طرف (قدام او ورا) لان كدة بتخل باتزان العربية نتيجة اختلاف تماسك كل عجلة عن التانية

MMamdouh

لا يا باشمهندس الفرد كويسه و لسه ممشيتش
انا ماشي بالعربيه حوالي 10 الالف !!!
المشكله اني اخدت بلاعه عميقه شويه و حروفها كانت حادة جدا فقطعت جزء من الكاوتش في الناحيه اليمين كلها
اودام وورا

دي بداية القصه
بعد كدة صلحت الفردتين دول خياطه بقا و لحام و شغل جامد جدا بس رجعوا تيوبليس تاني !!!
و مشيت بيهم كدة حوالي 2000 كيلو و كنت مرجعهم الاتنين ورا طبعا

فردة منهم ضربت و انا ماشي فغيرتها بالاستبن(السليم مكنش لسه نزل )
و ركبت تيوب للفردة اللى كانت ضربت دي بحيث احطها استبن لحد ما اغيرها بقا
فدلوقتي راكب 3 بريللي سليم 100% واحدة منهم ماشيه حوالي 3000
وواحدة بريللي استبن بايظه (ملصمها عشان تؤدي وظيفه الاستبن لحد ما اغير الفردة )
فردة ورا يمين من اللى كانوا باظوا لسه شغاله و تيوبليس بس عايز اغيرها طبعا عشان بسافر و انا خايف جددااا !!
انا كنت ناوي اغير اللى شغاله لحد دلوقتي و اخليها هيه استبن و اجيب واحدة تانيه جديدة تركب مكانها
ايه رأيك بقا؟:)

[MMamdouh]

لو كنت مكانك... اجيب فردتين بريللى

MMamdouh

انا حاسس انه بناءا على تصديق كلام حضرتك لكلام المهندس يبقا فيه حلين
1- تغير الاتنين ببريدجستون و اركب اللى كانت استبن تاني اخليها استبن و بكدة يبقا اتنين بريدجستون و اتنين بريللي 800 جنيه
2- اغير اللى بايظه خالص و راكبه دلوقتي ببريللي و ارجع اللى راكبه و ماشيه دلوقتي اخليها استبن زي ما كنت ناوي و دي تمنها اللى سمعته انه في حدود 650 جنيه ممكن اكتر و ممكن اقل مش عارف مسألتش لسه
مقاس الفرد


195-55-15

و لو كدة يا ريت تقولي مكان موزع معتمد للبريللي في مدينه نصر اقدر اسأل فيه على سعرها و هل موجود نفس المقاس و النقشه دي اساسا و لا لأ

و لا ايه رأيك؟؟؟؟

[ابو سيف]

معلش رديت و انت بترد
فردتين بريللي ؟؟:o و لا قصدك فردتين بريدجستون!!!!!!!!

[MMamdouh]

بريللى

اصل لسة بدرى اوى على ما تغير الفرد البريللى السليمة (30 الف اقل واجب) و بالتالى حتفضل مدة كبيرة بفرد ورا غير قدام... بس دة رائى الشخصى لانى مبحبش الفرد تبقى غير بعض

عايز تمسك العصاية من النص هات واحدة بريللى ركبها و شغلها و هات البردجستون استبن

عايز توفر خالص هات الاتنين بردجستون

هما الفرد دى P6000؟

اسال عن الرومانى او اشرفكو و شوف الاسعار ايه و بناء عليه تعرف تقرر اى الانسب ماديا

MMamdouh